الطاف حسین بھائی - برطانوی پولیس شکنجے میں

منہج سلف نے 'اركان مجلس كے مضامين' میں ‏جولائی 3, 2013 کو نیا موضوع شروع کیا

موضوع کی کیفیت:
مزید جوابات کے لیے کھلا نہیں۔
  1. منہج سلف

    منہج سلف --- V . I . P ---

    شمولیت:
    ‏اگست 9, 2007
    پیغامات:
    5,047
    ایم کیو ایم بانی الطاف حسین بھائی - برطانوی پولیس شکنجے میں

    عمران فاروق قتل کیس کی تفتیش نتیجہ خیز مراحل میں داخل ہو چکی ہے۔
    اسی سلسلے میں لندن کی میٹروپولیٹن پولیس نے ایم کیو ایم کے بانی رہنما الطاف حسین سے براہ راست تفتیش کا آغاز کر دیا ہے ۔ دو ہفتوں کے اندر الطاف حسین اور ان کی پارٹی کے دو رہنماؤں کے گھروں پر پولیس نے چھاپہ مارتے ہوئے بہت سارا مواد حاصل کیا ہے جو عمران فاروق قتل کی تفتیش میں ممکنہ مدد دے گا۔ لندن پولیس الطاف حسین کے خلاف منی لانڈرنگ کے الزام کی بھی تفتیش کر رہی ہے اور اس سلسلے میں ان کے گھر سے بھاری مقدار میں رقومات بھی برآمد کر چکی ہے۔ اس ضمن میں الطاف حسین او ر دیگر پارٹی رہنماؤں کے بینک اکاؤنٹ کی تحقیقات بھی شروع ہو گئی ہیں ۔ عمران فاروق قتل کے سلسلے میں گزشتہ ہفتے ایم کیو ایم کے پارٹی رہنما اور الطاف حسین کے کزن افتخار حسین کو لندن پولیس نے کینیڈا سے لندن آتے ہوئے ائرپورٹ پر گرفتار کیا اور ان سے پوچھ تاچھ کا سلسلہ جاری ہے۔

    درج بالا وجوہات کی بنا پر الطاف حسین پچھلے ہفتے سے اپنے خلاف ہونی والی تفتیش سے دل برداشتہ ہیں اور برطانوی پولیس اور اسکاٹ لینڈ یارڈ کے خلاف بیان بازی کا سلسلہ جہاں شروع کر چکے ہیں وہیں ان کی پارٹی کے اراکین بھی برطانیہ کے خلاف بیان دینے میں اب نہیں ہچکچا رہے ہیں۔ کہا جا رہا ہے کہ قتل کے سارے ثبوت گھوم پھر کر ایم کیو ایم اور الطاف حسین کے گرد جمع ہو رہے ہیں اور اگر یہ سلسلہ یونہی چلتا رہا تو وہ دن دور نہیں جب الطاف حسین پر لندن پولیس کے طرف سے باقاعدہ فرد جرم عائد کر دیا جائے گا۔
    پچھلے کئی دنوں سے الطاف حسین اور پارٹی رہنماؤں کے جو بیانات سامنے آ رہے ہیں وہ کسی لطیفے سے کم نہیں ہیں، ایک تازہ بیان میں الطاف حسین نے اپنی ایک تقریر میں یہ تک کہہ دیا کہ " مجھے عمران فاروق قتل کیس میں پھنسانا بند کر دیا جائے اسی میں برطانیہ کے بہتری ہے"-
    اس بیان کو یا تو ایک لطیفہ سمجھنا چاہیے یا پھر پاگل پن کی ایک حد کہ اس طرح کے بیان کے ذریعے دراصل حکومت برطانیہ کو ایک کھلے اور اوچھے انداز میں دھمکی دی گئی ہے۔ یا پھر پاکستان میں بیٹھے ہوئے اپنے لوگوں کو اپنی طاقت کا غلط اندازہ کروانے کی ناکام کوشش کی گئی ہے۔ علاوہ ازیں پارٹی کے کچھ رہنماؤں کا یہ بیان بھی سمجھ سے بالا تر ہے جس میں انہوں نے یہ فرمایا ہے کہ " الطاف حسین کے خلاف یہ انٹرنیشنل سازش اس لیے کی جارہی ہے کہ الطاف حسین جاگیردارانہ نظام کے خلاف ہیں"۔
    اب کوئی تو بندہ اٹھے اور ان سے پوچھے کہ بھائیو، برطانوی پولیس کا آپ کے ملک کے جاگیردارانہ نظام سے کیا لینا دینا ہے ؟!!!!!

