ابو ثوبان بھائی اور ام ثوبان سسٹر سے ہوئی مُلاقات

ابو ثوبان بھائی اور ام ثوبان سسٹر سے ہوئی مُلاقات




السلام علیکم ورحمتہ وبرکاتہ:-



اُمید کرتا ہوں کہ آپ سب خیریت سے ہوں گے اللہ تعالی سے دُعا ہے کہ وہ آپ سب کو ہمیشہ خیریت سے ہی رکھے آمین اور آپ سب کو ہربیماری سے دور کرے اور آپ کی زندگی خوشیوں کا گہوارہ بن جائے۔

عنوان دیکھ کر اندازہ لگا لیا ہو گا کہ نیچے کیا لکھا جانے والا ہے ہمممممممم میں اس بار کسی کو بوجھنے کا موقع نہیں دوں گا کہ کس کی بات کر رہا ہوں اس لیے عنوان سے ظاہر کر دیا ہے کہ ایک مُلاقات کا احوال سنایا جانے لگا ہے۔

ہماری مجلس کی ایک بہت پیاری بہن ، جن کے اندر ہر چیز سے لڑنے کا حوصلہ موجود ہے ، ہر وقت چہرے پر ایک اُمید اور مسکراہٹ رہتی ہے ، ہماری یہ بہن اس وقت کافی عرصے سے کسی بیماری سے لڑ رہی ہیں ، اللہ تعالی کے کرم سے بہت حد تک اُس بیماری کی ریکوری ہو گئی اور اللہ تعالی سے دُعا ہے کہ وہ اس بیماری کو سرے سے ہی ختم کر دے آمین۔

ابو ثوبان بھائی اور ام ثوبان سسٹر جو پاکستان میں 31 جنوری کو پاکستان کے شہر لاہور میں تشریف لا چُکے تھے ، اُن سے مسلسل رابطے میں تھے بلکہ وہ لوگ خود ہمیں فون کر کے آگاہ کرتے رہے اپنے پروگرام کے بارے میں، جب پاکستان پہنچے تو ام ثوبان سسٹر کی میری مسز سے بات ہوئی تو انہوں نے خیریت سے پہنچنے کی خبر دی۔ پاکستان پہنچنے سے پہلے ہی اُن کو اپنی طرف آنے کا فورس کر دیا تھا کہ کچھ بھی ہو آپ لوگوں نے ہماری طرف آنا ضرور ہے ہم نے کیا کہنا تھا ام ثوبان سسٹر نے پہلے ہی کہہ دیا تھا کہ وہ ہماری طرف ضرور آئیں گی۔ لہذا جب پاکستان پہنچے تو ہمارا جمعے کے دن دوپہر 4 بجے کا وقت مقرر ہوا ، ابو ثوبان بھائی اور ام ثوبان سسٹر سے مُلاقات ہمارے ہی گھر ہونی تھی۔

جمعے کے دن جلدی جلدی اپنے کاموں کو انجام دیا تاکہ عین وقت پر کہیں جانے وانے کا پروگرام نہ بن جائے ، ویسے جب بھی کوئی خاص دن ہوتا کسی کے لیے اُن دن وقت ایسے گزرتا ہے جیسے بجلی کے یونٹ گرتے ہیں، بہرحال دوپہر کے ساڑھے تین بجے مجھے ابو ثوبان بھائی کا فون آیا اور انہوں نے بتایا کہ ہم کالج روڈ پر ہیں اور تھوڑی دیر میں پہنچ رہے ہیں ، پوچھنے پر انہیں راستہ سمجھایا لیکن تقریبا بھائی رستے کے بارے میں جانتے ہی تھے۔ پہلا فون قریب پہنچنے پر کیا اور دوسرا فون گھر کے بلکل قریب آکر کیا، جیسے ہی بھائی کا پہلا فون آیا تھا میری اور میری مسز کو افرا تفری پڑ گئی تھی کہ یہ لوگ تو پہنچنے والے ہیں لہذا تیزی تیزی سے سارے ادھورے کام مکمل کیئے ،ہم تو سوچ رہے تھے کہ 4 بجے سے لیٹ ہی ہو جائیں گے مگر پورے 4 بجے وہ لوگ ہمارے گھر آگئے تھے۔

