ضعیف و موضوع احادیث پر تبصرہ و تحقیق

بسم اللہ الرحمن الرحیم ​

سب تعريفات اللہ رب العالمين كے ليے ہيں، اور ہمارے نبى محمد صلى اللہ عليہ وسلم اور ان كى آل اور ان كے سب صحابہ كرام پر درود و سلام كے بعد :

بعض لوگ اپنے باطل نظریات کیلئے قرآن و سنت میں لفظی و معنوی تحریفات کیساتھ ساتھ بعض موضوع اور ضعیف روایات بھی پیش کرتے ہیں لہٰذا اس مختصر مضمون میں چند ایسی ہی روایات پر تبصرہ و تحقیق پیش خدمت ہے جن سے عامة المسلمین کے شبہ میں پڑنے کا خطرہ ہے وما توفیقی الا باﷲ۔


حدیث نمبر1۔ من صلی عند قبری سمعتہ ۔یعنی جو شخص مجھ پر میری قبر کے پاس درود پڑھے میں اسے سنتا ہوں۔الخ
شعب الایمان للبیہقی ج2 ص18 ح1583، فضائل حج ص901حنفی بہشتی زیور، از عالم فقی بریلوی ص 490وغیرہ

تحقیق : اس روایت کا مرکزی راوی محمد بن مروان السدی ہے (بیہقی ، میزان الاعتدال وغیرہ)
عبداﷲ بن نمیر رحمۃ اﷲ علیہ اور جریر بن عبدالحمید رحمۃا ﷲ علیہ نے کہا: کذاب (یعنی جھوٹا ہے) امام صالح جزرة نے کہا: کان ضعیفا و کان یضع یہ (محمد بن مروان) ضعیف تھا اور (بلکہ)یہ (جھوٹی حدیثیں) گھڑتا تھا
تہذیب التہذیب ص 9ص387

حافظ برہان الدین الحلبی نے ا سکا تذکرہ (الکشف الحثیث عمن رمی بوضع الحدیث) میں کیا ہے ۔(ص404)۔

بعض لوگوں نے اس روایت کی ایک اور سند ابو الشیخ الاصبہانی رحمۃ اﷲ علیہ کی کسی کتاب سے تلاش کی ہے۔ (دیکھئے تسکبن الصدور ص326-327) حالانکہ یہ روایت بھی باطل ہے اس میں ابو الشیخ رحمۃ اﷲ علیہ کے استاد عبدالرحمن بن احمد الاعراج کی عدالت نامعلوم ہے۔(نیز دیکھئے آئینہ تسکین الصدور ص 113)
ان دونوں سندوں میں الاعمش ہیں جو کہ بالاتفاق مدلس ہیں (آئینہ تسکین الصدور ص121) مدلس کی ''عن'' والی روایت ضعیف ہوتی ہے (کتاب الرسالة للشافعی ، عام کتاب اصول حدیث ، خزائن السنن ص1پیغمبر خدا مونح ص322فتاوی رضویہ ج5ص245-266وغیرہ )


حدیث نمبر 2 ۔ اختلاف امتی رحمتی یعنی میری امت کا اختلاف رحمت ہے
الجامع الصغیر وغیرہ

تحقیق :ہمارے علم کے مطابق کسی کتاب میں بھی اس کی کوئی سند موجود نہیں۔ علامہ سبکی رحمۃ اﷲ علیہ فرماتے ہیں مجھے اس کی نہ صحیح سند ملی اور نہ ضعیف اور نہ موضوع! (فیض القدیر للمناوی) علامہ ابن حزم رحمۃ اﷲ علیہ فرماتے ہیں: ''باطل مکذوب'' یعنی روایت باطل اور جھوٹی ہے(الاحکام )


حدیث نمبر3۔ لولاک لما خلقت الافلاک: ''اگر آپ ۖ نہ ہوتے تو میں کائنات پیدا نہ کرتا''۔ موضوعات صنعانی
تحقیق : اس کی کوئی سند بھی ہمارے علم میں نہیں ہے۔ امام صنعانی نے اسے موضوع قرار دیا ہے امام ذیلعی کی (گنجینہ موضوعات) کتاب الفردوس میں بھی روایت(لفظاً یا معناً) نہیں ملی۔ ابن عساکر والی روایت کو ابن جوزی اورسیوطی دونوں نے موضوع قرار دیا ہے۔

حدیث نمبر4۔ [font="al_mushaf"]یاساریة الجبل (الاصباہ وغیرہ)​

ابن عمر سے روایت ہے کہ عمر نے ایک لشکر بھیجا اور اس پر ایک شخص کو امیر بنایا جس کا نام ساریہ تھا آپ خطبہ دے رہے تھے کہ آپ نے پکار کر کہا ساریہ پہاڑ کو لازم پکڑ لشکر سے ایک قاصد آیا کہنے لگا اے امیر المومنین جب ہم دشمن سے ملے تو ہماری شکست ہوئی تو ایک پکارنے والے نے پکارا اے ساریہ پہاڑ کو لازم پکڑ ہم نے اپنی پیٹھیں پہاڑ کی طرف کر لیں تو اﷲ نے ان کو شکست دی روایت کیااس کو بیہقی نے دلائل النبوة میں ۔

