وہ میرا نام اچھی طرح جانتا ہے

بنت امجد نے 'تاریخ اسلام / اسلامی واقعات' میں ‏مارچ 30, 2015 کو نیا موضوع شروع کیا

Tags:
  1. بنت امجد

    بنت امجد -: ممتاز :-

    شمولیت:
    ‏فروری 6, 2013
    پیغامات:
    1,568
    بسم اللہ الرحمن الرحیم​

    وہ میرا نام اچھی طرح جانتا ہے

    بعض قصے بہت شاندار اور دلفریب اور ہوتے ہیں ۔ تاریخ اسلامی ایثار و بے نفسی کی ایسی لازوال داستانوں کو اپنے دامن میں سمیٹے ہوئے ہے ۔ آیئے ایک ایسے ہی قصے پر نظر ڈالتے ہیں ۔ مسلمانوں میں مساجد کی تعمیر کا ذوق و شوق ہر دور میں موجود رہا ہے ۔ ایک اسلامی معاشرے میں ہر بستی کے مکینوں کی یہ بنیادی ذمہ داری ہے کہ وہ اپنی نمازوں کی ادائیگی اور دیگر فلاحی امور کی تکمیل کے لیے اپنی آبادی میں مسجد تعمیر کریں ۔ دمشق کے ایک محلہ ‘‘ مہاجرین ’’ کے مکین بھی ایک دفعہ اپنی اس ذمہ داری کو پورا کرنے کے لیے مسجد تعمیر کر رہے تھے ۔ اس کارخیر میں حصہ لینے کے لیے لوگ دور دور سے عطیات لے کر آرہے تھے ۔ عطیہ پیش کرتے وقت یہ فرمان رسول صلی اللہ علیہ وسلم ان کے پیش نظر رہتا تھا :

    " جو کوئی اللہ کے لیے مسجد بنائے گا اللہ تعالی اس کے لیے جنت میں ویسا ہی گھر تیار کرے گا"

    ایک خاتون بھی تعمیر مسجد میں حصہ لینے کے لیے اپنا عطیہ لے کر حاضر ہوئی ۔ اس کے ہاتھ میں ایک تھیلی تھی ۔جس میں سونے کی پچاس اشرفیاں تھیں ۔ اہل محلہ میں سے کوئی بھی اسے نہیں جانتا تھا ۔ خاتون نے تھیلی مسجد بنانے والوں کے حوالے کی اور جلدی سے واپسی کے لیے چل دی ۔ انہوں نے آواز دی : محترمہ ! اپنا نام تو بتا دیں تا کہ آپ کے نام کی رسید کاٹی جا سکے ، مگر خاتون کو نبی کریم صلی اللہ علیہ وسلم کا وہ فرمان یاد تھا ۔

    " یعنی سات قسم کے لوگوں کو اللہ تعالی روز قیامت اپنے عرش کے سایہ میں جگہ عطا فرمائے گا ۔۔۔۔ نبی کریم صلی اللہ علیہ وسلم نے ان لوگوں میں ایسے شخص کا بھی ذکر فرمایا کہ جو اللہ کو راضی کرنے کے لیے کوئی صدقہ کرے اور اسے لوگوں سے اس قدر خفیہ رکھے کہ بائیں ہاتھ تک کو پتہ نہ چلے کہ دائیں ہاتھ نے اللہ کی راہ میں کیا خرچ کیا ہے ۔"

    چنانچہ خاتون نے کہا : میں جس کی خاطر یہ رقم دے رہی ہوں اسے میرا نام اچھی طرح معلوم ہے ۔ مجھے کسی رسید کی ضرورت نہیں ۔ یہ کہا اور نظروں سے اوجھل ہو گئی ۔

    سنہری کرنیں
    عبد المالک مجاہد​
     
    • پسندیدہ پسندیدہ x 8
  2. بابر تنویر

    بابر تنویر -: ممتاز :-

    شمولیت:
    ‏دسمبر 20, 2010
    پیغامات:
    7,318
    جزاکِ الله خيرا
     
    • پسندیدہ پسندیدہ x 1
  3. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,485
    جزاک اللہ خیرا بے شک۔
     
    • پسندیدہ پسندیدہ x 1
  4. رفی

    رفی -: ممتاز :-

    شمولیت:
    ‏اگست 8, 2007
    پیغامات:
    12,397
    جزاک اللہ خیرا
     
    • پسندیدہ پسندیدہ x 1
Loading...

اردو مجلس کو دوسروں تک پہنچائیں