جب ابو ثوبان بھائی اور ام ثوبان سسٹر گھر کے سامنے آئے تو دروازے میں ہی کھڑا تھا ، سلام دعا کے بعد ابو ثوبان بھائی اور ام ثوبان سسٹر کو گھر کے اندر لے گئے ، اب ثوبان بھائی اور میں ڈرائنگ روم میں بیٹھ گئے اور ام ثوبان سسٹر پلس میری مسز روم میں چلی گئیں۔

پھر باتوں کا سلسلہ ابو ثوبان بھائی سے شروع ہوا ، میرے ساتھ میری سب سے چھوٹی بھتیجی بھی بیٹھی تھی جس کا نام مریم ہے اور عمر تقریبا 4 سال ہے ، جب سے ابو ثوبان بھائی اور ام ثوبان سسٹر آئیں تب سے میری بھتیجی کبھی ابو ثوبان بھائی سے باتیں کرنے آجاتی تو کبھی ام ثوبان سسٹر کے پاس جا کر باتیں کرنے لگ جاتی، ابو ثوبان بھائی نے میری بھتیجی سے کہا کہ آپ کو بسم اللہ آتی ہے تو میری بھتیجی نے کہا کہ جی آتی ہے بہرحال بھائی کے کہنے پر اُس نے بسم اللہ سنا دی پھر بھائی نے کہا کہ پہلا کلمہ آتا ہے تو اُس نے کہا تو بھتیجی نے جواب دیا آتا ہے تو وہ سنانے لگ گئی بعد میں میری بھتیجی نے ابو ثوبان بھائی سے سوال کر لیا کہ کیا آپ کو بسم اللہ آتی ہے بھائی نے کہا کہ جی آتی ہے تو میری بھتیجی نے اُن سے بسم اللہ سنی بعد میں کلمہ سنانے کو بھی کہا تو بھائی نے آہستہ آواز سے کلمہ بھی سنایا تو بھتیجی نے کہا کہ جی نہیں ایسے نہیں سنانا اونچی آواز میں سنائیں تو بھائی نے اونچی آواز میں کلمہ سنایا اور پوچھا کہ اب ٹھیک ہے تو مریم میری بھتیجی نے کہا کہ جی اب ٹھیک ہے ہاہاہاہاہاہا۔ پھربھائی نے کہا مجھ سے کہ میری دوستی ہو گئی مریم سے تو میں نے مریم سے کہا کہ بوستی ہو گئی آپ کی تو کہتی ہے کہ جی پھر اس کے بعد وہ ام ثوبان سسٹر کے بعد چلی گئی جس کی کہانی سائرہ اپنی زبانی لکھیں گی۔

ابو ثوبان سے بھائی سے بات چیت شروع ہوئی تو کچھ جاب کے متعلق ، سسٹر کی بیماری کے متعلق ، پھر باتیں کرتے کرتے جب انسان تھک جائے تو یقینا بھوک شدت سے لگنے لگ جاتی ہے ، کھانے کا تو پروگرام نہیں تھا کیونکہ ہمارے بھائی اور ہماری بہن کھانا وانا کھا کر آئے تھے لہذا ٹی پارٹی ہی کی ہم نے ، ابو ثوبان بھائی اور ام ثوبان سسٹر سے یہی گلہ ہے کہ انہوں نے کھانا پینا بہت ہییییییییییییییییی کم کیا اور اس بات کا گلہ مجھے اور میری مسز کو تو رہے گا ہی، ہمارے بھائی اور بہن کےلیے مسز نے خاص گاجر کا حلوہ تیار کیا تھا اس لیے سب سے پہلے ہمارے بھائی اور بہن نے حلوے سے ہی سٹارٹ کیا۔ بہرحال تھوڑا بہت کھانا پینے کے بعد مزید بیٹھ کر باتیں ہونے لگے گئیں ، اب ثوبان بھائی سے بات کر کے بے حد دلی مسرت حاصل ہوئی کیونکہ وہ نہایت سادگی سے بات کرتے اور بات کا جواب دیتے تھے ، سادہ انداز ، اچھی بات ، اچھا اخلاق ، ہنس مکھ ، اپنائیت ، زندہ دلی ، پُر اُمید یہ تمام چیزیں ان کے اندر نظر آئیں مجھے ، جب سے ان سے بات کی تو اُس وقت بابر تنویر بھائی کو بہت مس کیا ، بابر تنویر بھائی سے اکثر فون پر بات ہوتی ہے تو سیم ٹو سیم ابو ثوبان بھائی کی ہی طرح ، ہنسی مذاق ، اچھی بات ،اپنائیت اور سامنے والے کو عزت پیار دے کر بات کرتے ہیں۔ باقی ہماری سسٹر ام ثوبان کو نیٹ کی دنیا سے رئیل لائف میں ہم نے کیسا پایا یہ سائرہ خودی بتائیں گی۔

