ایک ہی دن میں تین سورج

ایک روسی شہر کے رہائشیوں نے ایک ہی صبح میں تین طلوع آفتاب کا نظارہ کیا ہے۔
سرکاری خبروں کی ایجنسی ٹاس کے مطابق اس فریبِ نظر کا انوکھا تجربہ مغربی شہر چیلیابنسک کے لوگوں کو ہوا اور انھوں نے ’افق پر تین سورجوں کا نظارہ کیا۔‘ کئی لوگوں نے اس نظارے کی تصاویر سوشل میڈیا پر شیئر بھی کی ہیں۔
ایک مقامی ماہر موسمیات کے مطابق ایسا ہوا میں شیشوں جیسے برف کے گولوں کے آنے کی وجہ سے ہوتا ہے اور برف کے یہ گولے سورج کی کرنوں کو منعکس کر دیتے ہیں۔
خطے کی اہم ماہرِ موسمیات گلینا شیپورینکو نے کہا کہ ’ایک بہت ہی سرد دن پر یہ کرسٹلز گرے تھے جب درجہ حرارت منفی 25 ڈگری سینٹی گریڈ تھا۔برف کے ان گولوں یا کرسٹلز کو انسانی آنکھ سے نہیں دیکھا جا سکتا۔‘
کچھ دن قبل چیلیابنسک کے لوگوں نے ایک اور غیر معمولی منظر بھی دیکھا تھا جب سڑکوں پر ہلکے نیلے رنگ کی برف باری ہوئی تھی۔
کچھ لوگوں کو خدشہ تھا کہ یہ برف خطرناک تھی لیکن اس کے نیلے رنگ کی وجہ میٹھی نکلی۔
امریکی اخبار نیو یارک ٹائمز کے مطابق ایسٹر کے تہوار کے دنوں میں انڈوں کو رنگ کرنے والی ایک مقامی فیکٹری میں رنگ لِیک ہونے کا ایک واقعہ پیش آیا تھا جس کی وجہ سے پاؤڈر والا رنگ ہوا میں شامل ہو گیا اور باہر سڑکوں پر پڑی ہوئی برف پر جم گیا تھا۔
شاید اب چیلیابنسک کے شہر کو ان عجیب و غریب واقعات دیکھنے کی عادت سی ہو گئی ہے۔
سنہ 2013 میں یہ شہر اس وقت مشہور ہوا تھا جب اس کے آسمان پر570 کلوگرام وزنی شہابیوں کے ٹکڑوں کی بارش ہوئی تھی جس میں 900 سے زائد لوگ زخمی ہو گئے تھے۔
لنک

 

سبحان اللہ
جزاک اللہ خیرا

 

سبحان اللہ وبحمدہ سبحان اللہ العظیم..
کمال ہے ماشاءاللہ..
یہ مولا کے رنگ ہیں..کیا بات یقین کریں رونگٹے کھڑے ہو گئے اور غیر ارادی طور پر سبحان اللہ نکلا ہے کیا بات ہے.

 

بابر بھائی لنک نہیں کھل رہا..

 

میرے پاس تو کھل رہا ہے۔ آپ کے پاس پتہ نہیں کیا پرابلم ہے

 

موبائل پر ہوں ممکن ہے نیٹ کا مسئلہ ہو..

 

نہیں سرکار میرے موبآئل پر بھی کوئ مسئلہ نہیں ہے۔

 

سبحان الله وبحمده سبحان الله العظيم

 

اللہ اکبر

 

سبحان اللہ ، بہت انوکھا منظر ہے۔ جزاک اللہ خیرا۔

 

اللہ اکبر