کینسر بیماری نہیں بلکہ ایک کاروبار ہے

السلام علیکم!
کینسر کے بارے میں یہ ایک اور نظریہ سامنے آیا ہے، ہو سکتا ہے یہ بات درست ہو، شئیر کرنے کا شکریہ بھائی۔

کینسر کے بارے میں دو باتیں اور بھی پڑھیں اور سنیں ہیں اس دھاگے کی مناسبت سے شئیر کرتا چلوں۔

1۔شیخ اقبال سلفی جو کہ جن جادو اور نظر بد کے معالج ہیں، بڑے وثوق سے یہ بات کہتے ہیں کہ میری تحقیق کے مطابق کینسر کی بیماری 100 فی صد جناتی ہے اور یہ جنوں کی وجہ سے ہوتی ہے۔

2۔ایک معالج جو کہ حجامہ سے علاج کرتے ہیں وہ cannabis oil یعنی کہ بھنگ کے پودے سے اخذ کردہ تیل کے بہت بڑے وکیل ہیں (یاد رہے کہ بھنگ کے پودے سے خشخاش بھی نکلتی ہے اور کئی منشیات بھی) وہ دعویٰ کرتے ہیں کہ یہ کینسر کا مستند علاج ہے اور کینسر کا علاج ہونے کی وجہ سے ہی اس پر پابندی لگوائی ہوئی ہے فارما سوئیٹیکلز کمپنیوں نے۔ ( ویسے مجھے اس کے نشہ آور ہونے یا نہ ہونے کا پتہ نہیں اور نہ ہی جائز و ناجائز کے بارے میں جانتا ہوں)

3۔ ڈاکٹر خالد غزنوی نے معدہ اور آنتوں کے کینسر کے لیے اپنی کتاب پیٹ کی بیماریاں اور علاج نبوی میں علاج ذکر کیے ہیں جن کا لازمی جزو 'زیتون کا تیل' ہے۔ اور بہت تفصیل سے اس پر ذکر کیے گئے ہیں۔

------------------------------

بہرحال موجودہ میڈیکل سائنس اکثر بیماریوں کےشافی علاج میں ناکام ہی ہے جن میں سے ایک کینسر ہے، ابھی ایک دوست نے بتایا کہ ایک کینسر کے مریض کو ملک کے دو بڑے ہسپتالوں نے جواب دے دیا ہے باوجود کہ ان کا ایک نام ہے، کینسر کے علاج کے سلسلے میں

 

سرطان کی علاج کے لئے ہندوستان میں ۱۹۸۱ سے کئی ریجنل سینٹرز بنی ہوئی ہے۔
ان میں سے ایک سینٹر میں اپنی امی کے علاج کے سلسلے میں تھا صرف اسی ایک سینٹر کے اعدادو شمار سے یہ پتہ چلا کہ پورے مالدیپ کی آبادی سے زیادہ لوگ اس سینٹر میں ایک سال میں آتے ہیں۔ اور جہاں تک مجھے معلوم ہے کہ کینسر ایک حقیقت ہے۔ اور ڈاکٹرز چاہے کافر ہوں یا مسلمان بالکل ایمانداری کے ساتھ لوگوں کا علاج معالجہ کرتے ہیں۔

اور جاننے والے کئی لوگوں کو اللہ کی مرضی سے شفایاب ہوچکے ہیں۔ لیکن اللہ کی مرضی سےمیری امی اسی بیماری میں فوت ہوئی ہیں۔ علاج کے لئے کئی طرح کےطریقہ لوگ اپناتے ہیں۔ اور پاکستان سے ایک حکیم نے مجھے یہ تجویز دی تھی کہ میں یونانی طریقہ علاج اپناؤں۔ لیکن ہم نے عام طریقہ علاج اپنایا۔
اور کچھ لوگ وثوق سے شرعی رقیہ سے علاج ہونے کا دعوی کرتے ہیں۔

 

اور ہمارے آنکھوں کے سامنے والے مرنے والے ایک عیسائی مریض کے بارے میں ان کے بائی سٹینڈر نے جو کہ کسی چرچ کی طرف سے ان کے خدمت کے لئے آئے ہؤے تھے ان کے خیالات بھی کچھ ایسا ہی تھا۔ کہ یہ کوئی بیماری نہیں بلکہ مریض کو کینسر سے زیادہ تکلیف ریڈئیشن اور کیمو سے ہے۔ اور بھی کچھ لوگوں سے ملا جو کچھ اسی طرح کی سوچ رکھتے ہیں کینسر کے بارے میں۔۔۔۔۔

 

بے چارے جن!

