قرآن ریڈیو سنتے سنتے 5 سالہ نابینا بچے نے قرآن مجید حفظ کر لیا

سعودی قرآن ریڈیو 24 گھنٹے مسلسل قرآنی تلاوت نشر کرنے کے لیے مشہور ہے جس کے کچھ اچھے پروگرامز کا تذکرہ پہلے بھی اردو مجلس پر ہو چکا ہے۔ حال ہی میں ایک ایمان افروز خبر نظر سے گزری کہ ایک 5 سالہ سعودی نابینا بچے نے 3 سال تک اس ریڈیو کو سنتے سنتے مکمل قرآن مجید حفظ کر لیا۔والد کو بھی اس بات کا تب پتہ چلا جب بچے نے مسجد نبوی جانے کی فرمائش کی تو والد نے کہا کہ پہلے وہ اسے سورہ بقرۃ کی کچھ آیات سنائے، جس پر بچے نے مکمل سورۃ البقرۃ سنا دی۔ بچے کے والد اسے مختلف اساتذہ اور قراء کے پاس لے گئے جنہوں نے تصدیق کی کہ وہ مکمل حفظ کر چکا ہے۔ اس باسعادت بچے کا داخلہ اب مسجد نبوی کے حلقہ قرآن میں ہو چکا ہے جو نابینا افراد کے لیے مخصوص حلقہ ہے۔
حوالہ: http://www.arabnews.com/node/971521/saudi-arabia

 

سبحان اللہ! وہ ذات باری تعالی جس پر بھی مہربان جاۓ۔
کیا سعادت ہے اس بچے کی اور کتنے خوش قسمت ہیں اس کے والدین۔ اللہ اس بچے کو دین اسلام کا بڑا عالم اور دا‏عی بناۓ آمین!

 

جزاک اللہ خیرا
ریڈیو قرآن میں قرآن کے حوالے سے جو انعامی مسابقات کروائے جاتے ہیں فون پر وہ بہت ہی زبردست ہوتے ہیں۔

 

ماشاءاللہ
بہت پی بڑی سعادت بچے اور اسکے ماں باپ کے لیے.
اللہ بچے کے علم ،عمل،رزق اور عمر میں برکت دے.آمین یا رب العالمین.
اور ایک خاص پوائنٹ کہ گهر میں تلاوت لگتی ہو گی تو ہی بچے کو یہ سعادت نصیب ہوئی والدین واقعی مبارکباد کے مستحق ہیں .
جزاک اللہ خیرا سسٹر عین

 

جی بالکل درست۔ خبر میں ذکر ہے کہ بچے کے والد نے ریڈیو کی فریکوئنسی سیٹ کر کے دی۔