میری تصویر شئیر کرنا حلال، تمہاری تصویر شئیر کرنا حرام

جب سے ہمارے مرد داعیانَ اسلام کے نزدیک کیمرے والی (اور اب تو ہر قسم کی۔۔۔ یقین نہ آئے تو قرآنک السٹریشنز دیکھ لیں ) تصویر حلال ہوئی ہے وہ اپنی ہر تیسری سٹیٹس اپ ڈیٹ ،ٹویٹ، بلاگ پوسٹ وغیرہ میں تازہ تصویر بھی شامل فرما دیتے ہیں، ان کے فین اسے شئیر فرما کر ثواب دارین حاصل فرماتے ہیں،
بھائیوں کو نیکی کی راہوں میں آگے نکلتے دیکھ کر بہنیں بھی ان کی اقتدا میں باپردہ تصویریں شئیر کرنے لگیں ۔ تب داعیان اسلام نے اجتہاد کیا نتیجہ یہ نکلا کہ :" میری تصویر شئیر کرنا حلال اور تمہاری تصویر شئیر کرنا حرام! "
بازیچہء اطفال ہے دنیا مرے آگے!

 

جزاک اللہ خیرا.
نہایت قابل غور نکتہ ہے..خاص طور پہ اسلامی اقدار کے تحفظ کے دعویدار دانشوروں، تنظیموں اور جماعتوں کے سربراہان غور فرمائیں ..کہ ان کی دن رات کی ویڈیوز اور تصاویر نے صنف نازک کو یہ سوچنے پہ مجبور کر دیا ہے کہ یہ دور نگی کیوں؟تمہاری تصویر شئیر کرنا جائز تو میری کیوں ناجائز؟

 

یہ بات تجربہ کی بنیاد پر کہہ رہا ہوں کہ جو بھی فیس بک پر دعوت کے ساتھ اپنی تصویر بھی پوسٹ کرتا ہے کافی لوگوں کا یہ اعتراض بھی ہوتا ہے کہ تصویر کے بارے میں کیا حکم ہے ؟
ایک سلفی ساتھ کو میں نے اس وجہ سے ان فرینڈ کردیا کہ وہ آسٹریلیا پہنچ کر ہر جگہ اپنی تصویر فیس بک پر شئیر کرتا پھرتا۔ کبھی ائیرپورٹ، کھی جہاز میں اور کبھی راستے میں۔
ایک دفعہ تو اس نے اپنی تصویر لگائی اور پیچھے عریاں لباس میں عورت کھڑی تھی۔ مجھے ان فرینڈ کے علاوہ کوئی راستہ نظر نہیں آیا۔
بالکل صحیح کہا آپ نے۔

 

جزاک اللہ خیرا
ان تصویروں نے اتنا دکهی کیا ہوا پے کہ قلم میں لکهنے کی طاقت نہیں .

 

صحیح بات ہے اب تو اس موضوع پر کچھ کہنے کو دل نہیں کرتا۔

 

وایاک۔ کل ایک مرد داعی کا سٹیٹس دیکھا جنہوں نے بڑے درد بھرے الفاظ میں بہنوں کو تصاویر شئیر کرنے سے منع کیا تھا۔ ظاہر ہے کہ ان کی اپنی مبارک تصویر ساتھ ہی لگی تھی۔ مرد حضرات کچھ بھی کر لیں وہ نمونہ اسلام ہی رہتے ہیں۔ ان سے سوال کرنے والی ضرور فیمینسٹ ہوتی ہیں۔

 

حیرت ہوتی ہے لوگوں کی رنگ برنگی تصاویر دیکھ کر ۔ خاص کر جب ایک داعی روزانہ تصویر بدلتا رہے۔اگر دل میں نیت ہو کہ دوست احباب تصویر دیکھ کر پہچانیں گے تو بھی ایک تصویر لگا دینا کافی ہے۔ لیکن لوگ تو صبح شام تصویر بدلنے کو ہی دین کی تبلیغ سمجھ لیا ہے‘ جیسے تصویر کے بغیر کوئی دین سمجے گا ہی نہیں۔

