محمد علی جناح اپنے الفاظ کے آئینہ میں

بسم اللہ الرحمن الرحیم ​

السلام علیکم ورحمت اللہ وبرکاتہ

اس سلسلے میں صرف قائدِ پاکستان محمد علی جناح کے اپنے الفاظ ذکر ہوں گے ۔

 

میری زندگی کی واحد تمنا


میری زندگی کی واحد تمنا یہ ہےکہ مسلمانوں کو آزاد اور سربلند دیکھوں ۔

میں چاہتا ہوں کہ جب مروں تو یہ یقین، اور اطمینان لے کر مروں کہ میرا ضمیر اور میرا خدا گواہی دے رہا ہو کہ جناح نے اسلام سے خیانت اور غداری نہیں کی اور مسلمانوں کی آزادی ، تنظیم اور مدافعت میں اپنا فرض ادا کر دیا ۔

( خطاب آل انڈیا مسلم لیگ کونسل ، 1939ء)

 

مگر کیا موجودہ صورت حال کو دیکھ کر کوئی ۔۔۔۔۔۔۔

 

کیا آپ ہی بی بی سی یا تاریخ میں محمد علی جناح کے نام سے بھی لکھتے رہے ہیں ؟

 

قرآن مجید اور جناح


" وہ کون سا رشتہ ہے جس سے منسلک ہونے سے تمام مسلمان جسدِ واحد کی طرح ہیں ؟

وہ کون سی چٹان ہے ، جس پر ان کی ملت کی عمارت استوار ہے ؟

وہ کون سا لنگر ہے جس سے اس امت کی کشتی محفوظ کر دی گئی ہے ؟

وہ رشتہ، وہ چٹان ، وہ لنگر خدا کی کتاب قرآن مجید ہے !!!

مجھے یقین ہے کہ جوں جوں ہم آگے بڑھتے جائیں گے ، ہم میں زیادہ اتحاد پیدا ہوتا جائے گا ۔۔۔"

(خطاب بہ اجلاس مسلم لیگ ، کراچی ، 1943ء)

 

تجربہ گاہ


" ہم نے پاکستان کا مطالبہ محض زمین کا ایک ٹکڑا حاصل کرنے کے لیے نہیں کیا تھا ، بلکہ ایک ایسی تجربہ گاہ حاصل کرنا ہمارا مفصود تھا جہاں ہم اسلام کے اصولوں کو آزما سکیں ۔"

( خطاب : اسلاميہ كالج پشاور، 13 جنورى ، 1946ء)

 

nice Thanks

 

جزاک اللہ عین

 

نائس شئرنگ

 

مسلمان قومیت کی بنیاد کلمۂ توحید‘

’’پاکستان اسی دن وجود میں آگیا تھا جب ہندوستان میں پہلے ہندو نے اسلام قبول کیا تھا۔ یہ اس زمانے کی بات ہے جب یہاں مسلمانوں کی حکومت قائم نہیں ہوئی تھی۔ مسلمانوں کی قومیت کی بنیاد کلمۂ توحید‘ ہے۔ نہ وطن ہے اور نہ نسل۔ ہندوستان کا پہلا فرد جب مسلمان ہوا تو وہ اپنی پہلی قوم کا فرد نہیں رہا۔ بلکہ وہ ایک جداگانہ قوم کا فرد ہو گیا۔ ہندوستان میں ایک نئی قوم وجود میں آ گئی‘‘۔

(انسائیکلوپیڈیا پاکستانیکا۔ ص 491)8 مارچ 1944ء مسلم یونیورسٹی علی گڑھ کے طلباء سے خطاب،

بشکریہ نوائے وقت ​

 

مسلمان اقلیت نہیں قوم ہیں



’ہم مسلمان اپنی تابندہ تہذیب اور تمدن کے لحاظ سے ایک قوم ہیں۔ زبان اور ادب‘ فنونِ لطیفہ‘ فنِ تعمیرات‘ نام اور نام رکھنے کا طریقہ‘ اقدار اور تناسب کا شعور‘ قانونی اور اخلاقی ضابطے‘ رسوم اور جنتری‘ تاریخ اور روایات‘ رجحانات اور امنگیں… ہر ایک لحاظ سے ہمارا اپنا انفرادی زاویۂ نگاہ اور فلسفۂ حیات ہے۔ بین الاقوامی قانون کی ہر تعریف کے مطابق ہم ایک قوم ہیں‘‘۔

