کیافوم کے گدے پر نماز پڑھنا جائز ہے؟

فوم کے گدے پہ نماز پڑھی جا سکتی ہے۔
سیدنا انس بن مالک رضی اللہ عنہ فرماتے ہیں :
«كُنَّا نُصَلِّي مَعَ النَّبِيِّ صَلَّى اللهُ عَلَيْهِ وَسَلَّمَ، فَيَضَعُ أَحَدُنَا طَرَفَ الثَّوْبِ مِنْ شِدَّة الحَرِّ فِي مَكَانِ السُّجُودِ»
ہم رسول اللہﷺ کے ساتھ نماز پڑھتے تو ہم میں سے ہر آدمی گرمی سے بچنے کے لیے اپنے کپڑے کے دامن پر سجدہ کرتا۔

صحيح البخاري: 385​

 

گھاس پہ سجدہ کرنے سے بھی چہرہ اندر دھنس جاتا ہے۔ اس لیے آپ بے فکر رہیں۔
مجھے معلوم ہے کہ بعض علماء ایسے نرم گدے وغیرہ پہ سجدہ کرنے کو درست نہیں سمجھتے جس میں چہرہ دھنس جائے۔ لیکن یہ لوگ بھی دو اقوال پہ اختلاف رکھتے ہیں
پہلا قول یہ ہے کہ چہرہ مکمل طور پہ دھنس جائے حتى کہ آنکھیں کچھ دیکھ نہ سکیں یہ کھلی ہی نہ رہ سکیں تو ممنوع ہوگا
دوسرا قول یہ ہے کہ معمولی سا بھی دھنس جائے تو نماز نہیں ہوگی۔
جبکہ جو حدیث میں نے اوپر پیش کی ہے اس میں سجدہ والی جگہ پہ کپڑے کا دامن رکھنے کا تذکرہ ہے۔ اور یہ پگڑی کے کپڑے کی ایک جانب سجد ہ کے وقت زمین پہ رکھنا ہے۔ جیسا کہ کتب فقہ میں بھی اس بات پہ بحث موجود ہے 'ويجوز له أن يسجد على كور عمامته' اور اسکے لیے جائز ہے کہ وہ اپنی پگڑی کے شملہ پہ سجدہ کرے۔ اس میں بھی جب یہ کپڑے کی متعدد تہیں ہوں اور بے ترتیبی ہوں تو چہرہ چھپ جاتا ہے۔