میں ان کو کیا کہوں؟

السلام علیکم
ایک مرتبہ ایک ویڈیو دیھکنے کا اتفاق ہوا کہ ایک بھوکہ چیتا ایک حاملہ بندریا کو دبوچتا ہے اور اسی وقت جب وہ اسے گردن میں دبوچ کر درخت پر لے جا رہا ہوتا ہے تو وہ بندریا اپنے بچے کو جنم دے دیتی ہے اور خود دم توڑ دیتی ہے۔ چیتا یہ منظر دیکھ کر اس مردہ بندریا کو اسی وقت چھوڑ کر اس نومولود بچے کی حفاظت میں لگ جاتا ہے۔ اور اس کا ایسے خیال رکھنے لگتا ہے کہ گویا اس کی ماں ہے۔ وہ بھوکا ہونے کے باوجود بندریا کو نہیں کھاتا۔
پشاور واقعے کے بعد میں یہ سوچتا جا رہا ہوں کہ بچوں کو بربریت سے مارنے والوں کی درندگی کا کیا عالم ہو گا؟ ایک خون خوار درندہ بھوکا ہونے کے باوجود بچے کو دیکھ کر اپنی درندگی بھول گیا اور یہاں میں ان درندوں کے لیے درندہ کا لفظ بھی استعمال کرنے سے قاصر ہوں ہوں۔ میں انہیں کیا کہوں؟ ان لوگوں کی ایسی تربیت کرنے والوں کو کیا کہوں؟ ان کے لیے مسلمان اور انسان کا لفظ استعمال کرنا تو دور کی بات ، یہ تو درندگی میں بھی اتنے بڑھ گئے کہ مثال نہیں ملتی۔
اللہ تعالی ان بچوں کے والدین کو صبر جمیل عطا فرمائے۔ہمارے ملک پاکستان اور امت مسلمہ کی حفاظت فرمائے ۔ ان جاہل خوارجیوں کی پکڑ کرے اور ہمیں بھی توفیق دے کہ ہم ان درندہ صفت جاہلوں کے خلاف علم جہاد بلند کریں ۔ آمین

 

جزاک اللہ خیرا
جانوروں میں ہمدردی پائی جاتی ہے پتہ نہیں کیوں انسان اتنے بے رحم ہوگئے
اس ویڈیو کو میں نے بھی دیکھا ہے ایک اور ویڈیو میں مچھلیاں پانی کے بغیر تڑپ رہی تھیں ایک کتا جو وہاں کھڑا تھا اسے وہ منظر دیکھا نہیں گیا اور اس نے اپنی زبان سے پانی ان تڑپتی مچھلیوں پر ڈالنے لگا۔۔