کراچی ایئرپورٹ پر دہشت گردوں کا حملہ، جوابی کارروائی جاری

آخری خبر یہ ہے کہ کسی بھی جہاز کو نقصان نہیں پہنچا ہے۔ اور دہشت گردوں کے پاس سے بھارتی اسلحہ ملا ہے۔

 

نہیں آپریشن ابھی چل رہا ہے۔ صورت حال واضح ابھی تک واضح نہیں ہے۔ جو دہشت ہلاک ہوا ہے اس کے پاس سے بھارتی اسلحہ ملا ہے

 

مسئلہ یہ ہے کہ بھائ ان کی کڑیاں کہیں اور جا کر ملتی ہیں۔ اس وقت کی خبر یہ ہے کہ 90 فیصد علاقہ کلیئر کرایا جا چکا ہے۔ اللہ تعالی اس ملک کو ہر قسم کی دہشت گردی سے محفوظ رکھے آمین!

 

اللہ تعالی ان دہشت گردوں کو تباہ کرے۔ ویسے اندر حملہ کرکے بے گناہوں کا خون بہا کر یہ لوگ پہلے ہی اپنے ہاتھ خون سے رنگ چکے تھے۔ الحمد للہ کہ یہ لوگ ہلاک ہوگئے۔

 

بہت بری خبر ہے اللہ تعالی پاکستان کی حفاظت کرے ۔

 

جناح انٹرنیشنل ایئرپورٹ پرحملے کی ذمہ داری قبول ، 19افراد شہید، تمام دہشتگردمارے گئے: رینجرز، تمام اثاثے محفوظ ہیں : آئی ایس پی آر
کراچی (مانیٹرنگ ڈیسک) جناح انٹرنیشنل ایئرپورٹ کے اولڈ ٹرمینل میں ایک مرتبہ پھر آگ بھڑک اُٹھی جبکہ اب تک کی اطلاعات کے مطابق تحریک طالبان پاکستان کے حملے میں19افراد شہید اور 23زخمی ہوچکے ہیں جبکہ سیکیورٹی فورسز نے جوابی کارروائی کرتے ہوئے 10دہشتگردوں کو موت کے گھاٹ اُتار دیا ،سیکیورٹی ذرائع کے مطابق تمام طیارے مکمل طورپر محفوظ ہیں،دن دو بجے کے بعد ایئرپورٹ آپریشنل ہونے کا امکان ہے ۔ دوسری طرف تحریک طالبان پاکستان نے حملے کی ذمہ داری قبول کرتے ہوئے آئندہ بھی حملوں کا اعلان کردیا۔
ذرائع کے مطابق سیکیورٹی اداروں کے آپریشن کے دوران اولڈ ٹرمینل میں شدیدفائرنگ کے بعد دھماکوں کی آوازیں سنی گئیں اور آگ بھڑک اُٹھی جس کے بعد ایک مرتبہ پھر بھگدڑ مچ گئی تاہم رینجرز حکام کا کہناتھاکہ ایئرپورٹ کے اطراف میں سیکیورٹی فورسز کی طرف سے کلیئرنس سرچ آپریشن جاری ہے اور ممکنہ طورپر جھاڑیوں میں موجود دہشتگردوں کے شبے میں ہوائی فائرنگ کی گئی ،اصفحانی ہینگرزمیں آگ ایک مرتبہ پھر بھڑک اُٹھی ہے جس پر قابو پانے کے لیے امدادی کارروائی جاری ہے ۔
بتایاگیاہے کہ نو سیکیورٹی اہلکاروں اور نجی ایئرلائن کے ملازم سمیت 19افراد شہید ہوگئے ہیں جن کی شناخت اے ایس ایف کے فرخ حسین ، مرتضی شاہ ، منتظر ، عبدالمالک ، طارق محمود ، محمد سرور ، محمد اعظم ، محمد اقبال ،رینجرز کادل مراد اورنجی ایئر لائن کے عبدالخالق صدیقی شہید ہوگیا۔بتایاگیاہے کہ آپریشن کے دوران ایئرلائن کا ملازم ہارٹ اٹیک ہونے سے چل بسا۔
ڈی جی سندھ رینجرز نے بتایاکہ آپریشن میں پاک فوج ، رینجرز، پولیس اور ایئرپورٹ سیکیورٹی فورسز نے کارروائی کی اور دہشتگردوں کے مذموم مقاصد کوپورانہیں ہونے دیا اور ایئرپورٹ کے اندرونی حصے کو کلیئرکردیاگیا، سات دہشتگردمقابلے میں مارے گئے جبکہ تین نے خود کو اُڑالیا۔ اُنہوں نے بتایاکہ ساڑھے گیارہ بجے آپریشن شروع کردیاگیاتھا، دہشتگرد5,5کی ٹولیو ں میں دو جگہوں سے داخل ہوئے تاہم نجی ٹی وی چینل کے مطابق 15کے قریب حملہ آور تین مقامات سے داخل ہوئے ۔ ڈی جی رینجرز کاکہناتھاکہ حملہ آور غیر ملکی لگتے ہیں جن کی عمر 20سے 25سال کے درمیان ہے ، ڈی این اے ٹیسٹ کرائیں گے ، صرف کارگوٹرمینل میں آگ لگی ہے ۔ڈی جی نے بتایاکہ ہائی ایس کا ڈرائیور دہشتگردوں کو اُتار کر فرار ہوگیا، دن بارہ بجے کے بعد ایئرپورٹ آپریشنل ہوسکتاہے تاہم ایئرپورٹ حکام کاکہناتھاکہ دو بجے کے بعد آپریشن متوقع ہے ۔ پی آئی اے ترجمان کے مطابق حملے کی وجہ سے 20سے زائد پروازیں منسوخ ہوگئی ہیں ۔
نجی ٹی وی چینل نے ڈی جی رینجرز کے حوالے سے بتایاحملے میں بھارتی اسلحہ استعمال ہونے کے شواہد ملے ہیںجبکہ ہلاک ہونیوالے ازبک ، افغان اور چیچن باشندے ہیں ۔
دوسری طرف کالعدم تحریک طالبان پاکستان کے ترجمان شاہداللہ شاہد نے نامعلوم مقام سے ٹیلی فونک گفتگوکرتے ہوئے حملے کی ذمہ داری قبول کرلی اورا ِسے ڈرون حملے میں مارے جانیوالے سابق امیر حکیم اللہ محسود کی ہلاکت کا بدلہ قراردیا۔ ترجمان کاکہناتھاکہ غیر اعلانیہ جنگ پھر شروع کردی گئی ہے اوروزیرستان میں ساتھیوں کی ہلاکت اور اعلان جنگ کیخلاف جوابی کارروائی کا حق رکھتے ہیں،خود کش حملہ آور ایئرپورٹ میں داخل ہوئے اور کارروائی کی ۔ وزیرداخلہ نے ایئرپورٹ پر حملے کی رپورٹ طلب کرلی ۔
آرمی چیف جنرل راحیل شریف نے کامیاب آپریشن پر مسلح افواج کو مبارکباد پیش کی ۔پاک فوج کے محکمہ تعلقات عامہ (آئی ایس پی آر) کے مطابق تمام اثاثے محفوظ ہیں ۔ترجمان کاکہناتھاکہ لگنے والی آگ طیاروں میں نہیں بلکہ عمارت میں لگی تھی، دہشتگردوں سے راکٹ لانچر اور دیگر اسلحہ بھی ملاہے ۔
واضح رہے کہ گذشتہ شب نامعلوم حملہ آوروں نے ایئرپورٹ پر حملہ کردیاتھا اور طیاروں کی طرف جانے کی کوشش کی تاہم اے ایس ایف کی مزاحمت پر دہشتگردوں کو منہ کی کھانا پڑی ۔

