قرآن کریم کے متعلق اشعار

بسم اللہ الرحمن الرحيم
السلام عليكم ورحمت اللہ وبركاتہ​

شعرى مجلس ميں كسى لفظ سے متعلق اشعار کے كئی موضوع موجود ہیں۔ اس موضوع ميں آپ كو قرآن كريم سے متعلق اشعار ارسال كرنا ہیں۔ شاعر كا نام ذكر ہو تو اچھا ہے فارسى اور عربى اشعار كا ترجمہ ضرور كريں۔

ابتدا كرتے ہیں علامہ اقبال كے شہرہ آفاق شعر سے ۔

گر تو می خواہی مسلماں زیستن
نیست ممکن جز بہ قرآں زیستن ​

اگر تم مسلمان كى زندگی گزارنا چاہتے ہو تو قرآن كريم كو زندگی کا حصہ بنائے بغير ايسا ممكن نہیں۔

 

يا الہی روز و شب توفيق احساں دے مجھے
خوف اپنا ظاہر وباطن ميں يكساں دے مجھے

حب سنت يا الہی حب قرآں دے مجھے
نعمت دارين اعنى نور ايماں دے مجھے

كام ميرا زندگی بھر خدمت قرآن ہو
فہم قرآں دے الہا نور عرفاں دے مجھے

مناجات منظوم از مولانا داؤد راز دہلوی رحمہ اللہ ​

 

یہ راز کسی کو نہیں‌ معلوم کے مؤمن
قاری نظر آتا ہے، حقیقت میں‌ ہے قرآن​

شاعر: علامہ اقبال​

 

وہ معززتھے زمانہ میں مسلماں ہوکر
اور تم خوار ہوئے تارک قراں ہوکر​

(علامہ اقبال)​

قال عمررضي الله عنه أما إن نبيكم صلى الله عليه و سلم قد قال إن الله يرفع بهذا الكتاب أقواما ويضع به آخرين
[صحيح مسلم 1/ 559 رقم( 817 ) ]

 

بہت خوب

 

قرآن کی فریاد

ماہرالقادری

قرآن کی فریاد

طاقوں میں سجایا جاتا ہوں،آنکھوں سے لگایا جاتا ہوں
تعویذ بنایا جاتا ہوں، دھو دھو کے پلایا جاتا ہوں

جز دان حریر و ریشم کے اور پھول ستارے چاندی کے
پھر عطر کی بارش ہوتی ہے، خوشبو میں بسایا جاتا ہوں

جس طرح سے طوطا مینا کو کچھ بول سکھائے جاتے ہیں
اس طرح پڑھایا جاتا ہوں ۔ اس طرح سکھایا جاتا ہوں

جب قول و قسم لینے کیلئے تکرار کی نوبت آتی ہے
پھر میری ضرورت پڑتی ہے، ہاتھوں پہ اٹھایا جاتا ہوں

دل سوز سے خالی رہتے ہیں، آنکھیں ہیں کہ نم ہوتی ہی نہیں
کہنے کو میں اک اک جلسے میں پڑھ پڑھ کے سنایا جاتا ہوں

نیکی پہ بدی کا غلبہ ہے، سچائی سے بڑھ کر دھوکا ہے
اک بار ہنسایا جاتا ہوں، سو بار رلایا جاتا ہوں

یہ مجھ سے عقیدت کے دعوے، قانون پہ راضی غیروں کے
یوں بھی مجھے رسوا کرتے ہیں، ایسے بھی ستایا جاتا ہوں

کس بزم میں مجھ کو بار نہیں، کس عرس میں میری دھوم نہیں
پھر بھی میں اکیلا رہتا ہوں، مجھ سا بھی کوئی مظلوم نہیں​

 

سرور عالم ﷺکے یوں تو بہت سے ہیں معجزے
ورنہ خود قرآن ہی ثاقب مستقل اعجاز ہے
شاعر:اعجاز ثاقب عمری
اے خدا تیرا کرم جس پر ہے - URDU MAJLIS FORUM​

 

بہت خوب

 

ویری نائس شیئرنگ آل آف یو

 

يوں الجھتا نہ مسلماں سے مسلماں كوئى
گر مسلمان حقيقت ميں مسلماں ہوتا !