 

http://www.australianislamiclibrary.org/tib-and-tib-e-nabvi.html
اس لنک پر ڈاکٹر خالد غزنوی صاحب کی مندرجہ ذیل کتابیں موجود ہیں:
1۔طب نبوی اور جدید سائنس جلد اول
2۔طب نبوی اور جدید سائنس جلد دوم
3۔علاج نبوی اور جدید سائنس پیٹ کی بیماریاں
4۔امراض جلد اور علاج نبوی
5۔دل کی بیماریاں اور علاج نبوی
6-سانس کی بیماریاں اور علاج نبوی

 

بھائی کینسر کو 100 فی صد جناتی یا شیطانی کہنا مبالغہ آرائی تو ہو سکتا ہے لیکن جنات کے اثر سے کسی شخص کو کسی بیماری کا لگ جانا بعید از قیاس نہیں جیسا کہ مرگی کی بیماری کے بارے میں کتاب موجود ہے کہ یہ عضوی بھی ہو سکتی ہے اور 'مس' سے بھی۔رقیہ یا جنات پر کافی کتابیں پڑھنے کے بعد میں اس بات سے متفق ہوں کہ بیماری شیاطین کے اثر سے بھی ہو سکتی ہے۔
اور میری ناقص معلومات کے مطابق ابھی تک کینسر کا مرض لگنے کی وجہ کو میڈیکل سائنس نہیں جان سکی۔

باقی کسی بھی عالم کی ہر بات صیح یا غلط ہو سکتی ہے، اس میں کوئی دو رائے نہیں

 

بذات خود ڈاکٹرز کا کہنا ہے کچھ چیزیں مختلف ٹیسٹوں سے پتہ نہیں لگتا اور کبھی سرجری کے وقت ڈاکٹز کے چیردہ جگہوں سے کچھ نئی دریافت یا تشخیص ہوجاتی ہے۔

یعنی کہ کسی ٹیسٹ سے کچھ دکھائی نہ دے۔ لیکن سرجری کے وقت پتہ چلتا ہے کہ جسم کے کون کونسے اندرونی اعضاء میں کینسر سرایت کر گئی ہوتی ہے۔ اور ڈاکٹرز کا یہ بھی کہنا ہے کہ انہیں بھی حتمی طورپر کچھ کہنا مشکل ہے کہ اس کے وجوہات کیا ہیں۔

 

شیخ کا موقف:

8منٹ سے لے کر12:35 منٹ تک سنیں



اس سے کچھ ملتا جلتا موقف جناب فیض سید صاحب کی زبانی

 

پہلے ویڈیو کی ۷ ویں منٹ میں بیمار ہونے والوں کی کثرت کے بارے میں کہی گئی ہے۔

انڈیا کے ریجنل کینسر سینٹر میں ملنے والے ایک دوسرے فیلڈ کے سپیشلسٹ مسلم ڈاکٹر کا قول اس بارے میں یہاں نقل کرنا چاہتا ہوں۔ ( وہ خود شافعی مذہب کے پیروکار ہیں۔ لیکن ہفتہ وار تبلیغ کے سلسلے میں حضرت نظام الدین دہلی والوں سے بیعت میں ہیں۔ سریلانکا اور انڈیا کے اکثر شوافع تبلیغ میں حنفی حضرات کے شانہ بشانہ دین کی بے لوث خدمت کرتے ہیں۔ )

انہوں نےمجھ سے کہا کیا آپ نے نوٹ کیا ہے کہ آر۔سی۔سی۔والے اس علاقہ میں مسلمانوں کا فیصد کتنا ہے۔ میں نے کہا یقینا ہندؤوں سے کم ہے اور کرسچین بھی مسلمانوں سے کوئی کم نہیں ہے۔ تو انہوں نے یہ کہا کہ آپ دیکھیں گے کہ ہسپتال میں مسلمانوں کی تعداد اور نسبت دوسرے ادیان کے لوگوں سے زیادہ ہے۔ اور کہا کہ یہ اللہ تعالی کی مسلمانوں کا امتحان لینے کا ایک طریقہ ہے اور ساتھ ہی دنیا میں مسلمانوں کی کرتوتوں کی بناپر ان کی پکڑ کا ایک طریقہ ہے۔۔اور امید کرنی چاہئے کہ دنیا میں ملنے والی ان تکالیف کی وجہ سے آخرت میں اللہ کے فضل سے ان افراد کے ساتھ کچھ نرمی کی برتاؤ ہوگی۔ ان شاء اللہ۔

