اس نے سکوتِ شب میں بھی اپنا پیام رکھ دیا

اس نے سکوتِ شب میں بھی اپنا پیام رکھ دیا
ہجر کی رات بام پر ماہِ تمام رکھ دیا

آمدِ دوست کی نوید کوئے وفا میں عام تھی
میں نے بھی اک چراغ سا دل سرِ شام رکھ دیا

دیکھو یہ میرے خواب تھے دیکھو یہ میرے زخم ہیں
میں نے تو سب حسابِ جاں برسرِ عام رکھ دیا

اس نے نظر نظر میں ہی ایسے بھلےسخن کہے
میں نے تو اس کے پاؤں میں سارا کلام رکھ دیا

شدتِ تشنگی میں بھی غیرتِ مہہ کشی رہی
اس نے جو پھیر لی نظر میں‌نے بھی جام رکھ دیا

اور فراز چاہیں کتنی محبتیں تجھے
کہ ماؤں نے تیرے نام پر بچوں کا نام رکھ دیا​

​

- احمد فراز

 

جزاک اللہ خیرا بھائی
نائس شیئرنگ

 

بہت خوب ظہیر بھائی
شیئرنگ کا شکریہ

 

بہت خوب انتخاب
جزاک اللہ خیرا

 

ہمت افزائی کا بہت شکریہ۔

 

بہت خوب