مسجد عائشہ سے احرام باندهنا

مدینہ سے مکہ جاتے ہوئے میقات "ذو الحلیفہ " ہے ۔ لہذا اہل مدینہ ذو الحلیفہ سے احرام باندھیں گے ۔
اور جب مکہ پہنچ جائیں تو کسی بھی علاقہ کے رہنے والے تمام تر لوگ مکہ سے ہی دوبارہ عمرہ کے لیے احرام باندھ سکتے ہیں ۔

احرام باندھنے کے بعد ناخن بال وغیرہ نہیں کاٹیں گے حتى کہ وہ قربانی ذبح کر لیں ۔
اگر حج تمتع ہے یعنی قربانی ساتھ نہیں لے گئے تو عمرہ کرکے احرام کھول دیں گے اور بال ناخن کاٹ سکتے ہیں ۔
حج افراد کرنے والے پر بھی چونکہ قربانی فرض نہیں ہے ‘ تو اگر وہ قربانی نہیں کرنا چاہتا تو احرام کھولنے کے بعد بال وناخن کاٹ سکتا ہے ۔
حالت احرام میں ان پر یہ پابندی ہے ‘ اسکے بعد نہیں ۔
اور اگر بھول کر کوئی شخص احرام کی حالت میں بال کٹوا لے تو اس پر کوئی حرج نہیں ۔ البتہ اگر کوئی شخص قصدا یہ کام کرے خواہ کسی بیماری وغیرہ کی بناء پر ہی ‘ تو اسے ایک دم دینا پڑے گا ‘ یا روزے رکھنا ہوں گے ‘ یا صدقہ کرنا ہوگا ۔ اللہ تعالى کا فرمان ہے :
وَلَا تَحْلِقُوا رُءُوسَكُمْ حَتَّى يَبْلُغَ الْهَدْيُ مَحِلَّهُ فَمَنْ كَانَ مِنْكُمْ مَرِيضًا أَوْ بِهِ أَذًى مِنْ رَأْسِهِ فَفِدْيَةٌ مِنْ صِيَامٍ أَوْ صَدَقَةٍ أَوْ نُسُكٍ
البقرۃ : ۱۹۶