"اسرائیل" کو گالی دینا یا لعنت کرنا درست نہیں ـ

بارک اللہ فیک شیخ

 

موجودہ وقت میں جواسرائیل ہے وہ ایک قوم ہے اسلام کی سخت ترین دشمن۔ یہ وہ اسرائیل نہیں ہے جس کا آپ تذکرہ کررہے ہیں ۔بلکہ قرآن میں بنی اسرائیل کے کافروں پر لعنت کیگئی ہے ارشاد باری ہے :لعن الذین کفروا من بنی اسرائیل علی لسان داود۔۔ المائدہ: 78۔

 

مطلب یہودیوں کے ملک کو بنی اسرائیل کہنا چاہیئے نہ کہ اسرائیل.

 

حیرت ہے۔ مذکورہ بالا قرآنی آیت میں لعن کا مفعول "اسرائیل" (اللہ کا بندہ) نہیں "الذین کفروا من بنی اسرائیل " (اللہ کے بندے کی اولاد میں سے وہ لوگ جنہوں نے کفر کیا) ہے۔ گویا لعنت کافروں پر پہے اسرائیل پر نہیں۔اس سے کیسے استدلال ہو رہا ہے؟

اصل بات یہی ہے کہ یہودیوں نے اپنی ریاست کا نام اسی لیے اسرائیل جیسا مقدس لفظ رکھا ہے کہ مثبت تاثر دے سکیں۔ اس لیے بہتر ہے کہ یہود پر لعنت کی جائے جیسا کہ قرآن مجید میں ہے۔

 

جی متدین عرب اس کو اسرائیل کہتے ہی نہیں وہ کہتے ہیں یہ ملک ہی نہیں۔ جیسے ہم جموں و کشمیر کو مقبوضہ ہی کہتے ہیں، یا پاکستان بنانے والی نسل بنگلہ دیش کا نام نہیں لیتی تھی اسے مشرقی پاکستان ہی کہتے تھے۔

 

جناب نیر مدنی صاحب محسوس ہوتا ہے کہ آپ نے تھریڈ کو غور سے پڑے بغیر ہی کمنٹس دے دیے ہیں۔ اس تھریڈ کی بنیادی باتیں کیا ہیں۔
1- بعض لوگ یہودیوں سے نفرت کی بناء پر لفظ " اسرائیل " کو استعمال کرتے ہوئے گالی دیتے ہیں یا لعنت کرتے ہیں ـ یہ لوگ لا علمی کی وجہ سے ایسا کرتے ہیں ـ اہل علم نے ایسا کرنے سے منع کیا ہے ـ
2- لفظ " اسرائیل" عبرانی زبان کا لفظ ہے ، اس کا معنی " اسراء یعنی عبد" اور " ایل یعنی اللہ "
3- یہ یعقوب علیہ السلا م کا نام تھا
4- لفظ اسرائیل کے ساتھ گالی دینا یا لعنت کرنا غلط ہے کیونکہ اس کا مطلب ہے " عبداللہ "(اللہ کا بندہ ) ، اور عبداللہ یہاں "یعقوب علیہ السلا م" ہیں
5- اب جب ہمیں لعن کرنا ہو تو علماء نے کچھ ایسے لعن کرنے کا کہا ہے۔
اس لئے جو شخص بھی گالی دینا چاہے یا لعنت کرے تو وہ اس طرح کہ دیا کرے ـ" اللہ ان یہودیوں /صہونیوں پر لعنت کر

 

لفظ ،اسرائیل۔ کو کوئی گالی نہیں دیتا ہے کوئی لفظ کو گالی دیکر کیا کرےگا بلکہ اسرائیل سے وہی مراد ہیں جوفلسطین پرقابض ہیں اخباروں میں دیکھئے اسرائیل کی خبریں آتی ہیں یہاں اسرائیل سے مراد قوم ہے نہ کہ لفظ ۔فافھم جیدا

 

جی بھائ لفظ کو تو نہیں لفظ کو استعمال کر کے گالی ضرور دیتا ہے۔ اور لفظ کا مطلب " عبد اللہ" بنتا ہے۔ جس کی جانب تھریڈ میں توجہ دلائ گئ ہے۔

 

جی یہ بات درست ہے اس کو بحیثیت قوم برا کہا جاتاہے۔ بہرحال ہمیں درست مطلب کو بھی ذہن میں رکھنا چاہیے کہ یہ ایک مقدس لفظ ہے۔

 

مجھے اس آیت میں بنی اسرائیل اور اسرائیل کے فرق پر توجہ دلانی تھی۔

جو لوگ عربی نہیں جانتے یا کسی اچھے استاد سے گہرائی میں تفسیر نہیں سیکھی ہوتی وہ اایسی کئی غلطیوں کا شکار ہو جاتے ہیں۔ خاص طور پر مختصر دورہ قرآن کو کافی سمجھ کر آگےچل پڑنے والے، ہونا یہ چاہیے کہ مزید مطالعہ جاری رہے، اس سال کم گہرائی سے پڑھا اگلے سال مزید اچھی تفاسیر کو رک رک کر دیکھا جائے قرآن ختم کرنے پر زور نہیں ہونا چاہیے قرآن سمجھنے پر زور ہونا چاہیے۔ ایسی غلطیاں مروجہ قرآن کلاس کے استاد سے شاگردوں میں منتقل ہو جاتی ہیں اور پھر غلطی اتنی عام ہو جاتی ہے کہ لوگوں کو بتایا جائے تو یقین نہیں کرتے۔ مجھے خوشی ہے کہ اردو مجلس پر ایسے موضوعات پر بات ہو رہی ہے۔
اچھا یہاں مولانا محمد جونا گڑھی رحمہ اللہ کے ترجمے کی خوبی بھی دیکھیے، کیسا مستند ترجمہ ہے صرف لفظی ترجمہ نہیں تفسیری گہرائی بھی ہے۔ ایسے مقامات کا موازنہ کچھ مقبول عام مترجمین سے کر کے دیکھیے معلوم ہو جائے گا کہ کہاں صرف زبان دانی ہے اور کہاں مکمل ترجمے و تفسیر کو سمو کر پیش کرنے کی ذمہ داری پوری کی گئی ہے۔
مولانا مودودی کے اردو ترجمہ قرآن کو کچھ لوگوں نے انگریزی میں ڈھالا ہے انہوں نے بالکل واضح انداز میں بنی اسرائیل اور اسرئیل کا فرق ہضم کر لیا ہے۔
All food (that is lawful in the Law revealed to Muhammad) was lawful to the Children of Israel, except what Israel made unlawful to themselves before the revelation of the Torah. Tell them: 'Bring the Torah and recite any passage of it if you are truthful.'
یہاں دیکھیے دیم سیلوز کا لفظ بتا رہا ہے کہ وہ اسرائیل کو پلورل سمجھ رہے ہیں جب کہ یہ ایک فرد کا نام ہے۔
یہاں ڈاکٹر تقی الدین ہلالی اینڈ خان کا ترجمہ زیادہ بہتر ہے جو کہ ہمیشہ ہی زیادہ مستنداور بہتر ہوتا ہے
All food was lawful to the Children of Israel, except what Israel made unlawful for himself before the Taurat (Torah) was revealed. Say (O Muhammad SAW): "Bring here the Taurat (Torah) and recite it, if you are truthful."
اللہ رحم کرے ہم پر۔

 

جزاک اللہ خیر

 

جزاكِ الله خيرا سسٹر ام نور العین۔

 

جزاک اللہ خیرا
بات سادهى سی ہے اللہ ہمیں سمجه دے.آمین