نعت شانِ نبی میں لکھتا ہوں ہر لفظ پُر شکوہ

شانِ نبی میں لکھتا ہوں ہر لفظ پُر شکوہ


نعت

جس دل میں حق پہ مرنے کا جذبہ نہیں کوئی

اس کا نبی کے دین میں حصہ نہیں کوئی

روشن نہ کرتے شمعِ ہدایت اگر حضور
ظلمت نصیب نور میں آتا نہیں کوئی

عشقِ نبی کے دعوے زبانوں پہ خوب ہیں
سنت کا دور دور بھی چرچا نہیں کوئی

رعنائیوں میں مکہ و طیبہ ہیں بے مثال
لاکھوں حسین شہر ہیں ، اِن سا نہیں کوئی

ذی شان تھے مسیح و کلیم و خلیل و نوح
جامع صفات آپ کے جیسا نہیں کوئی

شانِ نبی میں لکھتا ہوں ہر لفظ پُر شکوہ
لیکن نگاہِ نعت میں جچتا نہیں کوئی

ثابت قدم رہے گا جو نقشِ رسول پر
روزِ حساب کا اُسے دھڑکا نہیں کوئی

میر و فقیر ، شاہ و گدا ایک ہیں سبھی
دینِ نبی میں اعلیٰ و ادنیٰ نہیں کوئی

میراثِ مصطفےٰ تو ہیں علم و عمل فرید
اِن کے سوا حضور کا ورثہ نہیں کوئی


فرید ندوی​

 

میراثِ مصطفےٰ تو ہیں علم و عمل فرید
اِن کے سوا حضور کا ورثہ نہیں کوئی

زبردست شعر ہے کیا بات ہے۔ماشاء اللہ بہت اعلیٰ بھائی جان اس چھوٹے سے مصرعے میں اس قدر بڑا پیغام ہے جس سے امت مسلمہ حقیقت میں بہت دور ہوگئی ہے۔

 

جزاک اللہ خیرا عمدہ انتخاب ۔

 

جزاك الله خىرا

 

جزاک اللہ خیرا