تحقیق: اس روایت کی مرکزی سند کاراوی محمد بن عجلان مدلس ہے (طبقات المدلسین لابن حجر وغیرہ) اور ''عن'' سے روایت کر رہا ہے ۔اس کے دیگر جتنے شواہد ہیں سب ضعیف ہیں تفصیلی بحث کے لئے دیکھئے ۔
قبر پرستی ایک حقیقت پسندانہ جائزہ طبع دوم ص 55 از راقم الحروف


حدیث نمبر5۔ الابدال یکونون بالشام ۔
مسند احمد ج1ص112
شریح بن عبید سے روایت ہے کہ اہل شام کا علی رضی اﷲ عنہ کے پاس ذکر کیاگیا اور کہاگیا اے امیر المومنین ان پر لعنت کریں آپ نے فرمایا نہیں میں نے رسول اﷲ ۖ سے سنا ہے فرماتے تھے ابدال اہل شام میں ہوں گے وہ چالیس آدمی ہیں جب بھی ان میں سے کوئی آدمی فوت ہوجاتا ہے اس کی جگہ اور آدمی اﷲ تعالیٰ بدل دیتا ہے ان کی برکت سے بارش برستی ہے ان کی دعاؤں سے دشمنوں پر فتح حاصل کی جاتی ہے اور اہل شام سے ان کی وجہ سے عذاب پھیر دیاجاتا ہے

تحقیق: اسکی سند انقطاع کی وجہ سے ضعیف ہے
(مسند احمد بتحقیق احمد محمد شاکر ج2 ص171 ح869) شریح بن عبید کی جناب علی رضی اﷲ عنہ سے ملاقات ثابت نہیں ہے۔


حدیث نمبر 6۔ ایک روایت ہے کہ سیدنا عبداﷲ بن عمر رضی اﷲ عنہ کا پاؤں سن ہوگیا توآپ نے کہا یا)
محمد ………الادب المفرد للبخاری ح964ص250و فی نسختہ ح968ص324

تحقیق: اس روایت میں دو راوی سفیان (الثوری) اور ابو اسحق (السبیعی) ''عن'' سے روایت کررہے ہیں اور دونوں مدلس ہیں۔
(کتب المدلسین )


حدیث نمبر7۔ یاجابر اول ما خلق اﷲ نور نبیک ۔ اے جابر اﷲ نے سب سے پہلے تیرے نبی کے نور کو پیدا کیا ۔(زرقانی، نشر الطیب وغیرہ )

تحقیق: یہ روایت نہ تو مصنف عبدالرزاق میں موجود ہے اور نہ تفسیر عبدالرزاق میں بلکہ تلاش بسیار کے باوجود ا سکی کوئی سند بھی نہیں ملی صحیح روایت کے بھی خلاف ہے۔ دیکھئے محترم ڈاکٹر ابو جابر عبداﷲ دامانوی حفظہ اﷲ تعالیٰ کی کتاب ''عقیدہ نور من نور اﷲ'' کی شرعی حیثیت قرآن و حدیث کی روشنی میں ص 40 تا 48 اس مفہوم کی ایک مختصر روایت رافضیوں کی اصول کافی جلد نمبر1 ص442 نمبر10 میں ابوجعفر (محمد بن علی بن الحسین، الباقر) سے منقول ہے لیکن یہ سند اہل السنہ اور اہل الرفض دونوں کے نزدیک موضوع ہے۔ محمد بن سنان اور جابر الجعفی کے علاوہ اس کی سند میں المفضل بن صالح (ابو جمیلہ الاسدی) ہے جسے ابن الفضائری (رافضی) وغیرہ نے کذاب یضع الحدیث قرار دیا ہے (تنقیح المقال للمامقانی الرافضی ج3 ص237-238) بلکہ ہاشم معروف (رافضی) نے لکھا ہے کہ ''اتفق المولفون فی احوال لارجالانہ کان کذابا یضع الحدیث''۔ (الموضوعات ص 230 بحوالہ رجال الشیعہ فی المیزان ص 119 الکویت) یعنی اسماء الرجال میں سے (رافضی ) مصنفین کا اتفاق ہے کہ یہ شخص جھوٹا تھا اور احادیث گھڑتا تھا۔


حدیث نمبر8۔ سعید بن عبدالعزیز سے روایت ہے کہ جب حرہ کا واقعہ پیش آیا تو نبی رحمت ۖ کی مسجد میں تین دن اذان اور اقامت نہ کہی گئی اور سعید بن مسیّب کو نماز کا وقت معلوم نہیں ہوتا تھا مگر خفی آواز سے کہ اس حجرہ کے اندر سے سنتے تھے کہ نبی اکرم ۖ کی قبر مبارک وہاں تھی۔
سنن الدارمی ج1 ص44 ح94