 

مجھے حیرت ہے لوگ کتنے علمی حوالے دے رہے ہیں۔ اب علم ٹی وی اور سوشل میڈیا سے حاصل کیا جائے گا۔ کوئی آیت، کوئ تفسیر، کوئی مفسر، کوئی حدیث، کسی شارح حدیث کا حوالہ ہوتا تو بات بھی تھی۔

 

وٹامن بی 17 نام کا کوئی وٹامن نہیں ہوتا۔ اس سے پتہ چلتا ہے کہ مترجم کو سوچ سمجھ کر تحریر منتخب کرنی چاہیے۔ ابھی ہم مس الجن اور صرع کی بحث ہی سے باہر نہیں آ سکے تو وائٹامنز کو کون پوچھتا ہے۔ مذہب اور سائنس دونوں کا کباڑا کر کے ضرور کینسر کا علاج دریافت ہو جائے گا۔
کیمیو ہو یا کوئی اور علاج کسی پر کام کرتا ہے کسی پر نہیں۔ اس کا دوش ڈاکٹرز کو دینا یا ان کی نیت پر شک کرنا غلط ہے۔ مجھے یقین ہے ڈاکٹرز میں بھی مریض کا درد محسوس کرنے والے انسان ہوتے ہیں۔

جزاک اللہ خیرا بہت متوازن!

 

قیاس کو چھوڑ دیں، مذہب واضح ہے مبہم چیز نہیں ہے کہ ہم کسی چیز کو لے کر جنرلائز کریں اور پھر اوور جنرلائزیشن کرتے جائیں۔ مذہب جن توہمات کو مٹاتا ہے اس طرح ہم انہی توہمات کو زندہ کر رہے ہیں۔تعلیم یافتہ لوگوں کو کم از کم ان چیزوں میں احتیاط برتنی چاہیے۔ ابھی کچھ دن پہلے دماغی بیماریوں کی وجہ حفظ قرآن بھول جانا بتائی گئی۔اب جن کینسر کے ذمہ دار ہو گئے۔ کوئی دلیل نہیں خود سے ہی فتوے دے دیے، بیٹھے بٹھائے ایک سائنسی تحقیق کے برابر دعوی کر دیا۔ کافر دماغی مریضوں میں سے کتنے حافظ قرآن ہوتے ہیں جو بھول چکے ہوتے ہیں؟اگر کوئی صاحب دم جھاڑ کرتے ہیں لیکن کیا وہ شیخ الحدیث ہیں یا شیخ التفسیر ہیں۔ کس مدرسے کے فارغ التحصیل ہیں؟ انہوں نے کس آیت سے یہ نیتجہ نکالا کہ جن کینسر کر سکتے ہیں؟ ان کی تحقیق سے کیا مراد ہے؟ کس لیب میں کتنے مریضوں کے کینسر جنات کی شرارت نکلے؟ تحقیق اگر مذہبی اصولوں پر ہوئی تو مذہبی اصولوں کے مطابق ہونی چاہیے، سائنسی تحقیق ہے تو سائنس کے اصولوں کے مطابق ہونی چاہیے۔ سائنس اور مذہب دونوں سے یکساں سلوک کر کے آپ جو تحقیق کر بھی لیں گے اسے منوائیں گے کہاں؟ عالم جنات میں ہی مانے گا کوئی اسے۔

 

بشکریہ کتاب: سانس کی بیماریاں اور علاج نبوی مصنف: ڈاکٹر خالد غزنوی

باقی باتیں جو میں نے لکھیں جنات اور بیماری کے متعلق ان پر تحقیق مزید کے بعد کچھ لکھوں گا ایک نئے دھاگے میں، اگر کوئی با دلیل بات ملی، ان شاء اللہ