    لندن پولیس کو تو درحقیقت بغیر کسی دباؤ کے اپنے ایک شہری کے قتل کی تفتیش کرنی ہے کیونکہ یہ کوئی پاکستانی پولیس نہیں ہے جو کسی ایم پی اے کے کہنے پر قتل کی تفتیش کا رخ کہیں اور موڑ دے بلکہ یہ تو وہ پولیس ہے جس کے لیے ایک آفیشلی مثال آج بھی موجود ہے کہ " یہ دنیا کے پولیس کی ماں ہے" جو اپنے ہی وزیر اعظم (ٹونی بلیئر) سے تفشیش کر چکی ہے اور جس کے سبب ٹونی بلیئر کے پسینے چھوٹ گئے تھے۔

    برطانوی پولیس کے متعلق مشہور ہے کہ کوئی بھی کیس تب تک عدالت میں پیش نہیں کرتی جب تک اس کیس سے متعلق تمام ثبوت حاصل نہ ہو جائیں چاہے اس کیس کے پیچھے 10 سال جتنا طویل عرصہ ہی کیوں نہ بیت جائے۔ اس قسم کی کئی مثالیں پہلے سے موجود ہیں کہ کس طرح 25-30 سالہ پرانے مقدمات کو بھی عدالت میں پیش کر کے مجرمین کو لمبی لمبی سزائیں دلوائی گئی ہیں؟

    لندن پولیس کے خلاف پارٹی کارکنان کا یہ بیان کہ وہ الطاف حسین (بھائی) کے خلاف بین الاقوامی سازش کر رہی ہے ایک بودہ الزام کے علاوہ نہایت بے معنی سی بات لگتی ہے۔ اگر الطاف حسین کے خلاف کوئی بھی ایسا ثبوت حاصل کیا گیا جوکہ عدالت میں انہیں مجرم ثابت کرنے کے لیے کافی ہے تو دنیا کا کوئی بھی بیرونی دباؤ الطاف حسین کو برطانوی عدالت سے نہیں بچا سکتا۔
    منی لانڈرنگ کیس اگر ثابت ہوجائے تو 10 سے 15 سال تک بھی ایم کیو ایم پوری کراچی کو بند کروا کر الطاف حسین کو نہیں بچا سکے گی۔ ایک ڈیڑھ سال قبل برطانوی پولیس نے اسی قتل کے سلسلے میں ایم کیو ایم کے گرفتار شدہ دو قاتلوں کو برطانیہ کے حوالے کرنے کی درخواست دی تھی جو جنوبی افریقہ سے کراچی پہنچتے ہوئے گرفتار ہوئے تھے اور انہوں نے اعتراف کیا تھا کہ پارٹی کے حکم پر لندن کے ویزے لگوا کر انہیں بلایا گیا تھا اور عمران فاروق کو قتل کیا گیا۔ مگر اس وقت کی حکومت نے ان دونوں قاتلوں کو برطانوی حکام کے حوالے کرنے سے انکار کردیا تھا۔ اب اگر موجودہ حکومت ان قاتلوں کو برطانوی حکام کے حوالے کر دیتی ہے تو معاملہ اسی وقت حل ہوجائے گا وگرنہ تھوڑی دیر ضرور ہوگی مگر عمران فاروق کے قاتلوں کو کیفر کردار تک ضرور پہنچادیا جائے گا۔

    گذشتہ زرداری حکومت اسی مضبوط نکتے کے سبب ایم کیو ایم کو بلیک میل کر کے واپس اپنی حکومت میں شامل کر لیتی تھی کہ عمران فاروق کے قاتل اس کے پاس موجود تھے مگر کیا موجودہ نواز حکومت بھی ایسا ہی کھیل کھیلے گی یا مجرموں کو برطانیہ کے حوالے کردے گی یہ تو آنے والا وقت ہی بتائے گا۔ بہرطور یہ بات طے ہے کہ لندن پولیس ان قاتلوں کے علاوہ مزید دیگر ثبوتوں کی بنیاد پر یہ کیس حل کرنا چاہتی ہے جس کے لیے انہوں نے ڈی این اے اور فورینسک ذرائع کا استعمال کیا ہے اور کہا جاتا ہے کہ دیگر انٹیلی جنس طریقوں سے وہ اس کیس کو حل کرنے کے قریب پہنچ چکے ہیں۔

    چونکہ الطاف حسین برطانیہ کے ایک عام شہری ہیں لہذا ان سے برتاؤ بھی ایک عام شہری کی طرح ہوگا نہ کہ پاکستانی سیاستدان کی طرح اور اگر ان پر جرم ثابت ہو جاتا ہے تو ان کو قید تنہائی بھی اسی طرح کاٹنی ہوگی جس طرح ایک عام برطانوی مجرم برطانیہ کی جیل میں کاٹتا ہے۔ اسی سبب الطاف حسین کے لیے سب سے بہتر مشورہ یہی ہوگا کہ وہ برطانوی قانون کی پاسداری کریں اور اس قتل کے سلسلے میں قانون کی ہر ممکن مدد کریں اسی میں ان کی اور انکی پارٹی کی بھلائی ہے ورنہ برطانوی قانون سب کے لیے یکساں ہے اس میں کوئی بھی چھوٹا اور بڑا نہیں ہے اور نہ کوئی سیاستدان یا حکومتی عہدیدار اپنے عہدے یا مقبولیت کی بنا پر کوئی معنی رکھتا ہے جبکہ الطاف حسین تو ویسے بھی مملکت برطانیہ کے ایک عام شہری ہیں۔

