کمپیوٹر آف اور ریڈ لائٹ آن ہوجاتی ہے!

السلام علیکم ورحمۃ اللہ وبرکاتہ
آج کل ایک عجیب مسئلے کا شکار ہوں۔
کمپیوٹر چلتے چلتے اچانک بند ہوجاتا ہے اور سسٹم کی ریڈ لائٹ جلنا شروع ہوجاتی ہے۔
کچھ دیر بعد سٹارٹ کرنے پر سٹارٹ تو ہوجاتا ہے لیکن پھر یہی مسئلہ ہوجاتا ہے۔
ایک بھائی صاحب نے مشورہ دیا تھا کہ ریم اور کیبلز وغیرہ اتار کر دوبارہ لگا کر دیکھو۔
یہ بھی کرلیا ہے۔ لیکن مسئلہ جوں کا توں ہے۔
ونڈو کرنے کی کوشش بھی کررہا ہوں لیکن ونڈوز کی فائلز کاپی ہونے کے بعد پھر وہی مسئلہ پیش آجاتا ہے۔
آپ کی توجہ کا منتظر۔

 

و علیکم السلام ورحمۃ اللہ وبرکاتہ
ِلوڈ شيڈنگ كى بركت لگتى ہے ۔
پاور كيبلز بدل كر ديكھيں يہی سب ہو تو ...
پی سى پر انا للہ پڑھ ليں ، مدر بورڈ يا پروسيسر دغا دے گيا ہے ۔

 

اگر یہ بے وفا دغا دے گئے ہیں تو تھوڑی سی جھلک دکھا کر ہمارے پریشان دل کو چند لمحوں کا سکون کیسے دے جاتے ہیں؟

 

كسى بڑے نجومى كا انتظار كريں ۔

 

سرکار اوور ہیٹنگ کا مسئلہ بھی ہو سکتا ہے۔ ویسے ریڈ لائیٹ کونسی آن ہوتی ہے؟؟؟

 

کمپیوٹر سسٹم کوئی برانڈڈ ہے یا پھر اَن برانڈڈ ؟
معلوم ہوتا ہے کہ کوئی برانڈڈ ہے جس میں Exclamation mark والی لائٹ بلنک کر رہی ہوگی۔
اگر ایسا ہی ہے تو پھراپنے کمپیوٹر سسٹم کو شٹ ڈاون کریں، اور ریم کے میموری بینک تبدیل کر دیں، یا پھر یہ چیک کر لیں کے بجلی کے والٹ ایج مکمل آ رہے ہیں؟
اس کے علاوہ اگر یہ واقعی میں برانڈڈ ہے تو بایؤس میں ایونٹ لوگ موجود ہوگی اس کو چیک کر لیں۔ اس میں‌ وجہ موجود ہوگی۔ اگر Hyperthermal Enabled مشین ہے تو اس کو off کر دیں۔
اس کے بعد بتائیں‌ کے کمپیوٹر کا کیا behaviour ہے۔

 

پروسیسر کی کولنگ پیسٹ چیک کریں‌ ۔ اگر بہت زیادہ سوکھ گئی ہے یعنی جل گئی ہے تو اوور ہیٹنگ کا مسئلہ ہے ۔

اس کے علاوہ ریسٹ‌ اور پاور کی لیڈ وائرز چیک کریں ۔ نکال کر لگائیں ۔

 

یعنی کہ غصہ کھا گیا ہے۔ یہ جو پاور کے بٹن کے ساتھ ہوتی ہے پیلے رنگ کی۔ وہی سرخ ہوکر جلنے بجھنے لگتی ہے۔

جہاں تک مجھے یاد پڑتا ہے، لا کر دینے والے نے یہی بتایا تھا کہ یہ برانڈڈ ہے۔ باقی اللہ اعلم۔
ریم کے میموری بینک تبدیل کرکے دیکھوں گا۔ ان شاء اللہ
”بجلی کے والٹ ایج مکمل آ رہے ہیں؟“ اس کا کیسے پتہ چلے گا جناب؟
بائیوس کو بھی چھیڑ کر دیکھیں گے۔ ان شاء اللہ

