اردو مجلس کی واپسی

الحمد للہ والصلاۃ والسلام علی رسول اللہ وبعد ، اعوذ باللہ من الشیطن الرجیم بسم اللہ الرحمن الرحیم


معزز قارئین الحمدللہ ہماری رضاکار ٹیم ایک بار پھر نئے حوصلے اور ہمت کے ساتھ آپ کے مقبول فورم اردو مجلس سمیت حاضر ہے۔ بانی اردو مجلس عبدالرحمن ناصر رحمہ اللہ کی وفات کے سبب بعض اہم اکاونٹس تک ہماری ٹیم کی رسائی نہ تھی جس کی وجہ سے سرور ہوسٹنگ کمپنی سے مناسب رابطہ نہ رہ سکا اور ہمیں اچانک مجلس کی بندش کا سامنا کرنا پڑا۔ ٹیم کے تمام رضاکار ارکان نے اس بڑی پریشانی کو جس حوصلے سے سہا اور اپنی ذاتی مصروفیات کے باوجود جس طرح مثبت انداز میں مجلس کی نئے سرے سے تعمیر میں حصہ لیا اس کا اجر صرف اللہ ہی انہیں دے سکتا ہے۔ اس دوران ہمیں ارکان مجلس کی جانب سے محبت بھرے پیغامات اور دعائیں ملتی رہیں، اللہ آپ سب کو اس کا اجر دے ۔ اس وقت ہم نے اردو مجلس کو دوبارہ آپ کے لیے کھول دیا ہے۔ بہت سا کام جاری ہے، جو رفتہ رفتہ ہوتا رہے گا۔ اس سلسلے میں آپ کو تھوڑی سی زحمت کرنا ہو گی کہ آپ کو نئے سرے سے مجلس پر رجسٹر ہونا پڑے گا۔ یعنی جو ارکان پہلے رجسٹر تھے ان کو بھی نیا اکاونٹ بنانا پڑے گا۔ الحمدللہ رب العالمین جس نے ہمیں توفیق دی کہ ہم محدود وسائل اور افرادی قوت کے باوجود ایک بار پھر اردو زبان میں دعوت قرآن و سنت کا سفر جاری رکھنے کے قابل ہوئے۔ ہمیں آپ کی مزید دعائیں اور مخلصانہ تعاون درکار ہے

 

وعلیکم السلام ورحمۃ اللہ وبرکاتہ
الحمدللہ ، اللہم اجرنا فی مصیبتنا واخلف لنا خیرا منہا۔ اللہ آپ سب کی مدد کرے ، مجھے امید ہے کہ ہم مستقل مزاجی سے کام کرتے رہے تو جلد ہر مشکل پر قابو پا لیں گے۔ مجلس کی تعمیر نو میں خاکسار کا تعاون حاضر ہے۔

 

الحمد لله على كل حال

 

بھائ ابو ابراھیم آپ کو مجلس پر دوبارہ خوش آمدید کہتے ہیں۔ امید کرتے ہیں کہ مجلس کو بہتر سے بہتر بنانے میں ہمیں آپ کا تعاون بھی حاصل رہے گا۔

 

اللہ تعالی ٰ اپ سب کی مدد کرے ۔ ویسے اس نئے روپ میں بھی مجلس بہت اچھی لگ رہی ہے اوردعا ہے کہ آہستہ آہستہ آپ لوگ اسے مزید مزین کرتے چلے جائیں ان شاء اللہ

 

ان شاء الله

 

بسم اللہ الرحمن الرحیم

السلام علیکم و رحمۃ اللہ و برکاتہ اردو مجلس

الحمد للہ، تمام اراکین و انتظامیہ کو اردو مجلس کی واپسی مبارک ہو

 

وعلیکم السلام ورحمۃ اللہ وبرکاتہ
الحمد للہ
خیر مبارك شاہ جی

 

السلام علیکم ورحمۃ اللہ وبرکاتہ۔
الحمد للہ، تمام اراکین و انتظامیہ کو اردو مجلس کی واپسی بہت بہت مبارک ہو۔
مجھے جاننا یہ ہے کہ اردومجلس پر ہماری جو پرانی تحریریں تھیں کیا وہ اس فورم پر واپس آسکتی ہیں ؟یاان تک رسائی کا کوئی طریقہ ہے؟
جزاکم اللہ خیرا۔

 

السلام علیکم
مجھے بھی دو دن پہلےہی ابو ابراہیم بھائی سے مجلس کے بارے میں پتہ چلا۔
اللہ تعالی مجلس کے لیے محنت کرنے والے سب ساتھیوں کو اس کا بہترین صلہ دے۔

 