    ایم کیو ایم بانی الطاف حسین بھائی - برطانوی پولیس شکنجے میں

    ایم کیو ایم بانی الطاف حسین بھائی - برطانوی پولیس شکنجے میں
     
  2. اعجاز علی شاہ

    اعجاز علی شاہ -: ممتاز :-

    شمولیت:
    ‏اگست 10, 2007
    پیغامات:
    10,322
    اللہ کرے یہ ظالم برطانیہ میں ذلیل ہوجائے۔
     
  3. Ishauq

    Ishauq -: ممتاز :-

    شمولیت:
    ‏فروری 2, 2012
    پیغامات:
    9,612
  4. زبیراحمد

    زبیراحمد -: ماہر :-

    شمولیت:
    ‏اپریل 29, 2009
    پیغامات:
    3,446
    آمین
     
  5. زبیراحمد

    زبیراحمد -: ماہر :-

    شمولیت:
    ‏اپریل 29, 2009
    پیغامات:
    3,446
    خدااس کے غلیظ وجودسے سرزمین انسانی کوپاک کردے
     
  6. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,484
    آمین ، یہ ظالم اتنے عرصے سے برطانیہ نے ہی پال رکھا تھا اب ان کے کام کا نہیں رہا ہو گا اسی لیے ان کے ہاتھوں ضائع ہو رہا ہے ۔
     
  7. ساجد تاج

    ساجد تاج -: رکن مکتبہ اسلامیہ :-

    شمولیت:
    ‏نومبر 24, 2008
    پیغامات:
    38,751
    ویسے اس کا آخری خطاب معذرت یعنی کہ ڈرامہ نیوز پر دیکھنے والا تھا ، پہلے تو پارٹی کی قیادت چھوڑ دی پھر سب نے کہا کہ نہیں بھائی واپس آجائیں ، تو نمونہ صاحب سوری الطاف صاحب دو گھنٹے بعد کہتے ہیں کہ چلیں ٹھیک ہے میں واپس آجاتا ہوں ہاہاہاہاہا

    اتنی شورٹی سے جناب کہہ رہے ہیں کہ مجھے برطانیہ کی پولیس نے مار دینا ہے اور کسی کو پتہ بھی نہیں چلنا :00006:
     
  8. منہج سلف

    منہج سلف --- V . I . P ---

    شمولیت:
    ‏اگست 9, 2007
    پیغامات:
    5,047
    اگر ثبوت کافی ہوئے تو ان کو برطانوی عدالتوں سے کوئی بھی نہیں بچا سکتا بھائی۔ ان شاءاللہ
     
  9. منہج سلف

    منہج سلف --- V . I . P ---

    شمولیت:
    ‏اگست 9, 2007
    پیغامات:
    5,047
    دیکھیں جی، ایسی کوئی بات نہیں ہے، اگر الطاف پاکستان میں کچھ بھی کرتا ہے تو اس کا برطانوی حکومت کا کوئ لینا دینا نہیں ہے۔
    ہاں اگر اس نے برطانیا میں کسی قانون کی خلاف ورزی کی ہے تو اس کا قانون سے بچنا انتہائی مشکل ہے۔
    لندن پولیس ثبوتوں کی بنیاد پر ہی کسی کے خلاف کاروائی کرتی ہے چاہے اس کے لیے سالوں سال ہی کیوں نہ لگ جائيں، برطانوی عدالتوں سے کوئی نہیں بچ سکتا اور انصاف سب کو دروازے پر مل جاتا ہے۔ الحمد للہ
    اس لیے صبر سے کام لین، لندن پولیس اپنا کام بخوبی انجام دے رہی ہے۔
    رہی بات پالنے کی تو مملکت البرطانیہ کسی کو دعوت نامہ نہیں دیتی کہ آؤ اور ہماری گود میں بیٹھ جاؤ ہم تم سب کو پالیں گے۔۔۔۔۔!!!!!
    صرف الطاف ہی نہیں بلکہ آپ کے ملک کا ہر بڑا سیاستدان ادھر ہی اکر سکون محسوس کرتا ہے۔ اور معذرت کے ساتھ آپ جس کو ووٹ دےکر آئيں تھیں ان کو بھی اسی حکومت نے پال رکھا تھا اور ابھی تک ان کے دونوں بیٹے یہ ہی حکومت پال رہی ہے۔
    اس بات کو رہنے دیں، برطانیہ اور باہر کے دوسرے مملک میں رہنے والوں کی ہی وجہ سے پاکستان کی معیشت پھل پھول رہی ہے۔ الحمدللہ
    یہ الگ موضوع ہے اس لیے اس بات کو یہاں ہی رہنے دیں۔ ان شاءاللہ
    والسلام علیکم
     
Loading...
موضوع کی کیفیت:
مزید جوابات کے لیے کھلا نہیں۔

اردو مجلس کو دوسروں تک پہنچائیں