وائرز وغیرہ ساری نکال کر دوبارہ لگا کر دیکھ لی ہیں۔ الحمد للہ، لیکن جوں کا توں ہے۔
باقی کام صبح کریں گے۔ ان شاء‌اللہ

جزاکم اللہ خیرا

 

فریج وغیرہ کے اسٹیب لائزر میں دیکھیں۔

بائیوس کو چھیڑنا نہیں‌ہے بلکہ برانڈڈ مشینوں‌ میں سسٹم بائیوس سیٹنگ میں ایونٹ لوگ ہوتی ہے۔ اُس ایونٹ لوگ میں شاید کہ وہ سسٹم کی پرابلم بتلا دے۔
اور اگر سب کچھ کرنے کے بعد بھی مسئلہ وہیں رہے تو ریم کو بدل کر دیکھئے گا۔
اور اگر ہو سکے تو برانڈ بھی دیکھ کر بتلا دیں۔ کیونکہ جیسا مسئلہ آپ بتلا رہے ہیں‌وہ شاید hp کی مشین ہو۔ یہ مسئلہ زیادہ تر ریم مس میچنگ یا پھر پاور فیلئر کی وجہ سے آتا ہے۔
واللہ اعلم

 

آج کل میرے سسٹم پر بھی ڈی ریم فیلڈ یا کچھ ایسا ہی ایرر ظاہر ہورہا ہے۔ سستی کی وجہ سے سی پی یو کیبنٹ کھول کر دیکھنے کی زحمت نہیں کرپارہا۔
اس کا آسان عارضی علاج یہ ہے کہ 'سی موس' کا بٹن دبادیا جائے ۔ ری اسٹارٹ کرنے پر ٹھیک سے چلے گا ۔ نہیں تو بایوس سیٹنگ پھر سے ڈفالٹ کرنے پر چالو ہوئے گا۔
سسٹم ویرنٹی میں ہو تو اس کے سروس سیٹر کو رجوع کریں۔ اگر نہیں ہے اور سسٹم پر قیمتی مواد ہو تو پاس سے کسی Qualified Hardware Troubleshooter سے مدد لیں۔
لوڈ شیڈنگ کا مسئلہ ہو تو ' یو پی ایس' لگانا چاہئے۔ اُس کی عدم موجود گی سسٹم کےلئے نقصان دہ ہوسکتی ہے۔
۶۰۰ وی ائے یو پی ایس جو سسٹم کو ۳۰ منٹ تک پاور سپلائی کر نے کی صلاحیت رکھتا ہے اس کی قیمت تقریباً ۱۵۰۰ ہندوستانی رپئے ہوگی۔

 

لیپ ٹاپ کے مسئلے کا حل تو کولر پیڈ بھی ہے

 

میرے گھر میں بھی ایسا ہی بیمار لیٹا ہوا ہے۔

 

محترم شیخ نے بہت ہی بہترین علاج دریافت کیا ہے
جزاک اللہ خیرا کہ آپ نے اتنی اچھی بات ہم سے بھی بانٹی

بھائی ملتان کی گرمی کے سامنے یہ چیز ناکام معلوم ہوتی ہے۔ اللہ اعلم

 

آزاد بھائی پہلی بات کہ آپ سب سے پہلے آپنے کمپیوٹر کی ہارڈ ڈسک اتار کر چلائیں اور دیکھیں کہ پھر بھی ایسا ہی کرتا ہے کچھ دیر کے بعد ؟
مزید پھر سکائیپ پر آنا تو سٹیپ بائے سٹیپ کوشش کریں گے ان شاء اللہ

 

درست فرمایا آپ نے شیخ محترم
شیخ محترم اگر ایک عدد تصویر کھینچ کر یہاں لگادیں تاکہ میرے جیسے کم علم کو بھی کرنے کا طریقہ آجائے