 

دوستوں کو پہچان کے لیے اپنی پروفائل کا ربط بھی بھیجا جا سکتا ہے تصویر ضروری نہیں ہوتی۔

 

جزاک اللہ خیرا- آپ نے بہت عمدہ طرکا بتايا اصلاح کیلئے دیکھا جائے تو یہ بہت بڑا فتنہ ہے سوشل میڈیا کا سلفی لینا -الشيخ سليمان الرحيلي حفظه الله کا ویڈیو بہت عمدہ ہے اس بارے مے فقہ وف سوشل میڈیا -

 

کیا ربط مل سکتا ہے؟

 

شاید وہ بتانا چاہتے ہوں کہ ۔۔۔
ہر لحظہ ہے مومن کی نئی آن نئی شان!

 

شیخ صالح المنجد اور ڈاکٹر بلال فلپس خود تصویر بنواتے ہیں تو خواتین کو بھی نہیں روکتے۔ یہ دو رنگی ہمارے یہاں کے ملاؤں میں ہے جن کے نزدیک اسلام میں خواتین کے لیے ہر چیز ممنوع ہے۔

 

پی ٹی آئی کی بیبیوں نے اپنے لیڈر کی تصویر پروفائل پکچر بنا رکھی ہو تو سمجھ میں آتا ہے لیکن جس طرح سراج الحق صاحب اسلامی رجحان والی خواتین کی فیس بک پروفائل سے جھانکتے نظر آتے ہیں اس سے معلوم ہوتا ہے کہ بہنیں بھی بھائیوں والا ہر کام کر کے رہیں۔ پہل کی جزا ظاہر ہے بھائیوں کو ملتی رہے گی۔

 

یہ مرض کافی بڑھتا جا رہا ہے اور تشخیص کیلئے سوائے چند کے سبھی شامل حال ہیں ، شيخ محمد اللحيدان كينيڈا تشریف لائے اور مسجد میں تلاوت اور محاضرہ کے بعد باہر کھڑے ہوکر عوام الناس کے ساتھ سیلفیاں، دیکھ کر بہت دل خراب ہوا اور اپنی دونوں بچیوں کو ملوانے لایا تھا اب ایسے کام جن کے بارے میں بچوں کو بتاتے رہتے ہیں کہ یہ اچھا کام نہیں ،دیکھ کر بچیاں پوچھتی ہیں یہ انکل یا آنٹی ایسا گندہ کام کیوں کرتے ہیں ؟ تو جواب ہوتا ہے بیٹا انکو معلوم نہیں اسیلئے ایسے کام کرتے ہیں ، اب اور کیا بتائیں ؟

اہلیہ کی بھانجی کے نکاح کی تقریب تھی اس میں لڑکے والوں کی طرف سے دو فوٹو گرافر تھے اور یہ نکاح بھی مسجد میں تھا ،اب تصویریں اتاری جارہی ہیں اور میں نے سر جھکایا ہوا اور ساتھ ہی منہ پر ہاتھ رکھا ہوا تھا ،کسی بھی تقریب میں جاتے ہیں تو سب کو علم ہے کہ ہم اپنی یا بچوں کی تصویریں نہ اتارتے ہیں نہ اتارنے دیتے ہیں

نکاح کے بعد جس عالم نے نکاح پڑھایا انکو میں نے کہا کہ آپ نے منع کیوں نہيں کیا ؟ بولے مالٹن مسجد میں ہم کسی کو یہ کرنے نہیں دیتے آپ جانتے ہیں ؟ یہ انہوں نے امیگریشن کیلئے اتارنی تھیں، میں نے کہا اتنی بھی نہیں چاہیے ہوتیں یہ تو آپ بھی جانتے ہیں اور ابھی تو انہوں نے بڑی دعوت کرنی ہے شادی کی ، بولے مجھے خبر نہیں تھی کہ ایسا ہوگا ،

