پاکستان میں مطالعۂ قرآن کی صورتِ حال

بسم اللہ الرحمٰن الرحیم
پاکستان میں مطالعۂ قرآن کی صورتِ حال
معاصر مسلم دنیا میں اسلام کے احیا وتجدید کے لیے ہونے والی کوششوں کے نتیجے میں امت میں بالعموم رجوع الی القرآن کی ایک تحریک پائی جاتی ہے۔ اس کے اثرات ومظاہر کا مشاہدہ جہاں باقی دنیا میں کیا جا سکتا ہے وہاں وطن عزیز پاکستان میں بھی اس کی متنوع الابعاد صورتیں، قرآنی مطالعات کا ذوق رکھنے والوں کے لیے دل چسپی کا سامان ہیں۔مدارس، جامعات، معاہد ، دروسِ قرآن کے حلقے، جدیدوسائلِ ابلاغ کے ذریعے پیامِ قرآنی کی اشاعت…وہ مختلف صورتیں ہیں جو خدمتِ قرآن کی نمایاں علامات سمجھی جاتی ہیں۔

اس رجحان کی اہمیت کے سبب ادارہ تحقیقاتِ اسلامی نے ماضی میں ’’برصغیر میں مطالعۂ قرآن‘‘ کے عنوان سے ایک کانفرنس منعقد کی تھی، جس کے اہم مقالے شائع ہو چکے ہیں۔اس کانفرنس میں ارتکاز اس خطے میں قرآنی مطالعات کے حوالے سے ہونے والے علمی کام پر تھا۔اسی کے تسلسل میں ادارے نے ’’پاکستان میں مطالعۂ قرآن کی صورتِ حال‘‘ کے عنوان پر11- 13 نومبر 2014ء کو ایک کانفرنس منعقد کرنے کا فیصلہ کیا ہے۔اس حوالے سے یہ طے پایا ہے کہ مذکورہ بالا میدانوں میں جاری قرآنی خدمات کے حوالے سے ان سے متعلقہ شخصیات، علمی مقالات کی شکل میں جائزہ، تجزیہ، تنقید وغیرہ پیش کریں تاکہ موجودہ صورت حال سے شناسائی کے علاوہ ان میدانوں میں مزید بہتری ، اقدامات اورمستقبل کی منصوبہ بندیوں کے بارے میں ایک لائحۂ عمل پیش کیا جاسکے۔

ادارے نے اس کا نفرنس کے مندرجہ ذیل محاور و ذیلی عناوین تجویز کیے ہیں:

1. نصاب اور مراحلِ تعلیم
   • دینی مدارس کا نصاب
   • عصری اداروں کا نصاب
   • دورہ ہائے قرآنی
   • قرآنی کورسز
2. مناہج و طُرُق/ وسائلِ ابلاغ
   • تدریس، تحفیظ
   • میڈیا کے ذریعے قرآنی تدریس
3. دعوتی و اصلاحی مساعی
   • دروسِ قرآن کے حلقے
   • اجتماعی مطالعۂ قرآن کی نشستیں
   • تحریکات
4. علمی و تحقیقی کام
   • مجلات کے قرآن نمبرز
   • مطالعۂ قرآن پر تحقیقی کتابیںاور تراجم
   • تراجم ِ قرآن
5. مشکلات، رکاوٹیں اور حل
   • قرآن اورنصابِ تعلیم : گذشتہ تجربات
   • قرآنی تخصصات کی ضرورت
   • مدرسینِ قرآن کی تربیت
   • معاشرے اور تعلیماتِ قرآنی میں بعد :وجوہ اور حل
6. ادارے اور افراد
   • حکومتی اور نجی اداروں کی خدمات
   • قرآنی مکاتب/ اسکولز/ اکیڈمیاں
   • انفرادی خدمات
7. خواتین میں فہمِ قرآن کا فروغ
   • ماضی اور حالیہ تجربات
   • طرقِ تدریس
   • مشکلات

کانفرنس کے اہداف:

1. قرآنِ کریم کی تعلیم وتدریس کی کاوشوں سے آگاہی اور جائزہ
2. قرآنی خدمات کے سلسلے میں مشکلات کا جائزہ اور ان کے ازالے کی کوشش
3. قرآنی خدمات سے متعلقہ افراد اور اداروں کو باہمی تبادلۂ خیال اور مشکلات کے حل کے لیے موقع فراہم کرنا
4. مختلف میدانوں میں قرآنی خدمات سے وابستہ افراد کے لیے باہم استفادے کاپلیٹ فارم مہیا کرنا
5. خدمتِ قرآن کے لیے مستقبل کا لائحہ عمل طے کرنا

مقالات کے خلاصہ جات بھیجنے کی آخری تاریخ:24 اگست 2014ء

مقالات بھیجنے کی آخری تاریخ: 15 اکتوبر 2014ء
رابطہ: http://www.iiu.edu.pk/index.php?page_id=15931

 

جزاک اللہ خیرا۔

 

کانفرنس کی رجسٹریشن جاری ہے۔ اور کانفرنس شروع ہونے تک جاری رہے گی ان شاء اللہ۔
تفصیلات کے لیے دی گئی تصویر ملاحظہ ہو۔

 

جزاك الله خيرا
بهت عمده.دعا هے كه يه كانفرنس قرآني تعليمات كو عام كرني ميں ممد و معاون ثابت هو.آمين.

 

آمین یا رب العالمین
جزاک اللہ خیرا

 

جزاک اللہ خیرا عفراء
ادارہ تحقیقات اسلامی نے اپنا فرض ادا کر دیا، شرکاء توقع سے کم تھے۔ اس کے علاوہ شرکاء میں کانفرنس کے ہدف 4 اور 5 کے متعلق جذبہ کم تھا ۔

 

وایاک
واقعی۔ میرا بھی یہی خیال ہے۔
البتہ کانفرنس کی اختتامی سفارشات اور خلاصہ سننے سے رہ گیا جس کا قدرے افسوس ہے۔

 

میرا خیال ہے کہ یہ کانفرنس شاید ایسے نہ ہو کہ گفتند، نشستند، برخاستند