 

جی ہاں آج کل یہ مسئلہ عام ہوگیا ہے۔
ایک دفعہ گاڑی والی ہائی گرافکس کی گیم اپنے لیپ ٹاپ پر لگائی تو بہت زبردست چل رہی تھی کیوں کہ GeForce 540 GTM لگا ہے اور گاڑی بہت زبردست چلا رہا تھا لیکن جب سائڈ جہاں فین لگا تھا وہاں ہاتھ رکھا تو پتہ چلا کہ گاڑی کا Silencer تو یہاں باہر نکلا ہوا ہے اس لیے فورا گیم بند کردی اور نکال بھی دی ، میں نے کہا ایسے نہ ہو لڑائی والی گیم میں دھماکہ نہ ہوجائے ساری آگ باہر آجائے گی۔

 

بیک گراؤنڈ پر برف کی تصویر لگائیں
یا پھر
ملتان کے آم

 

تازہ ترین صورت حال:​

محترم ماہرین و حاضرین!
ہوا کچھ یوں کہ اوپر درج کردہ صورتحال کا تذکرہ ہم نے اپنے ایک بہت ہی پیارے دوست سے کیا جو کمپیوٹر کے بارے میں کافی حد تک معلومات رکھتے ہیں۔
فرمانے لگے: میرے پاس لے آؤ۔
تو جناب والا! ہم لے گئے ان کے پاس اپنے کمپیوٹر کو۔
مجلس پر بتائے گئے حل میں نے انہیں پڑھوائے تو انہوں نے کچھ کے مطابق عمل کیا لیکن نتیجہ وہی ڈھاک کے تین پات ہی آیا۔
آخر کہنے لگے: کل اس کے مدر بورڈ کو پانی میں سرف ملا کر دھوئیں گے۔
میں نے سوچا: شاید بھائی صاحب اس مردے کو غسل دینا چاہتے ہیں۔
خیر صاحب! وہ ہم سے بہتر جانتے تھے، اس لیے دل پر پتھر رکھ کر ان کی بات مان لی اور اگلے دن اسے غسل دے ہی دیا۔
پھر اسے اچھی طرح خشک کرکے انہوں نے اسے کمپیوٹر میں بند کیا اور کمپیوٹر کو گویا کفن دے کر تدفین کےلیے تیار کردیا۔
پھر حضور والا! اسے چلایا تو الحمد للہ بالکل ٹھیک چلنے لگا۔
ہم نے اللہ کا لاکھ لاکھ شکر ادا کیا۔
ان کے پاس تقریبا دو چار گھنٹے میں بیٹھا رہا اور کمپیوٹر صاحب ٹھیک چلتے رہے۔ پھر میں‌ اسے گھر لے آیا۔
گھر میں آکر چلایا تو دو گھنٹے تک تو ٹھیک چلتا رہا، اس کے بعد اچانک بند ہوگیا اور ہمارا دل اچھل کر باہر نکلنے کو آگیا۔
کچھ دیر بند رکھنے کے بعد پھر چلایا تو ایک گھنٹہ چلا اور پھر اچانک داغ مفارقت دے گیا۔
پھر ہم نے آرام دیا اور آج جب شام میں چلایا تو تب بھی اس نے یہی حرکت کی کہ ایک گھنٹہ تک تو بالکل صحیح چلا، جس پر ہم خوش تھے، پھر اس کے بعد اچانک بند!
پھر کچھ آرام دے کر چلایا تو تقریبا پون گھنٹہ چلا اور پھر بند!
تو پھر ہم نے اب ایسا بند کیا ہے کہ دوبارہ نہیں چلایا۔
گویا اب صورت حال یہ ہے کہ تقریبا ایک گھنٹہ کے بعد چلتے چلتے اچانک بالکل بند ہوجاتا ہے پہلے کی طرح سرخ بتی نہیں چلتی۔
اب کیا فرماتے ہیں‌ ماہرین حضرات بیچ اس مسئلے کے؟؟؟