نا گفتہ بہ

نا گفتہ بہ

ہر سینہ چمن میں ناسور ہیں‌تو کیوں ہیں
یارب! یہ تیرے بندے مجبور ہیں تو کیوں ہیں

شاید صبا کی نکہت صرصر میں‌گھل چکی ہے
یہ غنچہ ہائے عصمت بے نور ہیں تو کیوں ہیں

خون شفق کی ضو ہے محلوں کے حاشیے پر
پیک قضا کی زد میں جمہور ہیں تو کیوں ہیں

تعزیر چاٹتی ہے خون رگ خطابت
اقبال کی نوائیں مقہور ہیں تو کیوں ہیں

ذروں کے دل کی دھڑکن اب تیز ہو چلی ہے
لیکن یہ ماہ و انجم معذور ہیں تو کیوں ہیں

بطحا کی وادیوں سے آواز آ رہی ہے
اسلام کے رجز خواں رنجور ہیں تو کیوں ہیں

سرکار کی روش پر احباب پوچھتے ہیں
احرار کی سنانیں مستور ہیں تو کیوں ہیں

شورش کاشمیری​

 

واہ جی بہت خوب
اب شاعری سکیشن پر حملہ

 

حملہ نہیں بلکہ جملہ کہیں بھائی الفاظ کا مجموعہ جملہ بھی کہلاتا ہے اور اگر خاص قواعد و ضوابط میں انہیں الفاظ کو رنگا جائے تو یہی شعر بھی بن جاتے ہیں۔

ویسے بھی میں تو شاعر نہیں البتہ مثبت اور اچھی شاعری پسند کرتا ہوں بشرطیکہ کفر و شرک اور بدعات وغیرہ کی طرف نہ جاتی ہو

آپ نے ہمارے متعلق شاعری کی ہے یقینا مجھے بہت پسند آئی ہے۔ اور شاید میں پہلا شخص ہو جس کے متعلق تھریڈ لگاتے ہوئے آپ نے خصوصی نظم لکھی۔ آپ کا اور آپ کی ٹیم کا بہت بہت شکریہ

اللہ تعالی وہ تمام دعائیں آپ کے لئے بھی قبول و منظور فرمائے جو میں‌ اپنے لئے اللہ رب العالمین سے مانگا کرتا ہوں۔ اسی طرح میرے تمام بھائیوں اور بہنوں کے لئے بھی قبول و منظور فرما لے آمین یارب العالمین

 

چه خوب

 

شاعری تو ہم سب کے لیے لکھتے ہیں مگر پہلے سے لکھ کر رکھ لیتے ہیں ، لیکن آپ کے تھریڈ لگاتے ساتھ ساتھ شاعری بھی لکھتا جا رہا تھا جو جو سمجھ میں آتا گیا لکھتا گیا۔ تبھی تو آغاز شاعری سے کیا ورنہ آخر میں یہ کارنامہ انجام دیتا ہوں میں:00006:

 

اس اہتمام کا بہت بہت شکریہ

ساجد بھائی اللہ تعالی آپ کی دلی مرادیں پوری فرما دے آمین

 

آمین

 

بہت خوب