ابوجند ل رضی اﷲ عنہ کفار مکہ کی قید میں

بسم اللہ الرحمن الرحیم
نحمدہ ونصلی علی رسولہ الکریم

ابوجند ل رضی اﷲ عنہ کفار مکہ کی قید میں
​

حضرت ابوجندل رضی اﷲ عنہ مکہ میں مسلمان ہوگئے تھے. قریش نے انہیں قید کر رکھا تھا. صلح حدیبیہ کے موقع پر وہ موقع پا کر زنجیروں سمیت ہی بھاگ کر لشکر اسلامی میں پہنچ گیا. سہیل جو کہ قریش کا وکیل تھا اس نے کہا : اے محمد(صلی اﷲ علیہ وسلم) ! معاہدے کے مطابق ابوجندل کو ہمارے حوالے کیا جائے . نبی کریم صلی اﷲ علیہ وسلم نے فرمایا کہ جب تک عہد نامہ مکمل نہ ہوجائے اس کی شرائط پر عمل نہیں ہوسکتا.
سہیل نے بگڑ کر کہا کہ تب ہم صلح ہی نہیں کرتے. نبی صلی اﷲ علیہ وسلم نے حکم دیا اور ابوجندل قریش کے سپرد کردیئے گئے . قریش نے مسلمانوں کے کیمپ میںاس کی مشکیں باندیں ، پاؤں میں زنجیر ڈالی اور کشاں کشاں لے گئے. نبی صلی اﷲ علیہ وسلم نے جاتے وقت اس قدر فرما دیاتھا کہ ابوجندل ! اﷲ تیری کشائش کے لئے کوئی سبیل نکال دے گا.
ابوجندل رضی اﷲ عنہ کی ذلت اور قریش کا ظلم دیکھ کر مسلمانوں کے اندر جوش اور طیش تو پیدا ہوا مگر نبی صلی اﷲ علیہ وسلم کا حکم سمجھ کر ضبط کرگئے. ابوجندل رضی اﷲ عنہ نے زندان مکہ میں پہنچ کر دین حق کی تبلیغ شروع کردی. جو کوئی اس کی نگرانی پر مامور ہوتا وہ اسے توحید کی خوبیاں سناتے. اﷲ کی عظمت و جلال بیان کرکے ایمان کی ہدایت کرتا. اﷲ کی قدرت کہ ابوجندل رضی اﷲ عنہ اپنے سچے ارادے اور سعی میں کامیاب ہوجاتا اور وہ شخص مسلمان ہوجاتا، قریش اس دوسرے ایمان لانے والے کو بھی قید کردیتے. اب یہ دونوں مل کر تبلیغ کا کام اسی قید خانہ میں کرتے. الغرض اس طرح ایک ابوجندل رضی اﷲ عنہ کے قید ہو کر مکہ پہنچ جانے کا نتیجہ یہ ہوا کہ ایک سال کے اندر قریباً تین سو اشخاص ایمان لے آئے.

(سیرت ابن ہشام)
( ''صحیح اسلامی واقعات ''، صفحہ نمبر 91-90)​

قارئین!! نبی کریم صلی اﷲ علیہ وسلم نے وقتی طور پرابوجندل رضی اﷲ عنہ کو کفار کے حوالے کرنے کا جو فیصلہ کیا تھا بظاہر وہ صحیح نہیں لگتا تھا لیکن اس کا کتنا فائدہ ہوا کہ ابوجندل رضی اﷲ عنہ کی وجہ سے تین سو اشخاص نے اسلام قبول کیا. حقیقت میں نبی کریم صلی اﷲ علیہ وسلم کا ہر بتایا ہوا طریقہ کامیابی کی شاہراہ پر انسان کو چلنے پھرنے کے قابل بنادیتاہے. اﷲ ہمیں اتباع رسول صلی اﷲ علیہ وسلم کی توفیق دے . آمین

 

جزاک اللہ خیر اعجاز بھائی !

ایک گزارش ہے کہ

ہوگئے تھے ۔

انہیں

سناتے ۔۔۔۔۔۔۔۔۔۔۔۔۔۔۔

وغیرہ
میرے خیال میں ایک صحابی کے لیے اس طرح کے الفاظ استعمال کرنا اچھا سا نہیں لگتا ۔

باقی آپ جیسے مناسب سمجھیں ۔

 

حسان بھائی آپ نے بالکل درست فرمایا۔ آپ ابھی چیک کرلیجئے اور ایک گذارش یہ ہے کہ آپ ہمیشہ مجھے مطلع کرتے رہا کریں۔ جزاک اللہ خیر

 

اچھی شئیرنگ۔

 

جزاک اللہ بھائی ۔

 

جزاک اللہ خیر اعجاز بھائی !

 

جزاک اللہ

بہت شُکریہ بھیا

 

https://www.facebook.com/IslamicUrd...8371164924417/713706135390916/?type=1&theater

 

جزاک اللہ خیر

 

جزاک اللہ خیر اعجاز بھائی !