جو کچھ میں نے سمجھا

قرآن کی روشنی کے بغیر تمام روشنیاں بے فائدہ ہیں۔

 

عبرت کے واقعات اور پہلوں کی کہانیاں، ان کے لیے فائدہ مند ہیں جو بہت ہی صبر کرنے والے اور نہایت شکر گزار ہوں

 

مشکل کو جھیلنے کا طریقہ یہ ہے کہ پہلے لوگوں کی بڑی مشکلات ، صبر اور بہترین انجام کا مطالعہ کیا جائے

 

دنیا کی محبت اگر احکام الہٰی کے تابع ہو تو عبادت اور اگر بالمقابل ہو تو ہلاکت ہے

 

لوگ دین کے معاملے میں آباء و اجدادکی غلطیاں دہراتے ہیں مگر دنیا وی امور میں قطعاً ایسا نہیں کرتے

 

پیغمبروں کے معجزات تو ان کے اختیار میں نہ تھے(صرف اللہ کے حکم سے ہی ظاہر ہوتے تھے) مگر 'کچھ لوگ' ایسے بھی ہیں جو جب چاہیں 'کرامت' دکھا ڈالتے ہیں۔

 

اللہ کے احسانات کو مانتے ہوئے ان کا اظہار شکر جب کہ اللہ کی نعمتوں اور احسانات کو بھلا دینا کفر( کفران نعمت) ہے

 

بعض لوگ اپنی غلطی دوسروں کے سر ڈالنے میں ید طولی رکھتے ہیں، دراصل یہ اس شیطانی روش کا شکار ہیں جن میں نے شیطان نے اپنی گمراہی کا ذمہ دار الله کو قرار دیا. روز قیامت کفار بھی یہی روش اپنائیں گے کہ الله نے تو ہمیں ہدایت دی ہی نہیں.

 

گرمیوں میں پردہ کرنا کتنا مشکل ہے، سردیوں میں لحاف چھوڑ کر ٹھنڈے پانی سے وضو کرنا بھی بہت مشکل ہے.
نیک اعمال مشکل ہیں ...
شاید اسی لیے جہنم کو شہوات سے ڈھانپ دیا گیا ہے اور جنت کو ناگوار چیزوں سے ڈھانپ دیا گیا ہے

 

ہم میں سے ہر شخص مال اکٹھا کرنے کے پیچھے بھاگ رہا ہے جب کہ حدیث رسول کے مطابق بلا ضرورت حاصل کیا گیا مال روز قیامت اس شخص کے خلاف گواہی دے گا

 

اصلی اور نقلی سید کا سب سے بڑا فرق یہ ہے کہ نبی صلی الله علیہ وسلم نے دعا فرمائی: اے الله آل محمد کو صرف اتنا رزق عطا فرما کہ ان کے جسم و جاں کا رشتہ برقرار رہ سکے

 

لوگ کئی طرح کے ہوتے ہیں، کچھ پیسے کے مالدار ، کچھ دل کے مالدار، اسی طرح کچھ پیسے کے کنجوس اور کچھ دل کے کنجوس. میرے نبی صلی الله علیہ وسلم نے کیا ہی پیاری بات فرمائی:
مال داری ، ساز و سامان کی کثرت سے حاصل نہیں ہوتی بلکہ مال تو اصل نفس کی مال داری ( قناعت) ہے.
صحیح بخاری 6446

 

نصرالباری بهائ کیا یہ کسی حدیث میں ہے

 

متفق علیہ روایت ہے.
بخاری 6460, مسلم 1055

 

بارك الله فيك اخي

 

ہماری زندگی کے معیار ہی بدل چکے ہیں، دنیا داروں اور مالداروں کی عـزت کی جاتی ہے اور اہل علم کو جوتے کی خاک کے برابر بھی نہیں سمجھا جاتا جب کہ پیارے نبی صلی الله علیہ وسلم نے فرمایا:
سن لو! دنیا اور جو کچھ اس میں ہے سب ملعون ہیں. ہاں البتہ الله کا ذکر، الله کے پسندیدہ اعمال اور عالم و متعلم اس سے مستثنیٰ ہیں (ترمذی و ابن ماجہ)

پھر کیا کہنے ہماری عقل مندی کے کہ لعنت زدہ چیزوں کے پیچھے بھاگ رہے ہیں اور علم سے دور ہوتے جا رہے ہیں.

 

کسی کے دل کو چیر کر اس کا موقف جاننا ناممکن ہے پھر بھی ہم اپنے اندازوں پر لوگوں کے بارے میں رائے قائم کر لیتے ہیں اور یہ رائے اکثر بدظنی پر ہی مشتمل ہوتی ہے. جب کہ رسول الله صلی الله علیہ وسلم نے فرمایا:

حسن ظن، حسن عبادت میں سے ہے.
ابوداؤد 4992

 

ہم انتہا کی حد تک خود غرض ہو چکے ہیں ـ کسی کے ساتھ کوئی بھی معامله کرنے سے پہلے یہ سوچتے ہیں کہ ہمیں اس کا کیا فائدہ ہو گا اور یہ فائدہ دنیا کا فائدہ ہی سمجھا جاتا ہے. یہی وجہ ہے کہ کسی کو گناہ یا غلط کام کرتے دیکھ کر بھی نہیں روکتے کہ اس کا اپنا معاملہ اور میرا اپنا. دین میں جبر نہیں اس لیے ہر بندہ آزاد جب کہ نبی صلی اللَه علیہ وسلم نے فرمایا:
جب زمین پر گناہ کیا جائے اور وہاں موجود شخص اسے ناپسند کرے تو وہ اس شخص کی مانند ہے جو وہاں موجود نہیں، اور جو شخص وہاں موجود نہ ہو مگر وہ اس پر راضی ہو تو وہ اس شخص کی مانند ہے جو وہاں موجود ہو.

سنن ابن داؤد 4345

 

دوست کسے بنایا جائے، ایک اہم سوال مگر لوگ دوست بناتے اور مجلسیں لگاتے اس پہلو کا چنداں خیال نہیں کرتے
جب کہ نبی صلی الله علیہ وسلم نے فرمایا:
تم صرف کسی مؤمن شخص کی ہم نشینی اختیار کرو اور تمہارا کھانا صرف متقی شخص ہی کھائے
ترمذی 2395، ابو داؤد 4832