نِرالے سوالی !

بسم اللہ الرحمن الرحیم
السلام علیکم ورحمت اللہ وبرکاتہ ​

ارکان مجلس ،
اکثر فورمز میں ایک زمرہ ہوتا ہے سوال وجواب کا ، جس کے قیام کا عمومی مقصد یہ ہوتا ہے کہ ہم اپنی روز مرہ زندگی میں پیش آنے والے مسائل کا، دین اسلام کی روشنی میں، حل جان سکیں ۔

کبھی کبھی اس زمرے میں کچھ ایسے سوالی بھی آ جاتے ہیں ، جو مسائل کا حل نہیں چاہتے بلکہ مسائل کو مزید الجھا الجھا کر پیش کرتے ہیں ۔ ان کو آپ نِرالے سوالی کہہ سکتے ہیں ۔ان کی کراس کوئسچننگ یا سوال در سوال بتاتے ہیں کہ یہ مسئلے کا حل نہیں ، جواب دینے والے کا امتحان اور اپنی قابلیت کی دھاک بٹھانا چاہتے ہیں ۔ ان کا ماٹو ہوتا ہے : " میں نہ مانوں"۔ اگر ،مگر، چونکہ ، چنانچہ سے لیس ۔

اب ان کی بے سرو پا باتوں سے نہ تو دین کو فرق پڑتا ہے، نا جواب دینے والے علماء کو ۔ نِرالے سوالیوں کا اپنا ہی وقت بھی برباد ہوتا ہے اور سنجیدہ لوگوں کو ان کی خوب پہچان بھی ہو جاتی ہے ۔

ایسا ہی ایک نرالا سوالی امام شعبی رحمہ اللہ کے پاس آیا اور وضو کے دوران داڑھی کے خلال کا طریقہ پوچھا ۔
امام شعبی رحمہ اللہ نے ہاتھ سے کر کے بتایا کہ اس طرح کیا کرو ۔
بولا : مگر میری داڑھی تو بہت گھنی ہے ؟
امام شعبی رحمہ اللہ نے فرمایا : تو پھر اسے رات سے پانی میں ڈبو دیا کرو !

تو جناب یہ نِرالے تو ہر دور میں رہے ہیں ، اور نقصان بھی اپنا ہی کر رہے ہیں !

 

وعلکیم السلام ورحمۃ اللہ وبرکاتہ !
واہ بہت خوب ۔
ایک اھم مسئلے کی طرف کیا خوب توجہ دلائی ھے ۔ وہ کیا ھے کہ انسان کی یہ تجسس کی فطرت اسے اگر ،مگر، چونکہ ، چنانچہ کی طرف لگا دیتی ھے ۔ کبھی کبھی اس اگر ،مگر، چونکہ ، چنانچہ کے چکر میں وہ اصل سوال ھی بھول جاتا ھے ۔ :00026:

 

کیا خوب بتایا بہن
ایسے واقعات ہرموضوع پرہر روز پڑھنے ملے تو
کتنا اچھا ہو

 

بالکل الیکس بھائی لطائف علمیہ کا ایک مستقل تھریڈ ہونا چاہئے
سسٹر نے بہت زبردست ٹائپک شیئرکیا ہے

 

مجھے تو گائے کی کہانی یاد آگئی ۔

 

بعض سوالیوں کوکتنا ہی سمجھایا جائے وہ حیران کر دینے والے، غیر ضروری اوٹ پٹانگ سوالوں کا سلسلہ نہیں روکتے اور ان کا جہالت اور بے وقوفی مزید نکھر نکھر کر سامنے آتی چلی جاتی ہے ۔

ایسا ہی ایک سوالی ایک روز امام شعبی رحمہ اللہ کے پاس آیا ۔ وہ کھڑے کسی بڑھیا کی بات سُن رہے تھے ۔

نرالے سوالی نے آؤ دیکھا نہ تاؤ ، آتے ہی سوال جَڑ دیا : تم دونوں میں سے شعبی کون ہے ؟

امام شعبی رحمہ اللہ نے غور سے سر تا پا اس کا جائزہ لیا ، سمجھ گئے کہ مسکین عقل سے پیدل ہے ۔ بڑھیا کی طرف اشارہ کر کے بولے : یہ ! (ھذہ) ۔

