نِرالے سوالی !

: )

 

ایک قاضی کی مجلس علم میں ایک شخص خاموش بیٹھا رہتا ایک روز انہوں نے اس سے کہا آپ بھی کچھ کہیے۔ اس نے کہا: روزہ دار روزہ کب کھولے؟ قاضی نے کہا غروب شمس کے وقت ۔ کہنے لگا: اگر سورج رات تک غروب نہ ہو تو کیا کرے ؟ قاضی صاحب نے کہا اس کا چپ رہنا ہی بہتر تھا ۔

 

کہتے ہیں ایک خاتون بیٹے کے لئے بہو بیاہ کر لائیں...لیکن وہ ہر وقت کھوئی سی رہتی ' اس کی چپ چپ سے ساس پریشان رہنے لگی..
ایک دن بڑے پیار سے پوچھا بیٹی کچھ تو بتا کیوں خاموش رہتی ہو ، کیا سوچتی رہتی ہو؟
بہو بولی: اماں جی آپ کا بیٹا مر گیا تو میری شادی کس کے ساتھ ہوگی ــ بس یہی فکر کھائے جا رہی ہے.
ساس نے غصہ پیتے ہوئے .....
تو چپ ہی رہہا کر تو بہتر ہے.

 

ہاہاہاہاہا بہت خوب عطا بھائی

 

بہت خوووب

 

امام احمد رحمہ اللہ سے ایک نوجوان نے پوچھا میں لوبیے والے پانی سے وضو کر سکتا ہوں۔
انہوں نے کہا نہیں۔
امام نے اس سےپوچھا: مسجد میں داخل ہونے کی دعا آتی ہے؟ اس نے کہا نہیں۔
امام رحمہ اللہ نے اسے نصیحت کی : خود کو ان کاموں میں مصروف کرو جو تمہیں فائدہ دیں۔

آج کل بہت سے مذہبی رجحان والے نوجوانوں کا یہی حال ہے اور ان کے مرض کا یہی علاج ہے۔

 

ایک بزرگ سے کسی نے کہا۔ میں نے سنا ہے انسان مسجد میں سجدہ کرتا ہےتواس کی پیشانی سے مسجد کی مٹی کے ذرے چپک جاتے ہیں۔ جب وہ مسجد سے نکل کر جاتا ہے تو وہ ذرے مسجد کی دوری کی غم میں روتے چلاتے ہیں۔ بتائیے میں ان ذرات کا کیا کروں؟
بزرگ نے فرمایا: ان کو چیخنے دو یہاں تک کہ ان کا حلق پھٹ جائے!
سوالی نے کہا: تو کیا ان کا حلق بھی ہوتا ہے؟
بزرگ نے جواب دیا: تو پھر بھلا وہ کہاں سے چیختے ہیں؟

: )

 

شیخ ابن عثیمین رحمہ اللہ سے کسی نے کہا کہ وہ مال دار ہے اور دوسری شادی کرنا چاہتا ہے تا کہ کسی لڑکی کی عفت محفوظ ہو جائے۔
شیخ نے فرمایا: اپنا مال کسی غریب لڑکے کو دے کر اس کی شادی کرا دو، دو لوگوں کی عفت محفوظ ہونے کا اجر ملے گا!

(آج کل اردو مجلس پر دو شادیوں کی کافی باتیں ہو رہی ہیں۔ ہمارا ان کی طرف اشارہ بالکل بھی نہیں۔)

 

شیخ یوسف ایسٹس سے کسی نے پوچھا: کیا سب مسلمانوں کو لازمی داڑھی رکھنی پڑتی ہے؟
جواب دیا: سب کو نہیں، لڑکیوں کو تو بالکل نہیں!
"Do Muslims have to grow a beard?"
- Not all of them . .
. . . not the girls!

 

دو نوجوان ایک بزرگ کا مذاق اڑانے کی نیت سے اس کے دونوں طرف بیٹھ گئے۔
ایک نے پوچھا: شیخ آپ احمق ہیں یا جاہل؟
اس نے کہا: میں دونوں کے درمیان ہوں۔

 

ایک بزرگ جن کی کمر خم ہو چکی تھی راستے سے گزر رہے تھے، ایک نوجوان نے شرارتا کہا: یہ کمان کتنے کی ہے؟
بزرگ نے جواب دیا: اللہ تمہاری عمر لمبی کرے تو یہ مفت مل جائے گی!

 

آمین

 

ایک مولانا صاحب سے واٹ ساپ پر کیا گيا سوال
" السلام علیکم و رحمۃ اللہ و برکاتہ مولانا میرا سوال یہ ہے کہ کہیں جاتے ہوۓ سڑک پر کوئ کتا یا بلی مری ہوئ نظر آجاۓ تو اسے دیکھ کر کچھ پڑھنا چاہیے یا نہیں؟"

 

شاید سوشل میڈیا پر گردش کرتے ایسے وظائف کی وجہ سے

 

سأل رجلٌ #الإمام_مالك رحمه الله عن مسألة، فلم يجبه، فقال له: لِمَ لا تجيبني؟ فقال: "لو سألتَ عمَّا تنتفع به لأجبتُك"
-ترتيب المدارك: 1/ 164.
ایک آدمی نے امام مالک رحمہ اللہ سے ایک سوال کیا۔ آپ نے جواب نہیں دیا۔
وہ کہنے لگا: آپ مجھے جواب کیوں نہیں دیتے؟
امام مالک رحمہ اللہ نے فرمایا: اگر تم نے نفع بخش سوال پوچھا ہوتا تو میں جواب دے دیتا۔
بشکریہ شبکۃ الالوکۃ

 

الشيخ علي السناني ت١٣٣٩هـ كان الناس يزدحمون عند بيته ومسجده لتعبير الرؤى،قال:لو أن الناس يسألون عن دينهم كمايسألون عن مناماتهم لصاروا فقهاء۔ الشیخ محمد صالح المنجد
"شیخ علی السنانی کے گھر اور مسجد کے باہر خواب کی تعبیر پوچھنے والے لوگوں کا ہجوم رہتا تھا۔ وہ کہنے لگے اگر لوگ اپنے دین کے متعلق اس طرح سوال کرتے جیسے وہ اپنے خوابوں کے بارے میں سوال کرتے ہیں تو فقہا بن جاتے۔"

 

سوال کیا انبیا کے نام پہ بچوں کے نام رکھ سکتے ہیں؟ کہتے ہیں انبیا کے نام سخت ہوتے ہیں؟
میرا جواب: #شیطان پر سخت ہوتے ہیں رکھ لیں۔
میری ایک شیعہ رشتہ دار ابو جان سے کہتی تھین بیٹی کا نام عائشہ رکھا ہے، بھاری نام ہے۔ بڑی غلطی کی۔ ابو جان کہتے تھے کچھ لوگوں کو یہ نام بھاری لگتا رہے گا۔
اللہ کا شکر ہے مجھے اہل بدعت پر بھاری پڑنے کا موقع ملتا رہتا ہے۔
تاریخ میں مذکور ہے، حضرت عائشہ رضی اللہ سے کسی نے کہا کچھ لوگ کہتے ہیں کہ وہ آپ کو ماں نہیں مانتے۔
انہوں نے فرمایا: وہ درست کہتے ہیں میں ام المومنین ہوں۔
#نام#اصلاح

 

بہت خوب!