قلب کالہو جب سے ڈھل رہا ہے آنکھوں میں

قلب کالہو جب سے ڈھل رہا ہے آنکھوں میں​

آئنے کاہرمنظرجل رہا ہے آنکھوں میں​

​

جاگنے کی کوشش میں خواب دیکھنے والا​

جانے کتنی مدت سے چل رہا ہے آنکھوں میں​

​

بغض، دشمنی، نفرت، رنجش اور اندیشہ​

اب تو اس طرح کا پھل پھل رہا ہے آنکھوں میں​

​

روشنی سی پھیلی ہے جسم و جان کی سرحد پر​

یاد کا دیاشاید جل رہاہے آنکھوں میں​

​

پڑ رہی ہے ٹھنڈک سی آنسوؤں کے بہنے سے​

برف کا کوئی ٹکڑا گل رہا ہے آنکھوں میں​

​

وہ سراب کے دلکش منظروں سے گھبرا کر​

ریت پھر سمندر ک مل رہا ہے آنکھوں میں​

​

اب سہیل تم بھی تو اس سے پوچھ کر دیکھو​

کیوں چراغ نفرت کا جل رہا ہے آنکھوں میں​

​

شاعر: سہیل غازی پوری​

 

جزاک اللہ