نرالا تو مناظرہ کرنے آیا تھا ، اتنے مختصر جواب سے تسلی کیسے ہوتی ؟

بڑی ذہانت سے بولا : اگر یہ شعبی ہے تو تم کون ہو ؟؟؟

 

rofl): rofl): rofl):

 

نرالے سوالیوں کی ایک اور عادت یہ ہوتی ہے کہ ہر علم اور ہر مہارت (سپیشلائزیشن) میں ٹانگ اڑانا اپنا فرض سمجھتے ہیں ۔ دوسرے علوم کے ماہرین کے متعلق ان کا خیال ہوتا ہے کہ وہ تو گھامڑ ہی ہیں ، ہم دو سوالوں میں ان کو زیر کر لیں گے ۔ دوسرے لفظوں میں ہمچو ما دیگرے نیست ۔

ایسے ہی دو ذہین سوالی پہلی بار ایک کمہار کے پاس گئے ۔ کمہار نے مٹی کے برتن بنا بنا کر دھوپ میں اوندھا رکھے تھے ۔ انہوں نے سادہ لباس میں ملبوس عام سے کمہار پر حقارت بھری نظر ڈالی اور برتنوں کا معائنہ کرنے لگے ۔

پہلا ایک ہنڈیا پر ہاتھ پھیر کر بولا : دیکھو ذرا یہ کمہار کیسا بے وقوف ہے ؟ ہنڈیا کا منہ بنایا ہی نہیں !

دوسرے ذہین سوالی نے ہنڈیا اٹھا کر دیکھی بھالی ۔پھر کمہار سے پوچھا : ارے احمق تم اس کا پیندا بنانا بھی بھول گئے ؟

 

نہیں اس پر شکریہ نہیں
یہ آپ نے لطیفہ اڑایا ہوا ہے کہیں سے
آپ لگتا ہے آج کل سیرت امام شعبی پڑھ رہی ہیں ،تو کیا یہ واقعہ وہیں سے لیا ہوا ہے؟

 

ویسے ہمارے آج کل کے بچے بھی نرالے سوالیوں سے کم نہیں ھے

 

بات ذہنوں کی ہو رہی ہے
بچوں میں بچپنا اور معصومیت ہوتی ہے لیکن بڑوں میں وہ حضرات جو خود کو "بہت کچھ " سمجھتے ہیں اور اس کا اظہار چاہتے ہیں
دراصل یہی لوگ نرالے سوالیوں کے زمرے میں آتےہیں

 

بالکل ٹھیک ۔ بہت کچھ مگر کچھ نہیں ۔ خالی برتن کی طرح بس شور

 

اے اللہ ہمیں فضول سوالوں سے بچا !

 

آمین

 

بعض لوگوں کو سوال در سوال کی عادت ہوتی ہے پہلے سوال کا پورا جواب سنتے نہیں کہ اگلا داغ دیتے ہیں ، ایسے مواقع پر اپنا مورال بڑھانے کے لیے مجھے امام شعبی ہی یاد آتے ہیں ۔۔۔۔
ایک بار امام شعبی بتا رہے تھے کہ یہ روایت جھوٹی {موضوع} ہے کہ : سحری ضرور کرو چاہے ایک انگلی مٹی میں ڈال کر چاٹ لو۔ حاضرین میں سے ایک "عقل مند" نے بات کاٹ کر سوال کیا کونسی انگلی چاٹیں۔ امام شعبی نے پاؤں کا انگوٹھا دکھا کر کہا: یہ۔

 

لوگ خود سوال کرنے کا سلیقہ سیکھنا نہیں چاہتے ، علما کو جواب کا سلیقہ سکھانا چاہتے ہیں۔ ایسا جواب انہی کو ملتا ہے جو اس کے مستحق ہوتے ہیں ۔
مجھے تو یہ تکبر نہیں لگا، یہ ناخوش گوار صورت حال سے خوش گوار انداز میں نبٹنے کا ایک طریقہ ہے ۔ اچھی بات ہے اگر کسی کی حس مزاح ایسی جگہ کا م آ جاتی ہے ۔

آمین ۔

 

ان سب واقعیات کہ حوالہ جات بھی ساتھ درج کر دیں تو اچھی بات ہے؟

 

دلچسپ!