بدھ کے دن دعا کی فضیلت کی کوئی حدیث مستند نہیں

سوشل میڈیا پر جو خرافات اسلامی معلومات کے نام پر گردش میں رہتی ہیں ان میں سے ایک یہ پیغام ہے:
" بدھ کے روز کی فضیلت اور قبولیت دعا
نبی کریم صلی اللہ علیہ وسلم نے مسجد فتح میں پیر، منگل اور بدھ تین دن دعا کی اور بدھ کے دن ظہر اور عصر کے درمیان دعا قبول ہوئی۔"
اس کے بعد بتایا جاتا ہے کہ بعض اکابر بدھ کے دن یہ دعائیں کرتے تھے اور مختلف دعائیں ذکر کی جاتی ہیں۔ مکمل پیغام یہاں دیکھیے۔
اولا: بدھ کے دن کی ایسی کوئی فضیلت مستند نہیں۔ جس حدیث کا ذکر ہے وہ بہت زیادہ ضعیف ہے جو کسی دینی عمل کی سند نہیں بن سکتی۔ متن کچھ یوں ہے:
عَنْ ‏جَابِرِ بْنِ عَبْدِ اللَّهِ رَضِيَ الله عَنْهُ،‏ أَنَّ النَّبِيَّ ‏ ‏صَلَّى اللَّهُ عَلَيْهِ وَسَلَّمَ ‏ ‏دَعَا فِي مَسْجِدِ الْفَتْحِ ثَلَاثًا يَوْمَ ‏ ‏الِاثْنَيْنِ وَيَوْمَ الثُّلَاثَاءِ وَيَوْمَ الْأَرْبِعَاءِ فَاسْتُجِيبَ لَهُ يَوْمَ الْأَرْبِعَاءِ بَيْنَ الصَّلَاتَيْنِ فَعُرِفَ الْبِشْرُ فِي وَجْهِهِ، ‏ قَالَ ‏ ‏جَابِرٌ: ‏ "‏فَلَمْ يَنْزِلْ بِي أَمْرٌ مُهِمٌّ غَلِيظٌ إِلَّا ‏ ‏تَوَخَّيْتُ ‏ ‏تِلْكَ السَّاعَةَ ‏ ‏فَأَدْعُو فِيهَا فَأَعْرِفُ الْإِجَابَةَ"۔
مزید تفصیل یہاں ملاحظہ ہو: https://islamqa.info/ar/170713
ثانیا: بدھ کی جن خصوصی دعاؤں کا اس پیغام میں ذکر ہے ان کی کوئی سند نہیں۔ محض بعض اکابر کی دعائیں کہہ کر پھیلائی جا رہی ہیں۔
اس لیے اس پیغام کو آگے نہ پھیلانا بہتر ہے۔ اس کی بجائے قرآن و حدیث سے ثابت دعاؤں کو اپنا معمول بنانا چاہیے۔

 

جزاک اللہ خیرا سسٹر۔

 

جزاک اللّہ خیرا سسٹر بہت بہترین تحریر ہے

 

وایاکم۔

 

جزاکم اللہ خیرا، مجھے آج کل ایسے پیغامات واٹس اپ پر چند عرب کولیگز سے مل رہے ہیں جن میں بدھ کے دن ظہر اور عصر کے درمیانی وقت کو دعا کے قبول ہونے کی فضیلت بیان کی جا رہی ہے، عربی میں اسلام کیو اے پر اس کا جواب موجود ہے، آج الحمد للہ گوگل پر اردو میں سرچ کرتے ہوئے اس تھریڈ تک آ پہنچا۔