مغرب کی نماز ادا کرنے کے بعد بھائی جانے کی اجازت طلب کی ، مُلاقات صرف یہیں تک نہ تھی بلکہ ہم ان کے ساتھ گاڑی میں بھی ساتھ گئے جہاں انہیںجانا تھا گاڑی کا سفر بھی بہترین تھا ۔ جس جگہ انہیں پہنچنا تھا وہاں جب پہنچ گئے تو اللہ حافظ اور دُعائوں کے ساتھ انہیں الوداع کہا ، جب میں اور میری مسز گاڑی میں واپس آرہے تھے تو ہم دونوں نے ایک جیسی ہی بات کہی کہ ہمیں ملنے کی خوشی بہت زیادہ تھی پر ان کے واپس جانے کا دُکھ اُس سے بھی زیادہ۔

خاص شکریہ بابر تنویر بھائی اور ام محمد سسٹر کو ، بابر تنویر کے بارے میں باتیں کرتے کرتے ان کے بارے میں بھی کچھ اطلاع ہمیں ملی ، لیکن ابھی ذکر نہیں کروں گا ان شاءاللہ جیسے ہی وقت آئے گا بتلا دوں گا ، اویں راز کی باتیں وقت سے پہلے بتا دیں تو راز راز نہیں رہتا

اللہ تعالی سے دُعا ہے کہ بھائی ابو ثوبان اور ام ثوبان سسٹر کو دنیا و آخرت میں کامیاب کرے آمین اور ان کی زندگی میں آنے والی ٹیشن کو خوشی میں بدل دے آمین اور ان کی زندگی میں آنے والی ہر بیماری کو دور کر دے آمین اور آپ کی ہر جائز خواہش کو پورا کرے آمین اور آپ کو ہر طرح کے شر سے محفوظ رکھے آمین۔ جس طرح خوشی سے یہ دوسروں کو ملتے ہیں اور اپنی محبت دکھاتے ہیں اللہ تعالی ان کے ساتھ ایسے ہی لوگوں کو ملائے جو ان سے ان سے زیادہ پیار و محبت سے پیش آئے آمین۔

یہ بتاتا چلوں کہ ام ثوبان سسٹرخیریت سے اپنے گھر پہنچ چُکی ہیں۔

دوسری مُلاقات کا احوال تو ابھی لکھا نہیں ، اس لیے اُس کے لیے پھر کچھ انتظار کرنا پڑے گا، باقی سائرہ جی نے لکھنا ہے دیکھیں کیا کیا لکھتی ہیں۔


​

 

جزاک اللہ خیرا ساجد بھائی. ملاقات کا احوال پڑھ کر بے حد خوشی ہوئی.

آمین یا رب العالمین.​

 

ماشاء اللہ

 

ماشااللہ، زبردست احوال ...ابو ثوبان صاحب کو بھی تو مجلس پہ لائيں .

