یہ جواب مطلوب ہیں

۱۔ نماز وتر ایک رکعت پڑھنا سنت سے ثابت ہے , البتہ قنوت وتر کے لیے ہاتھ اٹھانا رسول اللہ صلى اللہ علیہ وسلم سے ثابت نہیں ۔
وتر اور تہجد وتراویح کے مسائل
۲۔ کوئی حرج نہیں ۔
۳۔ نمازی جب دو رکعتیں مکمل کرکے اٹھے گا تو رفع الیدین کرے گا , خواہ وہ امام کی تیسری رکعت ہو یا چوتھی ۔ رفع الید ین کرنے میں امام کی اقتداء نہیں ‘ امام کی اقتداء چند مخصوص کاموں میں ہے جن کا تذکرہ حدیث میں ہوا ہے ۔

۴۔نماز کی ہر رکعت میں سورۃ الفاتحہ اور اسکے بعد کچھ نہ کچھ تلاوت کریں ‘ خواہ رکعت پہلی ہو ‘ دوسری ہو ‘ تیسری ہو ‘ چوتھی ہو ‘ پانچویں ہو ‘ چھٹی ہو ‘ ساتویں ہو ‘ یا آٹھویں یا نویں ۔

 

جو حدیث آپ نے ذکر کی ہے اس سےاولا تو یہ ثابت ہی نہیں ہوتا کہ آپ صلى اللہ علیہ وسلم ظہر کی آخری دو رکعتوں میں سورۃ الفاتحہ کے سوا کچھ نہیں پڑھتے تھے ۔ کیونکہ حدیث میں سورۃ الفاتحہ کی تلاوت کا ذکر ہے اسکے علاوہ کچھ اور پڑھنے کی نفی نہیں ہے ۔
ثانیا : ظہر وعصر کی آخری دو رکعتوں میں بھی تلاوت کرنا رسول اللہ صلى اللہ علیہ وسلم سے ثابت ہے :
عَنْ أَبِي سَعِيدٍ الْخُدْرِيِّ قَالَ كُنَّا نَحْزِرُ قِيَامَ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي الظُّهْرِ وَالْعَصْرِ فَحَزَرْنَا قِيَامَهُ فِي الرَّكْعَتَيْنِ الْأُولَيَيْنِ مِنْ الظُّهْرِ قَدْرَ قِرَاءَةِ الم تَنْزِيلُ السَّجْدَةِ وَحَزَرْنَا قِيَامَهُ فِي الْأُخْرَيَيْنِ قَدْرَ النِّصْفِ مِنْ ذَلِكَ وَحَزَرْنَا قِيَامَهُ فِي الرَّكْعَتَيْنِ الْأُولَيَيْنِ مِنْ الْعَصْرِ عَلَى قَدْرِ قِيَامِهِ فِي الْأُخْرَيَيْنِ مِنْ الظُّهْرِ وَفِي الْأُخْرَيَيْنِ مِنْ الْعَصْرِ عَلَى النِّصْفِ مِنْ ذَلِكَ
صحیح مسلم ح ۴۵۲
اسکے علاوہ اور بھی بہت سی احادیث اس بات پر دلالت کرتی ہیں کہ رسول اللہ صلى اللہ علیہ وسلم آخری پہلی دو رکعتوں کے بعد والی تمام تر رکعات میں سورۃ الفاتحہ کے بعد تلاوت فرماتے تھے ۔
یاد رہے کہ کسی بھی رکعت میں سورۃ الفاتحہ کے بعد کچھ بھی تلاوت کرنا فرض نہیں ہے بلکہ سنت ومستحب ہے ‘ خواہ وہ رکعت پہلی ہو یا آخری ...!

 

آپ جس رکعت میں بھی امام کے ساتھ ملے ہیں وہ آپکی پہلی رکعت ہے ‘ اور اسکے بعد والی دوسری ‘ پھر بعد والی تیسری ‘ پھر اسکے بعد والی چوتھی ... وہلم جرا ....