 

طالبان دہشتگرد ملک کو اقتصادی اور دفاعی طور پر غیر مستحکم اور تباہ کرنے پر تلے ہوئے ہیں اور ملک اور قوم کی دشمنی میں اندہے ہو گئے ہیں . انتہا پسند قوتیں پاکستان میں سیاسی اور جمہوری عمل کو ڈی ریل کرنے کی کو ششیں کر رہی ہیں. دہشت گرد خود ساختہ شریعت نافذ کرنا چاہتے ہیں اور پاکستانی عوام پر اپنا سیاسی ایجنڈا مسلط کرنا چاہتے ہیں جس کی دہشت گردوں کو اجازت نہ دی جا سکتی ہے۔ کسی بھی مسلم حکومت کے خلاف علم جنگ بلند کرتے ہوئے ہتھیار اٹھانا اور مسلح جدوجہد کرنا، خواہ حکومت کیسی ہی کیوں نہ ہو اسلامی تعلیمات میں اجازت نہیں۔ یہ فتنہ پروری اور خانہ جنگی ہے،اسے شرعی لحاظ سے محاربت و بغاوت، اجتماعی قتل انسانیت اور فساد فی الارض قرار دیا گیا ہے۔ دہشت گرد ،اسلام کے نام پر غیر اسلامی و خلاف شریعہ حرکات کے مرتکب ہورہے ہیں اور اس طرح اسلام کو بدنام کر رہے ہیں۔
طالبان اور القائدہ ملکر پاکستان بھر میں دہشت گردی کی کاروائیاں کر رہے ہیں ۔ دہشت گرد گروپوں کےطاقت کے بل بوتے پر من مانی کرنے کے بڑے دورس نتائج نکل سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طالبان نےجناح انٹرنیشنل ایئرپورٹ پرحملے کی ذمہ داری قبول کر لی
"https://awazepakistan.wordpress.com"

