بھگوڑے طلباء کی حالت زار پر ایک تبصرہ

بھگوڑے طلباء کی حالت زار پر ایک تبصرہ ​

عموما سکولوں اور خاص کر پرائیوٹ سکولز میں تو طلباء پر سختی اور نگرانی ہوتی ہے ، وقت پر سکول آتے جاتے ہیں ، لیکن یونیورسٹیز وغیرہ میں انہیں کچھ نہ کچھ آزادی رہتی ہے ، اس کا فائدہ اٹھاتے ہوئے بہت سے نالائق طلباء یا تو آتے نہیں یا اگر آتے ہیں تو جلد ہی کھسک جاتے ہیں ـ

ان کی اس حالت پر شیخ عبدالغفارحسن رحمہ اللہ نے ایک اچھا تبصرہ کیا ہے ، یہ ان دنوں کی بات ہے جب محترم رحمہ اللہ جامعہ اسلامیہ المدینہ المنورہ میں پڑھاتے تھے لکھتے ہیں کہ :

''ہر کلاس میں حاضری استاد کی بجائے مراقب کیا کرتا تھا ـ طلبہ اگر کھسکنا چاہتے تو مراقب کے چلے جانے کے بعد کھسکنے کی کوشش کرتے ـ میں نے ان کی حالت زار پر اس طرح تبصرہ کیا کہ ایک حدیث میں غصہ آنے اور جانے کے لحاظ سے لوگوں کی چار قسمیں بتائی گئی ہیں :

سريع الغضب سريع الفيء
جلد غصہ آتا ہے اور جلد چلا جاتا ہے

بطيء الغضب بطی الفئ
دیر سے آتا ہے اور جلد چلاجاتا ہے

سريع الغضب بطی الفئ
جلد آتا ہے اور دیر سے جاتا ہے ، (یعنی سب سےبرا

بطيء الغضب سريع الفيء
دیر سے آتا ہے لیکن جلد چلاجاتا ہے یعنی سب سے اچھا
(سنن الترمذي كتاب الفتن)

میں نے کہا اس طرح طلبہ کی چار قسمیں ہیں

سریع الدخول سریع الخروج
جلد آتے ہیں اور جلد چلے جاتے ہیں

بطئ الدخول بطی الخروج
دیر سے آتے ہیں ، دیرسے جاتے ہیں

سریع الدخول بطئ الخروج
جلد آتے ہیں دیر سے جاتے ہیں یعنی سب سے بہتر

بطئ الدخول سریع الخروج
دیر سے آتے ہیں لیکن جلد بھاگ جاتے ہیں یعنی سب سے بدتر

کیا عمدہ مثال ہے ـ اراکین مجلس یاد کریں کہ ان کا تعلق کس قسم سے رہا ہے ، اور نئے پرانے سب اساتذہ بھی ذہن نشین کرلیں تاکہ بھاگنے والے طلباء کی پہچان ہو سکے : )

بحوالہ : عبدالغفارحسن رحمہ اللہ حیات وخدمات​