مبارک ہو ، پھر ماہ صیام آیا

مبارک ہو مسلمانو ! کہ پھر ماہ صیام آیا
خدا کی رحمتوں اور برکتوں کا اژدھام آیا

خدا کا شکر ہے، فضل بہارٍ جاں فضا آئی
خوشاقسمت کہ پھر سے زندگی میں یہ مقام آیا

زمانہ آ گیا پھر لطف باری عام اب آیا
نصیب اپنے کو پھر سے زندگی میں یہ مقام آیا

قیامت میں‌ یہ روزہ ڈھال ہو گا روزہ داروں کی
یہ سرمایہ بھی اپنا کیسے آڑے وقت کام آیا

ہدایت کے صحیفے سب کے سب اسی ماہ میں اترے
اسی ماہٍ مبارک میں کلاموں کا امام آیا

اسی میں رات ایک آئی ہزاروں ماہ سے افضل
کہ جس میں‌چشمہ رحمت سے بندوں کا سلام آیا

گذاری جس نے اپنی زندگی ساری اطاعت میں
اسی کے واسطے جنت سے دنیا ہی میں جام آیا



​

قاری صدیق احمد باندوی​

 

بہت خوب

جزاک اللہ خیرا

 

واہ بہت عمدہ كلام لائے ہیں ماشاء اللہ۔جزاكم اللہ خيرا ۔

ان دو اشعار پر نظر ثانى كريں، كوئى لفظ رہ گيا ہے شايد ۔

 

واہ۔۔۔۔ بہت خوب

 

ہممم جی سسٹر مجھے بھی لگ رہا ہے۔ اب وہ رسالہ ڈھونڈنا پڑے گا جہاں سے یہ لیا تھا۔۔۔۔ :00005:

 

بہت خوب

جزاک اللہ خیرا

 

بالکل نہیں محترم المقام ام نورالعین صاحبہ درج بالا اشعار میں کوئی الفاظ کی کمی نہیں ہے بلکہ مذکورہ اشعار بحر پر پورا پورا اتر رہے ہیں راقم نے آپ کے درج بالا اوہام رفع کرنے کی کوشش کی ہے ملاحظہ فرمائیں۔۔۔
قاری صدیق باندوی صاحب کی یہ خوبصورت نظم ایک خوبصورت بحر’’ ہزج مثمن سالم‘‘ میں پائی جاتی ہے۔۔۔اور مذکورہ بالا دونوں اشعار اس بحر پر پورے پورے اتر رہے ہیں۔۔۔ملاحظہ فرمائیں مع تقطیع کے۔۔۔
خدا کا شکر ہے فصلِ بہارِ جان فزا آئی
تقطیع
اس بحر کے ارکان ہیں ۔۔۔۔مفاعیلن مفاعیلن مفاعیلن مفاعیلن اور یہ سالم بحر ہے۔۔۔
م۔۔۔فا۔۔۔عی۔۔۔لن
خ۔۔دا۔۔۔کا۔۔۔۔شک
م۔۔۔فا۔۔۔عی۔۔۔لن
ر۔۔۔ہے۔۔۔فص۔۔لے
م۔۔۔فا۔۔۔عی۔۔۔لن
ب۔۔ہا۔۔۔رے۔۔۔جا (جاں کا نون غنہ بوجہ حرف علت حذف کردیا)
م۔۔۔فا۔۔۔عی۔۔۔لن
ف۔۔زا۔۔۔۔آ۔۔۔۔ئی
ایک مصرع کی تقطیع مکمل ہوئی جبکہ دوسرے مصرع کی ملاحظہ فرمائیں۔۔۔
م۔۔۔فا۔۔۔عی۔۔۔لن
خ۔۔شا۔۔۔قس۔۔۔مت ( خوشا کا واؤ حرف علت ہونے کے سبب حذف کردیا)
م۔۔۔فا۔۔۔عی۔۔۔لن
ک۔۔پر۔۔۔سے۔۔زد (یہاں پر ہم نے کہ کا ہ ، پھر کا ھ اور زندگی کا نون غنہ اصول تقطیع کی رو سے حذف کردیئے ہیں)
م۔۔۔فا۔۔۔عی۔۔۔لن
د۔۔۔گی۔۔می۔۔۔یہ ( میں کا نون غنہ اصول تقطیع کی رو سے حذف کردیا)
م۔۔۔فا۔۔۔عی۔۔۔لن
م۔۔۔قا۔۔۔۔ما۔۔۔۔یا ( اصول تقطیع کی رو سے ہم نے مقام کی میم کو آیا کے آ میں مدغم کرکے مد کو حذف کرکے مایا بنا دیا)
ایک شعر کی تقطیع مکمل ہوگئی اب دوسرے شعر کی دیکھیں۔۔۔
م۔۔۔فا۔۔۔عی۔۔۔لن
ز۔۔۔ما۔۔۔۔نہ۔۔۔۔آ
م۔۔۔فا۔۔۔عی۔۔۔لن
گ۔۔یا۔۔۔پر۔۔۔لط ( اصول کے مطابق پھر کی ھ کو حذف کردیا)
م۔۔۔فا۔۔۔عی۔۔۔لن
ف۔۔با۔۔۔ری۔۔۔عا
م۔۔۔فا۔۔۔عی۔۔۔لن
م۔۔۔اب۔۔۔آ۔۔۔۔یا
دوسرے شعر کے پہلے مصرع کی تقطیع مکمل ہوگئی اب دوسرے مصرع کی ملاحظہ فرمائیں۔
م۔۔۔فا۔۔۔عی۔۔۔لن
ن۔۔۔صی۔۔بپ۔۔نے ( اصول کے مطابق نصیب کی ب کو اپنے کی پ میں مدغم کرکے نصیب اپنے کو نصی بپ نے بنا دیا)
م۔۔۔فا۔۔۔عی۔۔۔لن
ک۔۔پر۔۔سے۔۔۔زد ( کہ کی ہ کو حذف کیا اور زندگی کے نون غنہ کو بھی اصول کے مطابق حذف کردیا)
م۔۔۔فا۔۔۔عی۔۔۔لن
د۔۔۔گی۔۔۔می۔۔یہ ( میں کے نون غنہ کو حذف کردیا)
م۔۔۔فا۔۔۔عی۔۔۔لن
م۔۔۔قا۔۔۔ما۔۔۔یا ( اصول تقطیع کی رو سے ہم نے مقام کی میم کو آیا کے آ میں مدغم کرکے مد کو حذف کرکے مایا بنا دیا)
الحمد للہ دونوں اشعار کی تقطیع مکمل ہوگئی اور یہ دونوں اشعار ہر لحاظ سے کامل ہیں ان میں کوئی لفظی اور حرفی کمی یا بیشی موجود نہیں۔۔۔مزید دشواری کی صورت میں ضرور مطلع فرمائیے گا۔

 

جزاک اللہ خیرا

 

جزاک اللہ خیرا نعمان بھائی۔
آپ نے تو اچھی خاصی تفصیل بیان کر دی ماشاءاللہ۔

 

بہت خوب

جزاک اللہ خیرا

 

ہہہہ گزشتہ رمضان كا لطيفہ تازہ ہو گيا ، ميں نے اوزان كى نہيں املا كى بات كى تھی ۔

خدا کا شکر ہے، فصل بہار جاں فزا آئی!

 

بہت خوب

 

بہت بہت شکریہ جاسم بھائی۔
جزاکم اللہ خیرا

 

جزاک اللہ خیرا