 

ہوائی اڈے کو کلیئر کر دیا گیا ہے اور معمول کے آپریشنز دوپہر چار بجے سے شروع کردیے جائیں گے۔
‮پاکستان‬ - ‭BBC Urdu‬ - ‮دس حملہ آوروں سمیت 28 ہلاک، ‬

 

کراچی ایئر پورٹ پر تحریک طالبان پاکستان کا حملہ

کراچی ایئر پورٹ پر تحریک طالبان پاکستان کا حملہ


ہم اتوار کے روز کراچی ايئرپورٹ پر ہونے والے دہشتگرد حملے کے تمام متاثرين کے خاندان والوں کو گہری دلی تعزيت پيش کرتے ہيں جس ميں تقريبا" چودہ معصوم جانيں ضائع‏ ہوئيں۔ یہ نہايت دکھ کی بات ہے کہ يہ انتہا پسند درندے پاکستان میں زندگی کے تمام شعبہ جات سے تعلق رکھنے والے لوگوں کو جان بوجھ کر نشانہ بناتے ہيں۔ مقامی کمیونٹی کارکن، اقليتوں اور سيکورٹی اھلکاروں سے ليکر کوئی بھی انکی دہشتگردی، تشدد ،قتل وغارت، اور جاری درندگی سے محفوظ نہيں ہيں۔




اتوار کے روز کراچی ايئرپورٹ پر ہونے والا يہ خوفناک دہشتگرد حملہ ان انتہا پسندوں کی پاکستان میں جاری دانستہ قتل وغارت اور تباہی کی ايک واضح مثال ہے جو وہ اپنے مذموم سیاسی عزائم کے حصول کے لئے بروۓ کار لارہے ہيں ۔ عوامی مقامات پر جاری حملوں نے ان انتہاپسندوں کے حقيقی سیاہ اور بدنما چہروں کو بے نقاب کر دیا ہيں۔ ان دہشتگرد عناصر نے اپنے سياسی مقاصد کے حصول کيلۓ مذہب کی آڑ ميں معصوم لوگوں کو قتل کرنا اپنی حکمت عملی کا ايک مرکزی جز بناليا ہيں۔ ہم کراچی ایئرپورٹ پر ہونے والےاس دہشت گرد حملے کی بھرپور مذمت کرتے ہيں-

معصوم عوام کے خلاف جاری تشدد آميز کارروائياں پاکستانی عوام کے اقدار پر حملہ اور ملک کی خوشحال مستقبل کے لئے ایک خطرہ ہے۔ باہمی پارٹنرز کی حيثيت سے ہميں دہشتگردی اور انتہاپسندی کی اس لعنت کو مٹانے کيلۓ اپنی مشترکہ عزم اور ولولے کو ڈگمگانے سےمحفوظ رکھنا چاہيۓ ۔ ہم پاکستانی بہادر عوام کے ساتھ ان شیطانی اور درندہ صفت انتہا پسندوں کے خلاف ان کی جاری جنگ میں اپنی طویل الميعاد عزم کی توثیق کرتے ہیں جو جان بوجھ کر معصوم عوام کے قتل و غارت ميں ملوث ہيں اور پاکستانی سالميت کيلۓ ايک خطرہ بن چکے ہيں ۔ انتہاپسندی کےخلاف جاری جدوجہد ميں ہم پاکستانی حکومت اور اسکی سيکورٹی فورسزز کے ساتھ کھڑے ہيں۔

ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

U.S. Department of State
https://twitter.com/#!/USDOSDOT_Urdu
http://www.facebook.com/USDOTUrdu

 

آمین یارب العالمین

 

سوال تو یہ ہے کہ اتنا اسلحہ لے کر دس افراد کمانڈو ایکشن میں ائیرپورٹ میں کیسے داخل ہو گئے؟
دال میں ضرور کچھ کالا موجود ہے۔۔۔۔

 

کراچی میں کس لسانی تنظیم کی گرفت ہے اور اسلحہ کس کے پاس ہے یہ بات کسی سے ڈھکی چھپی نہیں !!
پھر سونے پر سہاگہ کہ کراچی کو بند کرنے کی دھمکیاں بھی دیتے ہیں

 

ابھی بھائ کا فون آیا ہے۔ کہ کراچی ائرپورٹ پر پھر حملہ ہوا ہے۔
خبروں کے مطابق دہشت گردوں نے پہلوان گوٹھ کی جانب سے اے ایس ایف کیمپ پر حملہ کرنے کی کوشش کی جو کہ ناکام بنا دی گئ ہے۔

