نہ جنوں میں تشنگی ہے، نہ وصال ِ عاشقانہ

نہ جنوں میں تشنگی ہے، نہ وصال ِ عاشقانہ
مری زندگی کا شاید، یہیں تھم گیا زمانہ

نہ صدا ہے محرموں کی، نہ نظر وہ ساحرانہ
نہ وفا ہے دوستوں کی، نہ عطائے دلبرانہ

مرے ہجر کے فسانے ہیں مکاں سے لا مکاں تک
نہ چمن نہ گل نہ بلبل، نہ بہار و آب و دانہ

مرے غم کدے کی شامیں ہیں تیرے بنا غریباں
ہے مزاج ِ شب بھی کافر، تیرا غم بھی قاتلانہ

میں جو تھک گیا سفر میں، میرے آبلوں نے چھیڑا
وہی راگ ِ دشت و صحرا، بہ نوائے تازیانہ

یہ منافقت کی بستی ھے کہ دور مصلحت کا
جو نقاب ِ زرق اوڑھے، ھے جہان ِ کافرانہ

پس ِ مرگ خامشی یہ ھے حلیف ِ دست ِ ظلمت
تری چپ ھے تیری قاتل کہ مزاج ِ بذدلانہ

مرے طرز ِ حق نوائی پہ ہے اعتراض ان کو
جو صدائے عاشقاں کو، کہیں فقر ِمشرکانہ

یہ کمال ِ د ل فریبی ہے ترے سخن میں درویش
جو فقیر بن کے چھیڑا ہے رباب ِ خسروانہ

فاروق درویش



۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اردو ادب و سخن میں دلچسبی رکھنے والے اور نئے لکھنے والوں کی رہنمائی کیلئے بحر، ہندسی اوزان اور ایک شعر کی تقطیع دی جا رہی ہے


بحر ۔ بحر رمل مثمن مشکول


ارکان ۔۔۔۔۔۔۔۔۔۔۔۔۔۔۔۔۔ فَعِلات ۔۔۔۔۔ فاعِلاتُن ۔۔۔۔۔۔ فَعِلات ۔۔۔۔۔۔ فاعِلاتُن
ہندسی اوزان ۔۔۔۔۔۔ ۱۲۱۱۔۔۔۔۔۔ ۲۲۱۲۔۔۔۔۔۔۔۔ ۱۲۱۱۔۔۔۔۔۔۔۔ ۲۲۱۲

تقطیع

نہ ج نوں کی ۔۔۔۔۔۔۔۔ ۱۲۱۱
تشن گی ہے ۔۔۔۔۔۔۔۔ ۲۲۱۲
نہ و صا لے ۔۔۔۔۔۔۔۔ ۱۲۱۱
عا ش قا نہ ۔۔۔۔۔۔۔۔۔ ۲۲۱۲

مری زن د ۔۔ ۔۔۔۔۔۔ ۱۲۱۱
گی کا شا ید ۔۔۔۔۔۔۔ ۲۲۱۲
ی ہی تھم گ ۔۔۔۔۔ ۱۲۱۱
یا ز ما نہ ۔۔۔۔۔۔۔۔۔۔ ۲۲۱۲

نوٹ ۔۔۔۔ کا ، کے، کی، ھے، ھیں، ہوں، وہ، یہ ، نہ، جو، میں، گے، گی جیسے الفاظ کو 1 میں باندھنا بھی درست ھے اور 2 میں بھی ۔۔۔۔۔۔۔۔۔۔ نون غنہ اور ھ کا وزن تقطیع میں شمار نہیں ھو گا ۔۔۔۔۔

اشارہ : حضرت اقبال کی مشہور غزل " تجھے یاد کیا نہیں ہے مرے دل کا وہ زمانہ'' اور مرزا غالب کی غزل " یہ نہ تھی ہماری قسمت کہ وصال ِ یار ہوتا " بھی اسی بحر میں لکھی گئی شہرہ آفاق غزلیں ہیں

 

زبردست شیئرنگ فاروق صاحب

 

جزاک اللہ برادر ۔۔۔۔۔۔۔۔۔۔حوصلہ افزائی کیلئے ممنون ھوں

جگ جگ جئیں

 

نہ جنوں میں تشنگی ہے، نہ وصال ِ عاشقانہ
مری زندگی کا شاید، یہیں تھم گیا زمانہ

نہ صدا ہے محرموں کی، نہ نظر وہ ساحرانہ
نہ وفا ہے دوستوں کی، نہ عطائے دلبرانہ

میں جو تھک گیا سفر میں، میرے آبلوں نے چھیڑا
وہی راگ ِ دشت و صحرا، بہ نوائے تازیانہ