(خط بنام مسٹر موہن داس کرم چندگاندھی۔ 17 ستمبر 1944)

بشکریہ نوائے وقت ​

 

جزاک اللہ خیراً

 

اسلام ہر مسلمان کے لیے ایک ضابطہ

”کوئی شبہ نہیں کہ لوگ ہمارا مدعا پوری طرح نہیں سمجھتے ،جب ہم اسلام کا ذکر کرتے ہیں تو اسلام صرف چند عقیدوں،روایتوں اورروحانی تصورات کا مجموعہ نہیں ۔اسلام ہر مسلمان کے لیے ایک ضابطہ بھی ہے جو اسکی زندگی اور کردار کو سیاست اور معیشیت تک کے معاملات میں انضباط عطا کرتا ہے”

قائد اعظم (کرم حیدری،قائداعظم کا اسلامی کردار،صفحات101,102مکتوبات حرمت راولپنڈی1984ئ)

 

اسلامی حکومت میں اطاعت و وفا کیشی کا مرجع خدا کی ذات

”اسلامی حکومت کے تصور کا یہ امتیاز پیش نظر رکھنا چاہیے کہ اس میں اطاعت و وفا کیشی کا مرجع خدا کی ذات ہے ۔۔۔۔قرآن مجیدکے احکام ہی سیاست و معاشرت میں ہماری آزادی اور پابندی کی حدود متعین کر سکتے ہیں اسلامی حکومت دوسرے الفاظ میں قرآنی اصول و احکام کی حکمرانی ہے۔”

(کرم حیدری،قائداعظم کا اسلامی کردار،صفحہ103)

 

مسلم ليگ كا جھنڈا اسلام كا جھنڈا ہے !

11 جنورى 1938 ء كو ايك جلسہ عام ميں قائد اعظم رحمه اللہ نے مسلم ليگ كا جھنڈا لہراتے ہوئے فرمايا:

" ہم كہتے ہیں كہ یہ جھنڈا ، مسلم ليگ كا جھنڈا اسلام كا جھنڈا ہے !
وہ سمجھتے ہیں ہم سياست ميں مذہب متعارف كروا رہے ہیں ۔۔۔
حقيقت يہ ہے کہ ہمیں اس پر فخر ہے ۔۔۔
اسلام ہميں مكمل ضابطہء حيات ديتا ہے ۔۔۔
يہ صرف مذہب نہیں ۔۔۔
بلكہ .... اس ميں قوانين ، فلسفہ اور سياست سب كچھ ہے !
اس ميں ہر وہ چیز موجود ہے جس سے انسان كا صبح سے شام تك تعلق رہتا ہے ..... "

 

پاکستان کا دستور ؟

میں ان لوگوں کی بات نہیں سمجھتا جو دیدہ دانستہ اور شرارت سے یہ پروپیگنڈا کرتے رہتے ہیں کہ پاکستان کا دستور شریعت کی بنیاد پر نہیں بنایا جائے گا۔ اسلام کے اصول عام زندگی میں آج بھی اسی طرح سے قابل اطلاق ہیں، جس طرح تیرہ سو سال پہلے تھے۔

25 جنوری 1948ءکو کراچی بار ایسوسی ایشن سے خطاب​

 

امرھم شوری بینھم

اسلام کا سبق یہ ہے کہ مملکت کے امور و مسائل کے بارے میں فیصلے باہمی بحث و تمحیص اور مشوروں سے کیا کرو۔

 

جمہوریت

جب آپ جمہوریت کی بات کرتے ہیں تو مجھے شبہ ہوتا ہے کہ آپ نے اسلام کا مطالعہ نہیں کیا ہے۔ ہم نے جمہوریت تیرہ سو سال پہلے سیکھ لی تھی۔

14 جولائی 1947ء نئی دہلی پریس کانفرنس سے خطاب​

 

بہت اچھا سلسلہ ہے

 

جزاک اللہ خیرا سسٹر۔ ان تمام اقتباسات سے دین کے بارے میں محترم قائد محمد علی جناح کا ایک واضح نقطہ نظر ظاہر ہوتا ہے کہ وہ پاکستان کو کس طرح کا نظام دینا چاہتے تھے اور جس پر شائد آج تک کم توجہ دی گئی ہے۔ یا پھر ہم نے ان کے اس پیغام کو بھلا دیا اور دوسری راہوں پر نکل گئے۔
شیئرنگ کا شکریہ