 

اے ایس ایف کے کیمپ پر حملہ ، مقابلہ جاری

ایئرپورٹ پر حملے کے اگلے ہی روز اے ایس ایف کے کیمپ پر حملہ ، مقابلہ جاری
10 جون 2014 (13:22)
ایئرپورٹ پر حملے کے اگلے ہی روز اے ایس ایف کے کیمپ پر حملہ ، مقابلہ جاری

کراچی (مانیٹرنگ ڈیسک) جناح انٹرنیشنل ایئرپورٹ پر حملے کے بعد ایئرپورٹ سیکیورٹی فورسز (اے ایس ایف) کے کیمپ پر نامعلوم افراد نے حملہ کردیا اور اب تک کی اطلاعات کے مطابق چار سے پانچ حملہ آوروں نے اے ایس ایف کی عمارت میں داخلے کی کوشش کی لیکن بھرپورمزاحمت کا سامناکرناپڑا , دونوں طرف سے فائرنگ کا تبادلہ جاری ہے ، پولیس اور رینجرز کو طلب کرلیاگیاہے جبکہ ایمبولینسیں بھی علاقے میں پہنچناشروع ہوگئی ہیں ،دوسری طرف حملے کے بعد ایمرجنسی نافذ کرکے ایئرپورٹ ایک مرتبہ پھر بند کردیاگیا۔پاک فوج کے محکمہ تعلقات عامہ کے مطابق مسلح افواج کے دستوں نے حملہ آوروں کو گھیرے میں لے لیا۔
اطلاعات کے مطابق ایئرپورٹ پر حملے کے بعدایئرپورٹ کے قریب ہی موجود اے ایس ایف کے کیمپ نمبردوپر پہلوان گوٹھ کی طرف سے حملہ ہواہے جس کی اے ایس ایف نے تصدیق کردی ہے اور بتایاہے کہ فائرنگ کاواقعہ پیش آیاہے ۔ اُدھر بھٹائی آباد سے منسلک کیمپ آفس اور کچی آباد ی کو رینجرز نے گھیرے میں لے لیاجہاں سے فائرنگ کی آوازیں بھی سنی گئیں جبکہ ہیلی کاپٹر بھی موقع پر پہنچ گئے ہیں ۔
دوسری طرف اے ایس ایف کے کیمپ پر حملے کے بعد ایئرپورٹ آپریشن معطل کردیاگیاہے اور اولڈ ٹرمینل بند کرکے ایمرجنسی نافذ کردی گئی اور ایئرپورٹ کی طرف آنے جانے والے تمام راستے سیل کردیئے گئے ہیں۔ذرائع کے مطابق حملہ آور ایک گاڑی پر آئے اور اُترکر ہوسٹل اور اکیڈمی کے قریب ایک کیمپ پر حملہ کردیا۔حملے کی اطلاع ملتے ہی پولیس اور رینجرز کو ایک مرتبہ پھر طلب کرلیاگیا جبکہ وزیراعلیٰ سندھ نے امن وامان کی صورتحال کا جائزہ لینے کے لیے طلب کیاگیااجلاس ملتوی کردیااور متعلقہ اداروں کو ہدایت کی ہے کہ وہ ہرممکن اقدامات کریں اور لمحہ بہ لمحہ صورتحال سے آگاہ کریں ۔وزیراعظم نواز شریف نے بھی حملے کا نوٹس لیتے ہوئے ایجنسیوں اور قانون نافذ کرنیوالے اداروں کو ایئرپورٹ اور کیمپ پر حملہ کرنیوالے ملزموں کا صفایاکرنے کا حکم دے دیا۔جبکہ تحریک طالبان مہمندایجنسی نے کیمپ پر حملے کی ذمہ داری قبول کرلی ۔

 

جی ائیر پورٹ کے باہر اے ایس ایف کے کیمپ پر حملے کی خبر ہے ، اللہ تعالی پاکستان اور اہل پاکستان کی حفاظت کرے ۔
کراچی ایئر پورٹ پر دہشتگردوں کا ایک بار پھر حملہ، اے ایس ایف کا منہ توڑ جواب ایکسپریسس اردو
فلائٹس روک دی گئی ہیں ۔

 

ڈی جی آئی ایس پی آر کی ٹویٹ
AsimBajwaISPR @AsimBajwaISPR · 13m

#Kci Airport:Latest update;3 to 4 terrorists fired near ASF Camp,ran away.No breach of fence,no Entry.Chase is on,situation under control
کوئی ائرپورٹ میں داخل نہیں ہو سکا ۔