یہ منافقت کی بستی ھے کہ دور مصلحت کا
جو نقاب ِ زرق اوڑھے، ھے جہان ِ کافرانہ

مرے طرز ِ حق نوائی پہ ہے اعتراض ان کو
جو صدائے عاشقاں کو، کہیں فقر ِمشرکانہ

یہ کمال ِ د ل فریبی ہے ترے سخن میں درویش
جو فقیر بن کے چھیڑا ہے رباب ِ خسروانہ​

محترم فروق درویش صاحب

اس خوبصورت عنایت پر دلی شکریہ قبول فرمائیں

 

زبردست شیئرنگ

 

یہ کمال ِ د ل فریبی ہے ترے سخن میں درویش
جو فقیر بن کے چھیڑا ہے رباب ِ خسروانہ

کیا کہنے سر کمال غزل اور استادانہ رنگ ہے

 

بہت خوب

 

السلام علیکم۔۔۔

فاروق صاحب۔۔۔!

پہلے پہل تو میں‌نے یہ خیال کیا کہ، فاروق صاحب نے ایک اچھی غزل شیر کی ہے، لیکن جب درویش تخلص پایا گیا، تب داد تحسین کے سوا کوئی چارہ ہی نہیں، بحر ، علامہ اقبال اور غالب کیوں‌نہ ہوں، غزل فاروق درویش صاحب کی ہے، اور وہ بھی الفاظ کو جامعیت کے ساتھ پروکر بہت ہی دلنشین اور بامقصد بنادیا گیا ہے۔، ابھی گردش دوراں ایسی نہیں کہ شاگردی اختیار کرلی جائے، اور دئے جارہے دروس پر مشق کی جائے، لیکن جناب تعریف و تحسین کے مستحق تو ہیں‌آپ، البتہ وہ حضرات ، جو اپنی ادب ، نظم و نثر کو باادب بنانے چاہتے ہوں‌، میرا خیال ہے کہ فاروق بھائی اور نعمان بھائی کی شاگردی اختیار کرکے، ادب میں‌حروف تہجی سیکھ سکتے ہیں۔۔۔۔۔!!!

بہت عمدہ۔

 

بہت خوب محترم بھائی فاروق درویش صاحب
بہت اچھی لگی آپ کی یہ غزل بھی،
بہت سی داد پیش ہے، قبول کیجیے۔

نوٹ میں آپ نے جو بات ان مذکورہ الفاظ کے بارے میں لکھی ہے وہ درست ہے لیکن ان میں ایک لفظ "نہ" ایسا ہے اور اس کے علاوہ لفظ "کہ" ہے، جو ہمیشہ ایک متحرک حرف یا 1 کے برابر شمار ہوتے ہیں
آپ کا بہت شکریہ، ہمیشہ خوش و خرم رہیے۔

 

برادر محترم و استاد ذی وقار فصیح صاحب
السلام علیکم
اول آپ کی پسندیدگی اور حوصلہ افزائی کیلئے ممنون ھوں ۔۔۔۔۔۔۔۔۔جہاں تک میرے ناقص علم میں ہے ''نہ'' اور ''یہ'' دونوں ھی اساتذہ نے بھی اور دوسرے مستند شعرا نے دونوں ھی اوزان میں استعمال کئے ھیں ۔۔۔۔۔۔۔۔ اس میں کبھی کبھی کنفیوژن یہ پیدا ھوتی ھے کہ کبھی شاعر مصرع کے شروع میں فاعلاتن کو فعلاتن میں تبدیل کرنے کی عروضی سہولت استعمال کر لیتے ھیں تو نہ اور یہ کے وزن کو بارے کچھ کہنا مشکل ھو جاتا ھے ۔۔۔۔۔۔ھاں ''کہ'' کے بارے ابہام ھے ، اساتذہ کے '' کہ'' کو ہمیشہ یک رکنی ھی باندھا ھے ۔ اس حوالے سے آج کل بھی مختلف ادبی فورمز پر علمی بحث جاری ھے ۔۔۔۔۔۔۔۔۔ ذاتی طور پر میں بھی '' کہ'' کو یک رکنی ھی باندھنے کا حامی ہوں ۔۔۔۔۔۔۔ آپ کی توجہ کیلئے ایک بار پھر شکرگزار ھوں ۔۔۔۔ خوش آباد
والسلام

 

بہت خوب

 

بہت خوب :00001:

 

نہ جنوں میں تشنگی ہے، نہ وصال ِ عاشقانہ
مری زندگی کا شاید، یہیں تھم گیا زمانہ
:00001:

 

کمال ہے !