وعلیکم السلام ورحمۃ اللہ وبرکاتہ
جہاں تک مجھے علم ہے سرور کمپنی سے ڈیٹا بیک اپ حاصل کرنے میں اب تک کامیابی نہیں ہو سکی ۔ اگرچہ عبدالرحمن بھائی کے والد محترم اور منتظمین کوشش میں ہیں۔ پبلک فورم پر موجود مواد دوبارہ حاصل کیا جا سکتا ہے، لیکن خاص زمرے مثلا یوم تاسیس کے متعلق زمرہ کا مواد نہیں، اور اردو مجلس کی ٹیم اب اسی کی کوشش کر رہی ہے تا کہ کم از کم میسر صفحات کو ہی محفوظ کر لیا جائے۔
جو ارکان اپنی تحریریں اپنے کمپیوٹر میں سیو کرنے کے عادی نہیں ان کے لیے اپنے پرانے تھریڈز تک رسائی کے لیے کچھ سائٹس مدد گار ثابت ہو سکتی ہیں ۔ مثلا:
http://archive.today/WvwlC
https://web.archive.org/web/2013070....urdumajlis.net/showthread.php?t=10900&page=3
اگر آپ دوسری سائٹس پر کہیں اپنے تھریڈز کا یوآر ایل سمیت حوالہ دے چکے ہیں تو اسے ان سائٹس میں ڈالیے آپ کا تھریڈ مل جائے گا۔

میرا خیال ہے کہ اب ہمیں نئے موضوعات پر کام کرنا چاہیے تا کہ ہم آگے کی طرف بڑھ سکیں، پرانے موضوعات ان شاءاللہ محفوظ کر لیے جانے کے بعد ہمیں ان کو دہرانے کی ضرورت نہیں ہو گی ۔ البتہ جو مفید مستقل سلسلے تھے ان کی اگلی قسط شروع کر لی جائے ۔ چند ماہ تک مستقل مزاجی سے کام کرنے کے بعد ہم مڑ کر دیکھیں گے تو یہ مشکل وقت گزر چکا ہو گا، اردو مجلس کے مخلص اور محنتی ارکان کے لیے یہ کام کچھ مشکل نہیں۔ اللہ سبحانہ و تعالی ہم سب کے وقت میں برکت دے اور ہمیں مل جل کر اس کام کو آگے بڑھانے کی توفیق دے ۔

 

اگر ممکن ہو تو درج ذیل لنک والے موضوع تک رسائی کا طریقہ بتلائیں۔
http://www.vblinks.urdumajlis.net/showthread.php?t=20887

 

http://webcache.googleusercontent.com/search?q=cache:R3MxZ3H6BsEJ:www.vblinks.urdumajlis.net/showthread.php?t=20887 &cd=1&hl=en&ct=clnk&gl=pk&client=firefox-a

امید ہے آپ کے پاس کھل رہا ہو گا۔

 

السلام علیکم و رحمتہ اللہ
آج کافی دنوں کے بعد ساجدبھائی سے اردو مجلس کے بارے میں پتہ چلا. افسوس بھی ہوا کہ پرانی مجلس کا ڈیٹا واپس آنا مشکل ہے. یقینا یہ سات سالوں کی انتظامیہ اور اراکین اردو مجلس کی محنت تھی.
اللہ انتظامیہ و اراکین کو اس بے لوث محنت کا اجر دے . اور نئے سیٹ اپ کو پہلے سے بھی زیادہ کامیاب کرے. آمین
اگر بندہء ناچیز اردو مجلس کے کسی کام آ سکتا ہے تو حاضر ہوں.

 

جزاک اللہ خیرابہن !
بہت بہت شکریہ۔
اچھا کیا یہ ممکن ہے کہ میرے جن موضوعات کا یوآر ایل میرے پاس نہیں ہے ان تک بھی رسائی ہوسکے ؟
یعنی اگر میں صرف مضامین کے عناوین لکھ کر اپنے مضامین واپس پانا چاہوں تو کیا اس کا بھی کوئی طریقہ ہے؟
اگر ہاں تو بڑی مہربانی ہوگی اگر اس کا طریقہ بھی بتلادیا جائے ۔
بارک اللہ فیکم

 

وعلیکم السلام وحمۃ اللہ وبرکاتہ
ساجد بھائی کہاں ہیں ؟

 

وایاک اخی الفاضل ۔
جی یہ تو عام سرچ انجن میں لکھنے سے ممکن ہے ۔ مجلس کا لنک ظاہر ہو تو اس کے نیچے چھوٹا سا تیر ہو گا جس پر کیش cacheلکھا ہو گا اس پر کلک کریں ویب کیش سے تھریڈ مل جائے گا۔
دیر سے جواب کے لیے معذرت ، امید ہے آپ اور دوسرے اہل علم ارکان، زمرہ سوال وجواب اور مجلس علماء کی رونق بحال کرنے میں مدد کریں گے ۔

 

سوال وجواب سیکشن ،اتباع قران وسنت کے تحت ذیلی سیکشن میں ہے۔
میرے خیال سے اسے ذیلی سے ہٹاکر اسے کے لئے ایک علیحدہ سیکشن بنادیں توبہترہوگا۔

 

وہ پہلے بھی ذیلی مجلس تھا۔ نئے زمروں کے متعلق منتظمین اعلی ہی کوئی فیصلہ کر سکتے ہیں۔