عبداللہ امانت محمدی کے اقوال پہلی قسط

سائنس کا علم اللہ تعالیٰ کا بہت بڑا فضل ہے کیونکہ اس سے ’’ اصل علم ‘‘ ، کو پھیلانا آسان ہے ۔

ہم مرنے پر اللہ کا حکم مان لیتے ہیں لیکن زندگی بھر نہیں مانتے ۔

اسلام کو سمجھنے کے لیے کتاب و سنت کی وادی کی سیاحت ضروری ہے ۔

شرمندگی سے بچنا چاہتے ہو تو : ’’ اپنا ظاہر و باطن یکساں کر لو ۔ ‘‘

برے رستے کی منزل اچھی نہیں ہوتی ۔

ایک خرابی کئی خرابیوں کو جنم دیتی ہے ۔

مظلوم کی ھا ، تباہ کر دیتی ہے ۔

محاسبہ کرو کہ تمہاری جدوجہد رحمٰن کے لیے ہیں یا شیطان کے لیے ۔

بے حس شخص مردہ آدمی کے برابر ہے۔

ہماری قوم کے دل میں اللہ کے ڈر سے زیادہ لوگوں کا خوف ہے ۔

کسی کی چھوٹی غلطی کی بنا پر اس کی بڑی اچھائی کو نہ بھولو!

اچھے ساتھیوں کی پہچان مشکل کے وقت ہوتی ہے ۔

والدین جو مجھے کھانا کھلاتے ہیں تو میں ان کا فرض نہیں بلکہ احسان سمجھتا ہوں۔

ہم حکمران تو بننا چاہتے ہیں لیکن ذمہ دار نہیں اور ہم مالدار تو بننا چاہتے ہیں لیکن محنتی نہیں ۔

جس طرح نئے درخت لگانے کے ساتھ ساتھ پرانے درختوں کی دیکھ بال ضروری ہے اسطرح غیر مسلموں کو دعوت دینے کے ساتھ ساتھ مسلمانوں کی اصلاح بھی ضروری ہے ۔

عزت دار بننے کا طریقہ :"کسی کو نادم کرنا نہیں بلکہ عزت دینا ہے ۔"

بڑوں کا ادب بڑا بنا دیتا ہے ۔

اچھے لوگوں کو اکثر اچھے لوگ ہی ملتے ہیں۔

اپنے علم کو زندہ رکھنے کا سب سے آسان طریقہ یہ ہے کہ :"تم اس پر عمل کرو اور دوسروں تک پہنچاؤ ۔"

تقوی شخص کو حیوان سے انسان بنا دیتا ہے ۔

اکثر لوگوں کو یہ سمجھ آ جاتا ہے کہ :" کوئی کیا کہنا چاہتا ہے "، لیکن اکثر لوگوں کو یہ سمجھ نہیں آتا کہ :"اللہ تعالیٰ کیا کہہ رہے ہیں ۔"

ہم عبادت کے لئے بنائے گئے ہیں شرارت کے لئے نہیں ۔

جو قرابت داروں کا خیر خواہ ہے وہ پوری دنیا کا خیر خواہ ہے ۔

یہ نہ کہو :"اللہ نہ کرے "، بلکہ کہو :"اللہ محفوظ فرمائے "۔ کیونکہ اللہ پاک ہمیشہ اچھا ہی کرتا ہے اور پریشانیاں تو ہمارے ہی ہاتھوں کی کمائی ہیں ۔

اگر حکمران قرآن و حدیث کے مطابق فیصلے کریں تو ملک سے بدامنی ، افراتفری اور بے چینی جڑ سے ختم ہو جائے۔

 

میرے خیال میں لوگوں کو سمجھ آ جاتا ہے مگر جان بوجھ کر انجان بنے رہتے ہیں.

بہر حال. اچھی محنت ہے

Sent from my H30-U10 using Tapatalk

 

میرے خیال سے آپ نے اس قول پر تبصرہ کیا ہے کہ:"اکثر لوگوں کو یہ سمجھ آ جاتا ہے کہ :" کوئی کیا کہنا چاہتا ہے "، لیکن اکثر لوگوں کو یہ سمجھ نہیں آتا کہ :"اللہ تعالیٰ کیا کہہ رہے ہیں ۔" اس کا مفہوم یہی ہے جو آپ کہہ رہے ہیں کہ لوگوں کی سب پتہ ہے لیکن جان بوجھ انجان بنے ہوئے ہیں۔

جزاک اللہ خیرا

 

دوسری قسط لنک: http://www.urdumajlis.net/threads/عبداللہ-امانت-محمدی-کے-اقوال-دوسری-قسط.37238/#post-489238
تیسری قسط لنک: http://www.urdumajlis.net/threads/عبداللہ-امانت-محمدی-کے-اقوال-تیسری-قسط.37239/#post-489239

 

بے شک اللہ ہمیشہ اچھا ہی کرتا ہے، اور کون ہے جو اسے کچھ کرنے سے روک سکے، یہ ایک زبان زد عام غلطی ہے جس کی جانب کم لوگ توجہ دیتے ہیں، جزاک اللہ خیرا۔
عمدہ سلسلہ ہے جاری رکھیے۔

 

حوصلہ افزائی کے لیے جزاک اللہ خیرا

 

بہت خوب۔ جزاک اللہ خیرا

 

ماشاءاللہ بھت اچھے اقوال ہیں لگتا ہے کافی فرصت میں کافی محنت اور سوچ بچار سے کام لیا ہے..
اللہ ایسی بصیرت سب کو عطا فرمائیں.

Sent from my ALE-L21 using Tapatalk

 

جزاک اللہ خیرا

آمین