خیبر میں یہود کے دیئے ہوئے زہر آلود کھانے کا طریقہ علاج نبوی

خیبر میں یہود کے دیئے ہوئے زہر آلود کھانے کا طریقہ علاج نبوی​

عبدالرزاق نے معمر سے انہوں نے زہری سے انہوں نے عبدالرحمٰن بن کعب بن مالک سے حدیث روایت کی ہے
کہ ایک یہودی عورت نے خیبر میں نبی اکرم صلی اللہ علیہ وسلم کی خدمت میں ایک بھنی ہوئی بکری بطورِ ہدیہ پیش کی آپ نے اس عورت سے دریافت کیا کہ یہ کیا ہے ؟ اس نے جواب دیا کہ ہدیہ ہے صدقہ نہیں ، کہا کہ صدقہ آپ کھاتے نہیں ، چنانچہ پیغمبرِ خدا صلی اللہ علیہ وسلم نے خود کھایا اور آپ کے صحابہ نے بھی کھایا آپ نے کھاتے وقت ہی صحابہ کرام سے کہا کہ رُکو رُکو پھر عورت سے پوچھا کہ اس بکری کے گوشت میں تو نے زہر ملایا ہے اس نے دریافت کیا کہ آپ کو یہ بات کس نے بتائی ہے آپ نے فرمایا اس ساق کی ہڈی نے جو آپ کے ہاتھ میں تھی اس نے اقرار کرلیا ، آپ نے اس سے پوچھا کہ اچھا کیوں تم نے کیا اس نے کہا کہ میں نے یہ سوچا کہ اگر آپ اپنی نبوت میں جھوٹے ہوں گے تو لوگوں کو آپ سے نجات مل جائے گی اور اگر آپ سچ مچ نبی ہوں گے تو آپ کو اس سے کوئی نقصان نہ ہوگا ۔
صحابی نے بیان کیا کہ آپ نے اپنے شانہ پر تین مرتبہ پچھنا لگوایا اور اپنے اصحاب کو بھی اس کا حکم دیا چنانچہ ان لوگوں نے بھی پچھنا لگوایا مگر ان میں سے کچھ لوگ چل بسے ۔(1)
بحوالہ : طبِ نبوی ، مؤلف الامام شمس الدین محمد بن ابی بکر ابن القیم الجوزیہ ، مترجم حکیم عزیر الرحمٰن اعظمی ، تصحیح وتقدیم مختار احمد ندوی ، ناشر فاروقی کتب خانہ لاہور
---------------------------------------------------------
(1) اس کے تمام راوی ثقہ ہیں اور یہ حدیث "مصنف" میں 19814 میں مذکور ہے ۔ امام بخاری نے اپنی صحیح بخاری میں حدیث ابوہریرہ سے تخریج کی ہے ۔

 

جزاک اللہ خیر ۔پچھنا یعنی حجامہ

 

جزاک اللہ خیرا شداد بھائی۔۔

 

بھائی یہ پچھنا کیا ہوتا ہے۔ اس کی تفصیل بتائیں۔

 

پچھنا کیا ہوتا ہے۔

 

پچھنے لگانے کا بیان - URDU MAJLIS FORUM