یہ بات سمجھ میں آئی نہیں

میں کيسے ميٹھی بات کروں
جب میٹھی چیجی کھائی نہیں
آپی بھی پکاتی ہیں حلوہ
وہ آخر کیوں حلوائی نہیں ؟
بھیا کی جو منگنی ہو گئی کل
کیوں کل ہی دلہن آئی نہیں ؟

یہ بات سمجھ میں آئی نہیں !

کیوں لمبے بال ہیں بھالو کے
کیوں اس نے ٹنڈ کرائی نہیں ؟
کیا وہ بھی گندا بچہ ہے
یا اس کے ابو بھائی نہیں ؟
یا اس کا ہئیر اسٹائل ہے
یا جنگل میں کوئی نائی نہیں ؟

یہ بات سمجھ میں آئی نہیں !

جو تارے جھلمل کرتے ہیں
کیا ان کی چچی تائی نہیں ؟
ہوگا کوئی رشتہ سورج سے
یہ بات ہمیں بتلائی نہیں
یہ چندا کیسا ماموں ہے ؟
جب امی کا وہ بھائی نہیں !

یہ بات سمجھ میں آئی نہیں !​

شاعر نامعلوم ​

 

:00032:

 

خوبصورت نظم۔۔۔۔۔۔۔۔۔۔۔۔۔خاص طور پر بچوں کے لئے۔
نائیس شئیرنگ
کیر آن

 

بہت خوب !

 

معصوم بچپن اور معصوم سوال !

 

میں کيسے ميٹھی بات کروں
جب میٹھی چیجی کھائی نہیں

مگر یہ شعر تو کسی بڑے کا ہو سکتا ہے، کیونکہ بچے تو کرتے ہی میٹھی باتیں‌ ہیں، البتہ بڑے میٹھے بول صرف میٹھی چیجی کی خاطر ہی بولتے ہیں، ورنہ تم کون اور میں‌ کون!

 

بہت خوب

 

بہت خوب عین

 

اچھا نکتہ ہے ۔ کسی مطلبی بڑے کا بچہ ہو گا ۔ جینز میں ہی مطلبیت ٹریول کر رہی ہو گی ۔

 

گریٹ شیئرنگ ، ، ،

 

آپ سب کا بہت شکریہ جناب

 

عین سسٹر اگر میں‌کچھ دن پہلے آنلائن آتا تو یہ میں‌شیئر کرنے والا تھا لیکن میری سسٹر نے شیئر کر دی تو اور بھی اچھی بات ہے

 

:00003: گریٹ۔۔۔۔۔۔:00032:

 

یہ بات سمجھ میں آئی نہیں


یہ بات سمجھ میں آئی نہیں ۔ اور امی نے سمجھائی نہیں
میں کیسے میٹھی بات کروں۔ جب میٹھی چیز کھائی نہیں
آپا بھی پکاتی ہیں حلوہ ۔ وہ آخر کیوں حلوائی نہیں
بھیا کی منگنی ہو گئی ہے کل۔ کیوں کل ہی دلہن منگوائی نہیں
یہ بات سمجھ میں آئی نہیں

نانی کے میاں جب نانا ہیں۔ دادی کے میاں جب دادا ہیں
تب آپی سے میں نے پوچھا۔ باجی کے میاں کیا باجا ہیں
وہ ہنس ہنس کر یوں کہنے لگیں۔ اے بھائی نیں یوں بھائی نیں
یہ بات سمجھ میں آئی نہیں



جب نیا مہینہ آتا ہے۔ بجلی کا بل آ جاتا ہے
حالانکہ بادل بیچارا یہ بجلی مفت لٹاتا ہے
پھر ہم نے اپنے گھر بجلی۔ کیوں بادل سے لگوائی نہیں
یہ بات سمجھ میں آئی نہیں

گر بلی شیر کی خالہ ہے۔ پھر ہم نے اسے کیوں پالا ہے
کیا شیر بہت نالالق ہے خالہ کو مار نکالا ہے
یا جنگل کے راجا کے یہاں۔ کیا ملتی دودھ ملائی نہیں
یہ بات سمجھ میں آئی نہیں

کیوں لمبے بال ہیں بالو کے۔ کیوں اس کی ٹنڈ کرائی نہیں
کیا وہ بھی گندا بچہ ہے۔ یا اس کے ابو بھائی نہیں
یہ اس کا ہیراسٹائل Hear style ہے۔ یا جنگل میں کوئی نائی نہیں
یہ بات سمجھ میں آئی نہیں

جو تارے جگمگ کرتے ہیں۔ کیا ان کی چاچی تائی نہیں
ہو گا کوئی رشتہ سورج سے۔ یہ بات ہمیں بتالائی نہیں
پر چاند کس کا ماموں ہے۔ جب مامی کا کوئی بھائی نہیں
یہ بات سمجھ میں آئی نہیں

یہ بات سمجھ میں آئی نہیں ۔ اور امی نے سمجھائی نہیں
میں کیسے میٹھی بات کروں۔ جب میٹھی چیز کھائی نہیں​

 

بہترین

 

یہ بات سمجھ میں آئی نہیں - URDU MAJLIS FORUM

 

یہ بچوں کی نظم ہے، شاعر احمد حاطب صدیقی ۔ جب میں نے شیئر کی تو شاعر کا نام معلوم نہ تھا، مگر مجلس اطفال میں پوسٹ کی تھی ۔