میں کہا مولانا پولیس والا ہر جگہ پولیس والا ہے اور وہ سگنل توڑنے ، غیر قانونی کام کرنے والے کو معاف نہيں کرے گا چاہے وہ اپنے علاقہ میں ہو یا غیر میں اور مسلمان و عالم بدرجہ اولی ہے کہ برائی سے منع کرے، بولے آپ کی مثال بہت اچھی ہے اور مجھے واقعی میں احساس ہوگیا ہے ان شاءاللہ آئندہ اسکا خاص خیال رکھوں گا جزاک اللہ خیرا آپ نے اصلاح فرمائی ،( میں نے خود اسلیے منع نہیں کیا تھا کیونکہ سب کے نزدیک میں سلفی ،وہابی ہوں اور انکے کاموں میں مجھے کیڑے نظر آتے ہیں اور اسلام اتنا تنگ نظر نہیں ،اور نہ ہی میری بات انہیں پسند ہے چاہے میں دلیل نصوص سے دوں)

پاک و ہند سے اکثر میرے بچوں کی تصویر بھیجنے کا کہتے ہیں تو بہت آسان جواب ہوتا ہے نہ ہم تصویر اتارتے ہیں اور نہ ہی ہمارے پاس موجود ہیں آپ ویڈیو کال کرکے تصویر کی بجائے لائیو دیکھ لیں

 

مسئلہ تصویر پر علمائے کرام کا اختلاف سب کو معلوم ہے اور اس کا احترام کرنا ہمارا فرض ہے۔
اس موضوع کا یہ مقصد نہیں تھا کہ سیلفی اور تصویر کی حلت و حرمت پر بحث کی جائے ۔ پہلی پوسٹ بالکل واضح ہے۔
جن مرد حضرات کو اپنی تصاویر بنوانا پسند ہے انہیں خواتین کی تصویر پر بھی اعتراض نہیں ہونا چاہیے جب وہ گھر سے باہر نکلنے کے آداب ملحوظ خاطر رکھ کر بنائی گئی ہوں۔

 

بہت پر مغز تجزیہ ہے۔ شیخ نے بھی یہی فرمایا کہ مسئلے میں اختلاف ہے، اس کا احترام کریں اور مسلمانوں سے حسن ظن رکھیں۔
لائیو وڈیو کو جائز اور وڈیو ریکارڈنگ کو ناجائز قرار دینے میں یہ اشکال آتا ہے کہ متحرک تصاویر دراصل ساکن تصاویر کا مجموعہ ہوتی ہیں۔ تو یہ کیسے ممکن ہے کہ ساکن حرام اور متحرک ہوئی تو حلال؟ جب اقوال موجود۔ ہیں تو صرف ایک قول پر اصرار کرنا غلط ہے۔
بہرحال اس مسئلے پر آراء بہت تیزی سے تبدیل ہوتے دیکھی ہیں اور آگے چل کر بھائیوں کو بہنوں کے مسائل کا حل بھی سنجیدگی سے ڈھونڈنا پڑے گا۔ علمائے کرام کو ایسی باتیں کرتے نہیں سنا، نیم حکیم ہر جگہ جہالت پر اڑتے ہیں اس مسئلے میں بھی خواتین آسان ہدف ہیں سو ان کے فتووں کی زد میں ہیں۔ اب غیر سنجیدہ لوگوں سے کون مغزماری کرے۔
سیلفی ایڈکشن ایک الگ مسئلہ ہے، اسے ایڈکشن کے حساب سے ڈیل کرنا ہو گا۔ ایڈکشن کسی بھی چیز کی ہو سکتی ہے۔ بعض لوگ آئینے کے سامنے بہت زیادہ وقت گزارتے ہیں۔