عشرہ مبشرہ نے ناں

حمد ثنا سب اللہ تائیں جس دی شان نرالی
ولی پیغمبر جن جناور سب مخلوق سوالی

نبی محمد ص مرسل عالی سب تو آخر آئے
کرکر وعظاں مکے اندر ساتھی کئی بنانے

صدیق عمر عثمان علی نو شان دتی رب سائیں
ایہناں جیا کوئی ہور نہ ہو سی روز قیامت تائیں

طلحہ زبیر بھی جنتی پکے عبدالرحمن پیارا
سعد بن ابی وقاص وی جنتی سعد بن زید سہارا

ابو عبیدہ بن جراح وی جنتی ایہہ دس بڑے پیارے
عشرہ مُبشرہ ایہناں تائیں آکھیا نبی سہارے

ابوبکر دا پہلا نمبر لقب صدیق ہے پایا
ہجر کیتی نال نبی دے غاروں سپ لڑوایا

سفر خضر وِچ ساتھی پکا کیتی تابعداری
مالوں جانوں فرق نہ کیتا گزری عمر ہے ساری