يہ فسادات كے طوفان نہ اٹھتے ہرگز
تو اگر وقفِ رہِ سنت وقرآں ہوتا ​

عبدالرحمن عاجز مالير كوٹلوی​

ذكر تيرا ميرى تسكين كا ساماں ہوتا - URDU MAJLIS FORUM

 

ایک خدا، ایک کعبہ ہے، قران ایک
کلمہ حق سے اپنی ہے پہچان ایک

صابر علی پوری

 

جزاكم اللہ خيرا۔

 

اہل مغرب كى "تصانيف" پہ دم ديتے ہیں
اور "قرآن" ہے لپٹا ہوا جزدانوں میں ​

بیکل یزدانی​

 

امتِ مسلم ز آیاتِ خداست
اصلش از ہنگامہء قالوا بلٰی ست

اقبالؔ

مفہوم : امت مسلمہ كا وجود آيات خدا (قرآن مجيد ) ہی کے سبب ہے۔ اس امت كى بنياد عہد الست ک وقت ہی پڑ گئی تھی جب بنى آدم كى تمام روحوں نے "بلٰى" كہا ۔
" قالوا بلى " اس آيت كا حصہ ہے:
وَإِذْ أَخَذَ رَ‌بُّكَ مِن بَنِي آدَمَ مِن ظُهُورِ‌هِمْ ذُرِّ‌يَّتَهُمْ وَأَشْهَدَهُمْ عَلَىٰ أَنفُسِهِمْ أَلَسْتُ بِرَ‌بِّكُمْ ۖ قَالُوا بَلَىٰ ۛ شَهِدْنَا ۛ أَن تَقُولُوا يَوْمَ الْقِيَامَةِ إِنَّا كُنَّا عَنْ هَـٰذَا غَافِلِينَ ﴿١٧٢﴾
ور جب آپ کے رب نے اوﻻد آدم کی پشت سے ان کی اوﻻد کو نکالا اور ان سے ان ہی کے متعلق اقرار لیا کہ کیا میں تمہارا رب نہیں ہوں؟ سب نے جواب دیا کیوں نہیں! ہم سب گواه بنتے ہیں۔ تاکہ تم لوگ قیامت کے روز یوں نہ کہو کہ ہم تو اس سے محض بے خبر تھے (172) سورة الاعراف : ترجمہ مولانا محمد جونا گڑھی رح

 

دنيا كى خرافات ميں مغرور ہوئے ہیں
ہم لوگ تلاوت سے بہت دور ہوئے ہیں
گھر گھر نظر آتے ہیں طاقوں ميں قرآن
ہم کیسے مسلمان ہیں ہم کیسے مسلمان ؟​

ہم کیسے مسلمان ہیں؟ - URDU MAJLIS FORUM

 

آں کتابِ زندہ قرآنِ حکیم
حکمتِ او لایزال است و قدیم

نسخہء اسرارِ تکوینِ حیات
بے ثبات از قوتش گیرد ثبات

اقبال​

مفہوم : حكمت والا قرآن وہ كتابِ زندہ ہے جس كى حكمت لازوال اور قديم ہے۔ يہ كتاب زندگی كی تکوین یا بناوٹ كے رازوں كا خزانہ ہے اور اس كى قوت سے بے ثبات (فانى ) بھی ثبات (بقا ) حاصل كر سكتے ہيں ۔

 

ماشاء اللہ
لاجواب
چھوٹی آپی

 

میں قرآں پڑھ چکا تو اپنی صورت ہی نہ پہچانی
میرے ایمان کی ضد ہے مرا طرز مسلمانی

احمد ندیم قاسمی
​

 

بارک اللہ لکم فی الدنیا والآخرۃ

 

ہم پہ دروازے کھلیں گے دانش و ادراک کے
ہو گئی جب آشکارا حکمتِ قرآنِ پاک

نسیم سحر​