لا تحزن ان اللہ معنا!

"غم نہ کر! اللہ ہمارے ساتھ ہے۔" (التوبہ 40)
​

دربار رسالت مآب صلی اللہ علیہ و سلم کی زبان اطہر سے نکلے ہوئے یہ وہ تاریخی الفاظ ہیں جنہیں اللہ تعالٰی نے قرآن مجید میں قیامت تک کے لئے محفوظ کر دیا ہے، یہ الفاظ اُس موقع کے ہیں جب کفار مکہ نے نبی صلی اللہ علیہ و سلم کے قتل کا تہیہ کر لیا تھا۔ خون کے پیاسے دشمن آپ صلی اللہ علیہ و سلم کو ہر طرف ڈھونڈتے ہوئے عین اس غار کے دہانے پہنچ گئے جس میں آپ صلی اللہ علیہ و سلم، یارِ غار رضی اللہ عنہ کے ساتھ موجود تھے۔ حضرت ابوبکر رضی اللہ عنہ کو سخت خوف لاحق ہوا کہ اگر ان لوگوں میں سے کسی نے ذرا آگے بڑھ کر غار میں جھانک لیا تو ہم نظر آ جائیں گے لیکن نبی کریم صلی اللہ علیہ و سلم کے اطمینان میں ذرا فرق نہ آیا اور آپ صلی اللہ علیہ و سلم نے یہ کہہ کر حضرت ابو بکر رضی اللہ عنہ کو تسکین دی کہ:

"غم نہ کر! اللہ ہمارے ساتھ ہے۔"

غور کرنے کا مقام ہے کہ اللہ کے رسول صلی اللہ علیہ و سلم نے حضرت صدیق اکبر رضی اللہ عنہ سے یہ کیوں فرمایا کہ "غم نہ کر" آپ صلی اللہ علیہ و سلم یہ بھی فرما سکتے تھے کہ "خوف نہ کر"۔

حضرت ابراہیم علیہ السلام کے پاس فرشتے انسانی روپ میں آئے، آپ علیہ السلام ان کی ضیافت کے لئے بھنا ہوا گوشت لے آئے مگر انہوں نے کھانے کے لئے ہاتھ نہیں بڑھایا، اس واقعہ کو قرآن مجید یوں بیان کرتا ہے:

"اور دیکھو، ابراہیم کے پاس ہمارے فرشتے خوشخبری لئے ہوئے پہنچے، کہا تم پر سلام ہو، ابراہیم نے جواب دیا تم پر سلام ہو، پھر کچھ دیر نہ گزری کہ ابراہیم ایک بھنا ہوا بچھڑا (ان کی ضیافت کے لئے) لے آیا مگر جب دیکھا کہ ان کے ہاتھ کھانے پر نہیں بڑھتے تو وہ ان سے مشتبہ ہو گیا اور دل میں ان سے خوف محسوس کرنے لگا، انہوں نے کہا: ڈرو نہیں، ہم تو لوط کی قوم کی طرف بھیجے گئے ہیں۔" (ھود 69، 70)

حضرت موسٰی علیہ السلام کو جب نبوت عطا کی گئی تو حکم ہوا کہ اپنی لاٹھی پھینک، جب انہوں نے لاٹھی پھینکی تو آپ علیہ السلام ڈر گئے، اس واقعہ کو یوں بیان کیا گیا:

"جونہی موسٰی نے دیکھا لاٹھی سانپ کی طرح بل کھا رہی ہے تو پیٹھ پھیر کر بھاگا اور پیچھے مڑکر بھی دیکھا، اے موسٰی ڈرو نہیں۔" (النمل 10)

ان دونوں واقعات سے معلوم ہوا حضرت ابراہیم اور حضرت موسٰی علیہم السلام سے کہا گیا:

"لا تخف"

یعنی ڈرو نہیں مگر صدیق اکبر رضی اللہ عنہ سے کہا گیا کہ: لا تخزن "غم نہ کر"

آخر اس کی وجہ کیا ہے؟

اس کی بنیادی وجہ یہ ہے کہ ڈر اور حزن میں بڑا فرق ہے۔ آدمی کو جب اپنی جان، مال اور عزت و آبرو پر حملے کا خطرہ ہو تو اسے ڈر لاحق ہوتا ہے جبکہ حزن اپنے لئے نہیں بلکہ کسی اور کے لئے ہوتا ہے۔

صدیق اکبر رضی اللہ عنہ کو اپنی جان کا خوف نہیں تھا بلکہ رسول اکرم صلی اللہ علیہ و سلم کا حزن تھا۔ جبکہ انہوں نے دیکھا کہ کفار غار کے دہانے پہنچ گئے ہیں تو انہیں اپنی جان کا خوف لاحق نہیں تھا بلکہ اس کا غم کھائے جا رہا تھا کہ یہ لوگ رسول اکرم صلی اللہ علیہ و سلم کو معاذ اللہ نقصان نہ پہنچائیں۔

ماخوذ: روشنی جمعۃ المبارک 25 نومبر 2011

کمپوزنگ: رفی

 

جزاک اللہ خیرا

 

جزاکم اللہ خیرا جزا

 

جزاکم اللہ خیرا

 

رفی بھائی جزاک اللہ خیرا
بہت اچھا موضو ہے
بس میں اس میں ایک بات کا اضافہ کرنا چاہوں گا وہ یہ ہے کہ
یہاں اللہ کے رسول صلی اللہ علیہ وسلم نے ابوبکر صدیق رضی اللہ عنہ کو یہ فرمایا(لَا تَحْزَنْ إِنَّ اللَّهَ مَعَنَا) کہ غم نہ کر! اللہ ہمارے ساتھ ہے۔
جبکہ سورة الشعراء میں بنی اسرائیل کو جب موسی علیہ السلام فرعون سے آزاد کرواکر سمند کے پاس پہنچے تو اصحاب موسی نے کیا کہا کہ اے موسی ہم تو گھیرے گئے یعنی آگے سمند ہے اور پیچھے فرعون اور اس کا لشکر ہے تو موسی علیہ السلام نے کیا جواب دیا (قَالَ كَلَّا إِنَّ مَعِيَ رَبِّي سَيَهْدِينِ (62)) موسٰی نے کہا، ہرگز نہیں۔ یقین مانو، میرا رب میرے ساتھ ہے جو ضرور مجھے راہ دکھائے گا
غور کرنے کی بات ہے کہ ابوبکر صدیق رضی اللہ عنہ سے اللہ کے رسول نے کیا فرمایا اور موسی علیہ السلام نے بنی اسرائیل سے کیا فرمایا
اس سے ابوبکر صدیق رضی اللہ عنہ کی عظمت بھی بیاں ہوتی ہے

 

جزاک اللہ خیرا

 

نائس شئیرنگ رفی بھائی

 

جزاک اللہ خیرا

 

​

 

جزاک اللہ خیرا

 

سبحان اللہ
جزاک اللہ خیرا

 

جزاک اللہ خیرا رفی بھائی

 

جزاک اللہ خیرا

 

بہت ہی عُمدہ دلیل
اور بہت ہی لاجواب نقطہ ہمیں بتلایا ہے آپ نے
ماشاءاللہ

 

سبحان اللہ

 

جزاکم اللہ خیرا

 

جزاک اللہ خیرا۔

 

جزاک اللہ خیرا