کینیڈا کے شہر فورٹ مک میرے میں آگ

البرٹا، فورٹ مک میرے کے جنگلات میں لگی خوفناک آگ شہر کے اندر داخل ہو چکی ہے ۔ اور حالیہ اطلاعات کے مطابق پورے شہر جس کی کل تعداد ستر ہزار کے قریب ہے ان سب کو شہر خالی کرنے کا حکم دیا گیا ہے۔ اب تک اس آگ سے بہت ساری عمارتیں جن میں مکانات ہوٹل ، آفس وغیرہ شامل ہیں تباہ ہو چکے ہیں ۔ ہائی وے سے گزرتے ہوئے افراد گیس سٹیشنز میں ہوتے ہوئے دھمکاوں کی آواز سن سکتے ہیں ۔ آگ لگنے کی صحیح وجہ معلوم نہیں کی جا سکی ۔ لیکن یہ البرٹا کی تاریخ میں لگنے والی سب سے خوفناک آگ ہے جس میں ہزاروں لوگو ں کو شہرخالی کرنے کا کہا گیا ہے۔اس سے پہلے 2011 میں سلیو لیک میں لگنے والی آگ میں 9 ہزار لوگوں کو شہر چھوڑنا پرا تھا۔ آگ کی وجہ سے درجہ حرارت 32 C پہنچ چکا ہے اور امکان ظاہر کیا جا رہا ہے کہ کل کا دن مزید بھاری ہو گا کہ ہوا کی رفتار 25 سے 50 کلومیٹر فی گھنٹہ رہے گی۔ جو کہ اس صورتحال میں مزید خطرے کا باعث ہے ۔
ہائی وے پر اس وقت شدید رش دیکھا جا سکتا ہے ۔ لوگ شدید مشکلات کا شکار ہیں ۔ ہائی وے پر رکی ہوئی گاڑیاں بھی دیکھی جا سکتی ہیں جو گیس ختم ہونے کے باعث اپنی گاڑیں سڑک کنارے روکنے پر مجبور ہیں۔امدادی کاروائیاں بھی شدت سے جاری ہیں اور گورنمنٹ کی کوشش ہے کہ بے گھر ہوئے افرادکو آج کی رات گزارنے کے لیے مناسب بندوبست کر سکیں ۔

 

استغفراللہ.
اللھم لاتقتلنا بغضبک ولا تھلکنا بعذابک وعافنا قبل ذلک.

Sent from my ALE-L21 using Tapatalk

 

فورٹ مک میرے کا ایک نقشہ جس میں اب تک کے جو علاقے آگ سے متاثر ہوئے ہیں ان کا تجزیہ کیا گیا ہے ۔



بیکن ہل -Beacon Hill جہاں پر اسی فیصد مکانات تباہ ہو چکے ہیں اسکی ایک تصویر

 

البرٹا کے اندر ایمرجینسی نافذ کر دی گئی ہے ۔ آگ اتنی تیزی سے پھیل رہی ہے کہ فورٹ مک میرے کے ارد گرد کی آبادیوں کو بھی خالی کرنے کا حکم دے دیا گیا ہے ۔ امکان ظاہر کیا جا رہا ہے کہ اس آگ کو بجھانے میں 3-4 دن لگ جائیں گے۔اب تک اس آگ سے 1،600 عمارتیں جل چکی ہیں ۔

 

اب تو اس کے دوسرے شہروں میں بھی پھیلنے کا خطرہ ہے

 

جی یہ تو پہلے دن ہی آگ بجھانے والے اداروں کی طرف سے اعلان آ گیا تھا کہ یہ آگ انسانی قوت کے بس کی بات نہیں ۔ اسے بجھانے کے لیے تیز بارش کا ہونا ضروری ہے۔ لیکن درجہ حرارت کافی گر گیا ہے اور آگ بجھانے والے ادارے اب کہہ رہے ہیں کہ آگ پر قابو پایا جا سکتا ہے۔

پہلے تو کافی خطرہ تھا ۔ کہ البرٹا کےساتھ سیسکیچوان کی سٹیٹ لگتی ہے تو شاید وہاں پھیل جائے لیکن ابھی جو خبریں آ رہی ہیں اس کے مطابق آگ اتنی تیزی سے نہیں پھیلی جتنا خدشہ تھا ۔ تو اب اسے قابو کر لیں ۔ دیکھیں آج کیا صورتحال رہتی ہے۔

 

آگ کی وجہ سے تو کوئی جانی نقصان نہیں ہوا ۔ لیکن شہر چھوڑنے کے دوران ہائی وے پر گاڑیوں کے کافی حادثات ہوئے ہیں اور جن کی وجہ سے دو افراد جاں بحق ہوئے۔

http://edmontonjournal.com/news/loc...retch-more-than-2000-square-kilometres-sunday