ریمنڈ ڈیوس کے ہاتھوں ہلاک ہونے والے کی بیوہ قتل

لاہور میں امریکی سی آئی اے کے اہلکار ریمنڈ ڈیوس کے ہاتھوں قتل ہونے والے ایک پاکستانی شہری کی بیوہ اور ان کی والدہ کو ان کے گھر میں فائرنگ کر کے قتل کر دیا گیا ہے۔

پولیس نے مقتولہ کے باپ پر قتل کا شبہ ظاہر کیا ہے تاہم ابھی مقدمہ درج نہیں کیا گیا۔
نامہ نگار عبادالحق کے مطابق پولیس نے زہرہ اور ان کے ماں نیبلہ کی لاشوں کو پوسٹ مارٹم کے لیے بھجوا دیا ہے۔ مقتول فیضان کی بیوہ اپنی ماں کے ہمراہ کچھ عرصے قبل ہی نئے گھر میں منتقل ہوئی تھیں۔

پولیس کے مطابق فائرنگ کے اس واقعے میں زہرہ کا سات ماہ کا بچہ محفوظ رہا۔

پولیس کا کہنا ہے کہ متقولہ کا باپ شہزاد بٹ اس واقعہ کے بعد سے غائب ہے اور یہ شک ہے کہ شہزاد بٹ نے اپنی بیوی اور بیٹی کو قتل کیا ہے۔

پولیس کے مطابق شہزاد بٹ کا اپنی بیٹی اور بیوی سے جھگڑا چل رہا کیونکہ متقول فیضان کی ساس نبیلہ اپنی بیوہ بیٹی زہرہ کی دوسری شادی کرانا چاہتی تھی لیکن اس شادی پر فیصان کے سسر یعنی شہزاد بٹ کو اعتراض تھا۔

پولیس کے مطابق ابھی مقدمہ درج نہیں ہوا اور جیسے ہی مقدمے کے اندراج کے لیے انہیں درخواست ملے گی اس وقت مقدمہ درج کر لیا جائے گا۔

ریمنڈ ڈیوس کے ہاتھوں ہلاک ہونے والے دونوں نوجوان فیضان اور فہیم کی بیوائیں ہلاک ہو چکی ہیں۔
‭BBC Urdu‬ - ‮پاکستان‬ - ‮ریمنڈ ڈیوس کے ہاتھوں ہلاک ہونے والے کی بیوہ قتل‬

 

اللہ ہمارے حال پر رحم کرے۔آمین

 

[font="al_mushaf"]انا للہ و انا الیہ رٰجعون[/font]

 

سچ کیا جھوٹ کیا اللہ کے سوا کوئی نہیں‌جانتا
اللہ تعالی ہم سب کے حال پر رحم کرے آمین

 

یہ کیا ہورہا ہے، کچھ سمجھ میں‌نہیں‌آتا۔
ایک طرف ریمنڈ ڈیوس سے ہوا قتل۔
دونوں‌بیوائیں‌ہلاک۔
دوسری طرف دیت کی رقم کا ڈرامہ۔
تیسری طرف یہ معمہ۔
وہاٹ ہیپنڈ آل دس۔؟

 

پاکستان میں سچ کون بتاے گاسچ کیا اللہ کے سوا کوئی نہیں‌جانتا
اللہ تعالی ہم سب کے حال پر رحم کرے آمین ۔

 

جب نا انصافی ہو تو ایسے ہی ہوتا ہے ۔

ریمنڈ ڈیوس نے دیت کی رقم دے کر قتل سے بری ہوا تھا ۔ پر یہ قانون اتنا آسان نہیں جتنا ہم سمجھتے ہیں ۔ بھولے بھالے لوگوں کو بیوقوف بنایا جا رہا ہے کہ وہ دیت کی رقم لے کر آزاد کیا گیا ۔ چارج شیٹ اتنی چھوٹی نہیں ۔ اشخاص کو دیت دی تو وہ ان کی تکلیف کا مداوا ۔ اور جو ریاست کے خلاف جرم اس کا کیا ؟

خیر کہاں لے کر جا رہا ہوں موضوع کو َ،،،

 

انا للہ وانا الیہ راجعون ۔۔۔۔۔۔۔ویسے بھی پاکستان کا کلچر ایسا ھے--- دوسری شادی عذاب بنا دی جاتی ھے عورت کے لیے۔۔۔۔۔اللہ کا لکھا غالب آتا ھے ۔۔اللہ تعا لی سب کے حال پہ رحم فرما ئے-آمین

 

انا للہ وانا الیہ راجعون ۔

 

نہ تو رقم دیت کی رقم کا کوئی ٹھوس ثبوت ملا اور نہ ہی رقم دینے والی ٹیم کا کہ وہ کہاں گئی، اڑتی خبریں آتی رہیں کہ فلاں جگہ عیش سے زندگی گزار رہے ہیں میڈیا ان تک پہنچ ہی نہیں پائی۔

پہلے والی کو زیر دے کر بیان ریکارڈ کروایا گیا، اب یہ ماں‌ اور بیٹی کا قتل زمہ داری باپ پر ڈال دی۔ اس کے بعد باقی جو لڑکے والے ہیں وہ بچے تو ان کی خبر بھی اسی طرح موصول ہو گی۔ اور یہ فائل بند۔

 

ظاہری طور پر تو فائل بند ہو چکی ہے، لیکن حقیقت یہ ہے کہ اس کیس کے مابعد اثرات اگر پاکستان کو نہ لے ڈوبے تو کم از کم حکمرانوں کو ضرور لے ڈوبیں گے۔ ابھی تو ابتداء ہے۔ ۔ ۔ ۔

 

ہمارے ہاں غريب اور عورتیں دن رات مرتے ہيں اس سے كسى چيز كو كوئى فرق نہيں پڑتا ۔۔۔ نہ پڑے گا ۔۔۔

 

السلام علیکم

فائل ریمنڈ ڈیوس والے اشو پر بند ہو گی، پاکستان کی فائل بند نہیں ہونی۔

حکمرانوں کا پیسہ تو بیرون ممالک میں ھے وہ کسی بھی طرح پاکستان چھوڑ کر چلے جائیں گے جب وہ اس پر کوئی مشکل دیکھیں گے جس سے نپٹا نہیں جا سکتا ورنہ وہیں رہیں گے۔ نقصان غریب عوام کو ہو گا اور ہر مرتبہ ہوتا ھے، جن کا پہیہ چل رہا ہوتا ھے وہ بھی معمول کے مطابق زندگی گزارتے ہیں۔

والسلام

 

اس واقعہ میں ضرور اس رقم کا بھی تعلق ھو گا جو لواحقین کو ادا کی گئی۔
اللہ ھی سب کچھ جانتا ھے۔