 

بھائی جان اُن کے پاس وقت نہیں ہوتا اس لیے مجلس پر نہیں آتے ، میری اس بارے میں بھی بات ہوئی تھی۔

 

اللہ تعالی ہماری محبتیں اسی طرح قائم و دائم رکھے جو صرف دین کی بنیاد پر قائم ہیں جزاک اللہ خیر ساجد بھیا

 

آمین

 

ماشاء اللہ
مزا آیا پڑھ کر
ساجد بھائی نقشہ بھی ایسے کھینچتے ہیں جیسے ہم خود بھی وہیں موجود تھے
بابر بھائی کو بھی گلہ نہیں ہو گا
اِن کا ذکر خیر بھی ہوا
خیر سے ہماری ملاقات بھی '' دلہا میاں ' سے ''سید بادشاہ '' کے گھر ہو چکی ہے
دونوں حضرات خاموش ہیں لگتا ہے مجھے ہی کچھ کرنا پڑے گا

 

یقینا نقشے ایسے ہی کھینچنے چاہیے ، کہ گھر بھی بچا رہے اور گھر والے بھی :00003:

بابر تنویر بھائی کا نام اسی لیے تو فورا لے لیا :00003:

لیکن پھر بھی میں اور میری مسز بابر تنویر بھائی اور ام محمد سسٹر کو دن میں پانچ ضرور یاد کرتے ہیں ، گھڑی کا الارم بجتا ہے اور اذان سنائی دینے لگتی ہے ماشاءاللہ ایسی چیز نہ کبھی ملی ، نہ دیکھی اور نہ ہی کسی کو دی اس لیے ہمارے لیے وہ انمول ہی ہوئی اور انمول چیزیں ہر کسی کے ہاتھ میں‌بھی نہیں‌آتی ۔
صحیح کہا نا ام ثوبان سسٹر:00016:

 

یہ کون بھائی حضرات ہیں؟

ابھی مزید احوال لکھنا باقی ہے ، دوسری مُلاقات کا دیکھیں کب لکھ پاتا ہوں:00039: جو ان کے جانے کے ایک دن پہلے ہوئی تھی یعنی کہ جمعرات کے دن

 

ماشاءاللہ۔اللہ تعالی ہم سبکو اپنی جنتوں میں بھی اسی طرح اکٹھا رکھے۔آمین

 

آپ اتنے بھولے بھالے کبھی تھے تو نہیں
ذرا ذہن پر بوجھ ڈالیں
دلہا میاں کو بھی آپ جانتے ہیں
اور سید بادشاہ سے تو آپ کی پُرانی ''دشمنی'' میرا مطلب آشنائی ہے

 

کچھ کمی لگ رہی ہے ابھی تک سمجھ نہیں آرہی کہ کون کون سی بات کم لکھی ہے ساجد بھائی آپ نے۔

 

اچھا آپ ابوابراہیم اور رفی بھائی کی بات کر رہے ہیں:00003:

مجھے بھی سمجھ نہیں آئی بھائی کہ آپ کیا کہنا چاہ رہے ہیں

 

بہت خوب ساجد بھائی!

ابو ثوبان بھائی کا غائبانہ تعارف کروانے کا بہت بہت شکریہ، اللہ ہمیں بھی ملاقات کا موقع دے پھر دیکھتے ہیں‌ مجلس کے لئے ٹائم کیسے نہیں نکال پاتے۔

 

کیوں‌رفی بھائی خیریت ہے نا ؟ کیا کرنے کا ارادہ رکھتے ہیں؟:00003:

 

جزاک اللہ خیرا ساجد بھائی.
ملاقات کا احوال پڑھ کر بے حد خوشی ہوئی. ہم بھی دعوت کا احوال لکھ دیتے اگر آپ مل جاتے

 

وعلیکم السلام ورحمۃ اللہ وبرکاتہ
خوب خوب۔ساجد بھائی!۔ ماشاء اللہ
بہت مزہ آیا پڑھ کے۔ ۔۔

 

ساجد بھائی میرا کہنے کا مقصد یہ تھا کہ آپ نے جو تعریف ابو ثوبان کی کی ہے اس میں کچھ کمی لگ رہی تھی مجھ کو۔

رفی بھائی آپ کے کہنے پر تو ابوثوبان ضرور آئیں گے مجلس پر

 

بھائی جان اپنی عقل کے مطابق جتنا لکھ سکتا ہوں اُتنا ہی لکھوں گا نا:00003: کئی بار ورڈز چاہنے پر بھی نہیں‌ملتے کہ کیا لکھیں‌ اگر آپ مزید جانتےہیں تو ضرور بتائیے گا