تحقیق: اس روایت کے ایک راوی سعید بن عبد العزیز ثقہ ہیں مگر آخر عمر میں اختلاط کا شکار ہو گئے تھے (تہذیب التقریب، و عام کتب الرجال، کتب المختلطین، التلخیص الحبیر ج3 ص180 اسکا کوئی ثبوت نہیں ملا کہ مروان بن محمد نے انکے اختلاط سے پہلے روایت کی ہے۔ دوسرا یہ کہ سعید نے اسکی صراحت بھی بیان نہیں فرمائی کہ سعید بن المسیّب کا یہ واقعہ انہیں کس سند سے معلوم ہوا تھا؟


حدیث نمبر10۔ ابی الجوزاو سے روایت ہے کہ مدینہ میں سخت قحط پڑ گیا پس انہوں نے عائشہ صدیقہ رضی اﷲ عنہا کے پاس شکایت کی عائشہ رضی اﷲ عنہا نے فرمایا تم قبر نبوی اور آسمان کے درمیان روشن دان بناؤ یہاں تک کہ قبر اور آسمان کے درمیان رکاوٹ نہ ہو۔ لوگوں نے ایسا ہی کیا جیسا کہ عائشہ رضی اﷲ عنہا نے فرمایا۔ بہت زیادہ بارش برسائی گئی یہاں تک کہ گھاس اگی اور اونٹ موٹے ہوگئے اور چربی سے پھٹ گئے تو اس سال کا نام فتق رکھا گیا۔

تحقیق: عمرو بن مالک کی بعض محققین نے توثیق کی ہے مگر امام بخاری رحمۃ اﷲ نے اسے ضعیف قرار دیا ہے (تہذیب ج1 ص336) ابو الجوزاء اوس بن عبداﷲ کی ام المومنین سے ملاقات میں اختلاف ہے ا س روایت میں بشرط صحت۔ ا س نے نہیں بتایا کہ اسے یہ روایت کس ذریعہ سے معلوم ہوئی ہے؟ ایسی مشکوک اور منقطع روایت پر قبر پرستی کی بنیاد رکھنا انتہائی مذموم حرکت ہے۔ اعاذنا اﷲ منہ۔


حدیث نمبر 10۔ ایک روایت کا خلاصہ یہ ہے کہ آدم علیہ السلام نے نبی کریم ۖ کے وسیلے سے دعا کی تھی۔
(المستدرک حاکم ج2 ص218)
تحقیق: اسے حافظ ذہبی نے موضوع اور باطل قرار دیا (میزان وغیرہ) اس کے ایک راوی عبد الرحمن بن زید بن اسلم کے بارے میں صاحب مستدرک امام حاکم فرماتے ہیں: روی عن ابیہ احادیث موضوعة الخ (المدخل الی الصحیح ص 154) یعنی اس نے اپنے باپ سے موضوع روایات بیان کی ہیں۔ (جن کی ملامت اسی پر ہے) اس کا شاگرد عبداﷲ بن سلم مجہول (یا) المعجم الصغیر میں مجہول راویوں کے ساتھ اس کی دوسری سند موجود ہے جس کا موضوع ہونا ظاہر ہے۔
(دیکھئے مجمع الزوائد 8 ص253)وغیرہ۔

اﷲ تبارک و تعالیٰ ہمیں کتاب وسنت پر ثابت قدم رکھے اور ہمارا خاتمہ من احب اﷲ و ابغض ﷲ و اعطی ﷲ ومنع ﷲ فقد استکمل الایمان کے مطابق ہو ۔آمین۔

​

[/font]

 

یہ حدیث صحیح ھے علامہ البانی رحمہ اللہ نے اس حدیث کو صحیح قرار دیا ھے
نوٹ: یہ برزخی زندگی کی بات ھے اس لئے دنیاوی زندگی پر اس کا قیاس کر کے کیسے اور کس طرح کا سوال پیدا نہ کیا جائے

 

زمين والي قبر هي برزخ هي
الله تعالى كا فرمان هي : ومن ورائهم برزخ إلى يوم يبعثون
اور ان (كافرون اور دنيا )كي درميان قيامت تك برزخ هي

 

وعلیکم السلام !

بھائی یہ دعوٰی میں نے نہیں کیا ـ بلکہ ہر حدیث کے ضعف و موضوع پر تبصرہ کرتے ہوئے حوالے پیش کیے گئے ـ
اور آپ کا یہ کہنا کہ

اس کے لئے آپ ایک علحدہ تھریڈ کھول لیں جہاں وہ تمام اقوال ذکر کر دیں جن میں ان احادیث کو حسن یا جید کہا گیا ہے ـ شکریہ ـ

 

وعلیکم السلام !
بھائی اس نام کی کتاب میں نے تو نیٹ پر نہیں دیکھی ـ آپ اس کے بارے میں تھوڑی معلومات دیں کہ اس کے مصنف کون ہیں اور کہاں سے چھپی ہے وغیرہ